#Xiyonat 18+ So'nggi vaqtlarda ayollar tomonidan erkaklarni | ❤️ OILAVIY ❤️
#Xiyonat 18+
So'nggi vaqtlarda ayollar tomonidan erkaklarning xiyonati haqida bizga ko'p maktublar kelyapti. Shuning uchun ikki jins vakillariga ham murojaatimiz bor.
#Erkaklar, ayolingizga xiyonat qilmang, bu avvalo gunoh amal, oxiratda javobi bor. Qolaversa, sizga ham xiyonat qilinishi mumkinligini o'ylang, Alloh asrasin. Yaxshisi, ko'nglingizga yoqadigan birortasi chiqsa, uylaning, harom ish qilib yurmang.
#Ayollar, xiyonatning sababini o'ylab ko'ring. Sizda ham ayb bo'lishi mumkin axir. Keling, tahlil qilamiz:
– Xiyonatning bosh omili erning to'shakda qoniqmasligidir. Siz uni to'ydirib qo'ydingizmi? Xohishini rad qilmaysizmi? Yotoqda zo'rmisiz? Jonini olgudek qilib qo'shiling, boshqaga qarash ham xayoliga kelmaydi.
– U bilan ko'p suhbatlashasizmi? Suhbatingiz nima haqida? Ko'p oilalar aka-singil kabi suhbatlashadigan bo'lib qolgan: kundalik muammolar, chiqimlar, rejalar – hammasi jiddiy, zerikarli. Erni xursand qiladigan ishqiy suhbatlar, qiziqarli, kutilmagan gaplar yo'q. Hol so'rang, kuni qanday o'tgani, kelajak rejalari haqida gaplashing. Ko'proq erkalang, mayli behuda gap bo'lsa ham ko'proq suhbatlashing, muhimi uni qiynaydigan narsalarni emas, kayfiyatini ko'taradigan gaplarni gapiring. Latifa aytib bering kerak bo‘lsa. Quvnoq va samimiy bo‘ling. Soxtalik erkakka bilinadi.
– Er uchun uy halovat maskani bo'lsin, shunda ko'chaga oshiqmaydi. Buning uchun hamma narsaga e'tiborli bo'ling: tozalik, xotirjamlik, mehr bo'lsin.
– Istaysizmi yo'qmi yillar o'tishi bilan yoshlik, husn ketadi, endi uni avvalgidek jalb qila olmay qolishingiz mumkin. Lekin siz uni mehr bilan tutib turaverasiz, u sizdan aslo yuz o'girmaydi – erkak bo'lsa! Lekin erkak yana o'sha asal oylarini qo'msab qolishi mumkin. Ochiqroq aytganda, 3-4 ta bolali bo'lganingizda uni qoniqtirmay qo'yishingiz mumkin. Shunda uylanishiga o'zingiz yo'l ochib bering. Savda onamizni eslang: o'z kunlarini Oisha onamizga bergan edilar, sizdan bu so'ralmayapti, shunchaki inson sifatida istagandek yashashiga qo'yib bering.
– Sizdan topa olmayotgan halovat, muhabbatni boshqadan istayotgandir. Siz unga halovat bering, uni baxtli qilishga intiling. Shunchaki er-xotin bo'lganingiz uchun, bolalar borligi uchun birga yashamang, bir-biringizni baxtli qilish uchun yashang. Har lahzani quvonchga to'ldirishga intiling.
Eslatma: yuqoridagi uylanishga doir barcha gaplar adolat qila oladigan erkaklarga tegishli. Bo‘lmasa, o‘z oilangiz bilan kifoyalaning.
hubbuna
@Oilaviy_kanal_tg — baxtli juftliklar sahifasi
