2023-06-22 19:56:08
Ҳашамат солиғи нима ўзи?
Ўзбекистон Халқ демократик партиясининг Президентликка номзоди дастуридаги ҳашамат солиғи билан боғлиқ таклиф ижтимоий тармоқларда турли муҳокамаларни келтириб чиқарди. Бу ўзи қандай таклиф экани, уни маъноси ҳақида ўйлаб кўришимиз керак.
Дастурда кўрдим, унда миқдори қонун билан белгилангандан қимматбаҳо мол-мулк солиғини жорий этиш таклиф этилган.
Халқ демократик партияси оламшумул, аввал кузатилмаган ташаббус билан чиқаётгани йўқ, қимматбаҳо мол-мулк учун солиқ жаҳондаги қатор давлатларда жорий этилган. Уларда ҳам турли мунозаралар, катта муҳокамалар бўлган.
Гап шундаки, дунёда жуда қиммат машиналарга, виллалар ёки ҳашаматли уй-жойларга унинг қийматидан 1-3 фоизгача бўлган солиқ солиш тажрибаси мавжуд.
Ҳашамат солиғи янги солиқ эмас, бу бойларнинг пулига, мулкига ҳасадгўйлик ҳам эмас. Бу мол-дунёга, ҳашаматга муккасидан кетиб, жамиятдаги муҳитга салбий таъсир қилаётган, жамоатчиликнинг ижтимоий кайфиятини бузаётган кимсаларнинг ижтимоий масъулиятини оширишга интилиш, деб тушундим.
@mufasa_mh
182 views16:56