Telegram

2021-01-30 18:57:26 Ўзбекистонда коронавируснинг “британча штамм”и илк бор қайд этилди — ССВ

Коронавирус пойтахтлик 10 ёшли Ш. (2010 йилда туғилган, қиз бола)да аниқланди. У оила аъзолари билан бирга Дубайга сафар қилиб, 23 январь куни Тошкентга қайтган.

Ҳозирда унинг умумий ҳолати қониқарли, шикоятлари йўқ, даволанмоқда. Ochish/sharhlash

2021-01-30 13:35:59 ​Жаҳонгир Ортиқхўжаевнинг ўринбосари Тошкент вилоятига ҳоким бўлди

Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари Даврон Хидоятов Президент фармони билан Тошкент вилояти ҳокими лавозимига тайинланди.

У 1976 йилда Тошкент шаҳрида туғилган. Маълумоти – олий. 1998 йилда Тошкент давлат иқтисодиёт университетини тамомлаган, 2009-2012 йилларда "General Motors Uzbekistan" акциядорлик жамияти молия масалалари бўйича бошқарувчи директори, 2017-2018 йилларда Чилонзор тумани ҳокими сифатида фаолият юритган.

2018 йилдан бугунгача Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида ишлаб келаётган эди.

Расмни постга алоқаси йўқ, шунчаки чалғитиш учун қўйилди.

@olgauzbekiston Ochish/sharhlash

2021-01-30 11:49:27 Тошкент вилояти ҳокими ишдан кетди. Унинг ўрнига, кеча ёзганимдек, Жаҳонгир Ортиқхўжаевнинг ўринбосари Даврон Ҳидоятов тайинланди. Даврон акани яқиндан танийман, билимли ва сиёсий хушёр, ҳаракатчан одам.

У 2017 йил апрелгача Хусусийлаштириш, монополиядан чиқариш ва рақобатни ривожлантириш давлат қўмитаси раиси лавозимида ишлаган. Ўша машҳур «валломати» сўзи унга нисбатан илк марта видеоселекторда ишлатилган ва ишдан олинганди. Кейин Чилонзор туманига ҳоким этиб тайинлган.

@davletovuz юқори лавозимда ишлаган амалдорларнинг қуйига раҳбар этиб тайинланишини ўзига хос шарҳлаганди.

«Ўзбекистоннинг иккита вазир даражасидаги раҳбарлари қуйида «стажировка» ўтайдиган бўлишди. Буни «олифта ёки қиммат галстукчани тақиб, юзига чанг тегмаган туфли кийиб юрадиган кабинет амалдорлари»га ҳаётни ўргатишнинг янги механизми сифатида ҳам кўриш мумкин», — деб ёзганди у.

20 ойдан сўнг, Ҳидоятов Тошкент шаҳар ҳокимига ўринбосар этиб тайинланди. Бундан сал аввал, пойтахт туманлари ҳокимлари вазифасидан ёппасига олинган ва синов учун лавозимида қолдирилганди. Демак, Даврон Ҳидоятов юқорининг ишончини оқлаган.

Нега Даврон ака ҳақида фикрим илиқ? У биргина карантин ҳудудлари қурилишида қанчалик жонбозлик кўрсатгани, шаҳарнинг деярли барча қора юмушларида кепкани бостириб ишлаганини кўп кўрганман. Тошкент вилоятига омад тилайман. Даврон Ҳидоятовга ҳам. Ochish/sharhlash

2021-01-30 11:44:59 Улуғбек Узоқов Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари лавозимига тайинланди.

Улуғбек Узоқов айни пайтга қадар Жиззах вилояти Дўстлик тумани ҳокими лавозимида ишлаб келаётган эди. У Жиззах вилояти ҳокими сифатида ҳам ишлаган. Ochish/sharhlash

2021-01-30 11:30:36 Президент фармонига мувофиқ, Тошкент вилояти ҳокими Рустам Холматов лавозимидан озод этилди.

Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари Даврон Ҳидоятов вилоят ҳокими вазифасини бажарувчи этиб тайинланди. Ochish/sharhlash

2021-01-30 11:27:38 Мен шу эпохада туғилиб, ўсдим: гўёки, ҳаммаси шундай қоладигандай эди.

Президент совғаси, президент арчаси, президент қутлови, президентга мактуб...

2016 йилги воқеалар битта ҳақиқатни яна бир бор эслатди: умр ғанимат ва уни оқилона яшаб ўтиш лозим. Шу берилган умр давомида оиласига, жамиятига, халқига нафи етган инсон бахтли инсон бўлиб ўтади. Ochish/sharhlash

2021-01-30 10:52:41 “Тошкент ҳақиқати” газетасининг телеграмдаги канали ёзишича, бугун куннинг биринчи ярмида Тошкент вилояти фаолларининг йиғилиши бўлиши кутилмоқда. Йиғилишда ташкилий масала кўрилиши айтилмоқда. "Демак, бугундан вилоятнинг янги раҳбари вазифасини бажаришга киришади", деб ёзади канал.

Кеча Президент фармони билан Дилмурод Хамидуллаевич Набиев бошқа ишга ўтиши муносабати билан Ўзбекистон Республикаси жисмоний тарбия ва спорт вазири лавозимидан озод этилди.

Улуғбек Шухратович Ташходжаев бошқа ишга ўтиши муносабати билан Ўзбекистон Республикаси Президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси ўринбосари лавозимидан озод этилди.

Дониёр Бахтиёрович Кадиров Ўзбекистон Республикаси Президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси ўринбосари лавозимига тайинланди. У бунгача Ўзбекистон Республикаси ички ишлар вазирининг транспорт ва туризм объектларида хавфсизликни таъминлаш бўйича ўринбосари лавозимида ишлаб келаётган эди.

Kun.uz сайтининг ёзишича, Олмазор тумани ҳокими Бахтиёр Раҳмонов Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимига ўтади.

2018 йилдан буён Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида ишлаб келаётган Даврон Ҳидоятов ҳам бошқа лавозимга тайинланади.

Президент Шавкат Мирзиёев 27 январ куни шу ҳафта битта вилоят ҳокими ва битта вазир ишдан олинишини маълум қилган эди. Ochish/sharhlash

2021-01-29 21:00:08 Xpress.uz ўз манбаларидан олган маълумотга кўра, ўтган ойда ҳайфсан олган Холматов бошқа лавозимга ўтказилиши кутилмоқда.

Унинг ўрнига Тошкент шаҳар ҳокимининг 1-ўринбосари Даврон Ҳидоятов тайинланади. Тошкент шаҳар ҳокимининг биринчи ўринбосари эса Бахтиёр Раҳмонов бўлиши кутилмоқда. У айни Олмазор туманига ҳоким.

У 2018 йил майидан буён Олмазор туманига раҳбарлик қилиб келаётганди.

Холматов Олмазор туманига ҳоким бўлармикан? Ё бугун ишдан бўшатилган Жисмоний тарбия ва спорт собиқ вазири Дилмурод Набиевми?

Вилоят ҳокими ва вазирни ишдан оламан, деганди, менимча, тугади :) Ochish/sharhlash

2021-01-29 19:41:09 Дилмурод Набиев лавозимдан озод этилди

https://kun.uz/28482533

Ўзбекистон Республикаси жисмоний тарбия ва спорт вазири лавозимидан озод этилди. Ну, бўлдими? Ochish/sharhlash

2021-01-29 15:38:20 Ҳоким ва вазирни ишдан оламан, дебди президент. Очиғи, мен бу иш жуда тез кунларда бўлади, деб ўйламайман.

Агар амалга оширилса ҳам, улар ким бўлиши мумкин? Охирги пайтда халқ қарғишига қолаётган Энергетика вазири Алишер Султоновми? Менимча, йўқ.

Қишлоқ хўжалигида жуда кутилган натижага эришолмаётган (рақамлар бежа кўрсатишни билмаётган десак ҳам бўлади) Жамшид Хўжаев ишдан кетиши мумкин. У нима учун кетади? Этиги йўқлиги учунми? Асло!

Унинг соҳаси аслида маҳаллий ҳокимият томонидан булғаб ташланган. Фермерларнинг кўпи ҳар тонг уйғонаркан, ҳокимиятнинг бирор вакили билан жангга киришгандай, далага қараб кетади. Хуллас, қишлоқ хўжалиги вазири ишдан олинса, у соҳадаги камчилик учун эмас, Ўзбекистонда ҳалигача сиёсий ислоҳот бўлмаётгани учун, кетган бўлади.

Энди ҳоким масаласига келайлик: у ким бўлиши мумкин? Аслида ҳамма ҳокимни ишдан олса ҳам, ярашади. Лекин ҳаммасининг ўрнига «садоқатли» янги ҳокимларни топиш қийин. Шунинг учун, бу гал ишдан кетадиган ҳокимнинг сўнгги вазифаси — қолганлар учун сигнал бўлиш. Яъни унинг ишдан олиниши қолганларга катта мессеж. Ишла, натижа кўрсат, демоқчи бўлган бўлади давлат раҳбари.

Менимча, Тошкент вилояти ҳокими лавозимидан кетиб қолиши мумкин. Ochish/sharhlash