2018-2021 йилларда солиқ маъмурчилиги тубдан такомиллаштирилди. Хусусан, режали текширишлар бекор қилиниб, назорат мақсадларида солиқ тўловчиларни сегментлаш тизими ҳамда солиқ назоратининг самарали янги шакллари жорий этилди.
Фойдадан солиқларни унификациялаш ҳамда илмий асосга эга бўлмаган солиқ ва йиғимларни бекор қилиш ҳисобига 2018-2020 йилларда солиқ ва йиғимлар сони 35 тадан 16 тага қисқартирилди.
Сўнгги йилларда якка тадбиркорлар ва ўзини ўзи банд қилувчи шахслар учун солиққа тортиш сезиларли даражада эркинлаштирилди.