"Манчестер Сити" футболчиси Хулиан Альварес бир мавсумнинг ўзида клублар миқёсида требл қайд этган ва ЖЧни ютган илк футболчи бўлди.
Кеча тунда "шаҳарликлар" форварди ЕЧЛ ғолибига айланди. Бунга қадар "Сити" Англия Кубоги ва АПЛ бош совринига эга чиққанди.
Ундан ташқари, Альварес ушбу мавсум Аргентина термаси билан биргаликда жаҳон чемпионлигини қўлга киритганди. 23 ёшли футболчи "Манчестер Сити"даги илк мавсумида 31 та ўйинда 9 та гол урди.
