O'zMU Tarix fakulteti

2021-09-12 04:40:25 #fakultetimiz_iftixorlari

O‘zbekistonda xizmat ko‘rsatgan fan arbobi, Beruniy nomidagi Davlat mukofoti laureati, tarix fanlari doktori, professor Sulaymonov Rustam Hamidovich 1939-yil 30-mayda Toshkent shahrida tavallud topgan.

U 1962-yil Toshkent davlat universiteti (hozirgi O‘zMU) Tarix fakultetining arxeologiya bo‘limini tamomlagan.

Rustam Sulaymonov o‘zbek arxeologiya maktabining an’analarini davom ettirib, O‘zbekiston janubida qator arxeologik obidalarni tadqiq etishda faol ishtrok etgan.

Uning ilmiy, pedagogik va jamoatchilik sohalaridagi faoliyati cheksiz baholanib Beruniy nomidagi Davlat mukofotiga sazovor bo‘lgan, “Do‘stlik” ordeni bilan taqdirlangan, O‘zbekiston fan arbobi.

Olim xalqaro miqyosida arxeologlar bilan ilmiy aloqalarda faol ishtirok etib kelmoqda. Jumladan, u Germaniya Arxeologiya institutining faxriy a’zosi etib saylangan. Ochish/sharhlash

2021-09-12 04:40:25 #fakultetimiz_iftixorlari

Tarix fanlari doktori, professor Murtazayeva Rahbarxon Hamidovna 1950-yil 20-mart kuni Namangan shahrida tavallud topgan.

1972-yilda Toshkent davlat universiteti (hozirgi O‘zMU)ning Tarix fakultetini tamomlagan.

Olima universitetdagi 45 yillik mehnat faoliyati davomida uzoq yillar kafedra mudiri, universitetning birinchi prorektori lavozimlarida faoliyat yuritdi, hozirda magistrlarga saboq berib kelmoqda.

Uning tashabbusi bilan 2006-yili universitetda “Millatlararo totuvlik va bag‘rikenglik” ilmiy markazi ochildi. Olima “Millatlararo munosabatlar va bag‘rikenglik tarixi” ilmiy maktabining asoschisi hisoblanib, bu sohada ko‘plab salmoqli ishlarni amalga oshirib kelmoqda.

Rahbarxon Murtazayeva mustaqillik davrida respublikada birinchilardan bo'lib “O‘zbekiston tarixi” fanini oliy ta’lim o‘quv dasturiga kiritish tarafdori bo‘lgan. U 400 ga yaqin ilmiy, o‘quv-uslubiy ishlar muallifi.

Olima 1995-yili “Shuhrat” medali bilan mukofotlangan. Ochish/sharhlash

2021-09-12 04:40:25 Antropologiya va etnologiya kafedrasi 2020-yilda tashkil etilgan.

Hozirda mazkur kafedraga tarix fanlari bo'yicha falsafa doktori (PhD) Akbar Bobobekov rahbarlik qilib kelmoqda.

Kafedra qoshida Antropologiya va etnologiya bakalavriat, Etnografiya, etnologiya va antropologiya magistratura yo'nalishlari faoliyat ko'rsatib kelmoqda. Ochish/sharhlash

2021-09-12 04:40:25 Ochish/sharhlash

2021-09-12 04:40:25 #fakultetimiz_iftixorlari

“O‘rta Osiyo arxeologiyasi va davlatchiligi tarixi” nomli ilmiy maktab asoschichi, tarix fanlari doktori, professor, O‘zbekiston Fanlar akademiyasining haqiqiy a’zosi Anatoliy Sagdullayev 1951-yil 15-iyunda Qashqadaryo viloyati Kitob tumanida tug‘ilgan.

Anatoliy Sagdullayev 1968–1973-yillarda Toshkent davlat universiteti (hozirgi O‘zbekiston Milliy universiteti) Tarix fakultetining O‘rta Osiyo arxeologiyasi kafedrasida ta’lim olgan.

U O‘rta Osiyo arxeologiyasi, madaniyati va davlatchiligi tarixi bo‘yicha yirik mutaxassis. Olim ilgari O‘rta Osiyo arxeologiyasi faniga noma’lum bo‘lgan yodgorliklarni kashf etgan.

Anatoliy Sagdullayev – Shahrisabz shahrining 2700 yilligini asoslab berish maqsadida Kesh–Shahrisabz vohasida keng ko‘lamdagi arxeologik ilmiy-tadqiqot ishlarining tashkilotchisi va ilmiy rahbari.

Olim 2020-yilda “Mehnat shuhrati” ordeni bilan mukofotlandi. Ochish/sharhlash

2021-09-12 04:40:25 O'zbekiston Milliy universiteti tarixi bilan tanishish uchun quyidagi kitoblarni mutolaa qilishingiz mumkin: Ochish/sharhlash

2021-09-12 04:40:25 Tarix fakulteti Arxeologiya kafedrasi kabinet-muzeyidagi eksponatlardan biri. Ossuariy. Ochish/sharhlash

2021-09-12 04:40:25 Tarix fakultetining Arxeologiya kafedrasi qoshida 1940-yilda tashkil etilgan o‘quv kabinet-muzeyi faoliyat yuritmoqda.

Unga 1940-yilda Arxeologiya kafedrasining ochilishi vaqtida asos solingan.

Ushbu kabinet muzeyida talabalar turli arxeologik topilmalarni tahlil qilish, tiplarga ajratish, klassifikatsiyalash, fiksatsiya hamda restavratsiya qilish bo‘yicha amaliy mashg‘ulotlarni amalga oshirishadi.

Shuningdek, muzeyda arxeologik fond mavjud bo‘lib, unda kafedraning arxeologik dala topilmalari saqlanadi. Ochish/sharhlash