O'zgalar mushkulini yengil qilishdan-da ortiq baxt bormi, inson uchun?! Zero, ana shu yaxshilik va uni ko'rgan insonlar duosi ortidan baraka va halovat keladi!
Olcha tomonidan amalga oshirilgan kichik xayrli amalni ko'rsatishdan maqsadimiz, ko'z-ko'z qilish emas, balki xolis ibrat olishingizdir.
E'tiborli kuzatuvchilarimiz sabab, biz ularni topdik — yordamga muhtoj qora ko'zlar!
Endi ularda bilim egallash uchun kerakli o'quv qurollari bor!
Endi ularning ota-onasi maktab bozori haqida qayg'urmaydi, ko'ngli hotirjam tortadi...
Afsuski, bu singari oilalar hali yurtimizda ko'plab topiladi. Va ularga yordam qo'lini cho'zishning erta-kechi yo'q, aslida. Ushbu satrlarni o'qiyotganlar orasida ham ana shunday sahovatpesha insonlar borligiga qalban ishonamiz!
Har birimizdan faqat yaxshilik qoladi! Uni qilish uchun esa istak bo'lsa, bas!
