📚 КУНЛИК ҲАДИС | Расмий канал 🌙

2023-05-13 13:37:11 #Ҳадис_562

НАМОЗГА БЎЛГАН ҲАРИСЛИКЛАРИ

عن أنس قال: قال رسول الله- صلى الله عليه وسلم- حبب إلي من الدنيا النساء والطيب وجعل قرة عيني في الصلاة

Анас розияллоҳу анҳудан ривоят қилинади:

"Расулуллоҳ соллаллоҳу алайҳи васаллам: Дунёдан менга уч нарсани маҳбуб қилинди. Аёллар, хушбўйлик ва кўзимнинг қувончини намозда қилинди".

Термизий ривояти.

Изоҳ: Бу гапдан мақсад у зот соллаллоҳу алайҳи васалламни аёлларга ҳарис бўлганларининг баён қилиш эмас, балки албатта ҳамма қатори, Расулуллоҳ соллаллоҳу алайҳи васаллам ҳам башар бўлганлари, уйланганлари, аёлларига муҳаббат қўйганлари аниқ.
Бундан мурод инсонларнинг аёллар ва хушбўйликка бўлган ҳарисликлари қанчалик даражада бўлса, у зот соллаллоҳу алайҳи васалламнинг намозга бўлган ҳарисликлари унданда зиёда эканлигини тушунтириб беришдир.

KУНЛИК ҲАДИС | Манба: islom.uz Ochish/sharhlash

2023-05-12 12:57:53 Аудио Қуръон:

1. Тўлиқ 114 та сура
2. Пораларга бўлинган ҳолда 30 пора Қуръон

Устоз Раҳматуллоҳ қори Обидов Ochish/sharhlash

2023-05-12 09:20:01 #Жума_муборак

Ассалому алайкум ва роҳматуллоҳи ва барокатуҳ!!!

Жума айёми муборак бўлсин!!!

Дўстларингизга ҳам улашинг!!!
@nurli_yol Ochish/sharhlash

2023-05-11 16:10:00 ПАЙШАНБА ИФТОРЛИК

Абу Ҳурайра розияллоҳу анҳудан ривоят қилинади:
Росулуллоҳ ﷺ дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман»
Имом Термизий ривояти

KУНЛИК ҲАДИС Ochish/sharhlash

2023-05-11 06:01:14 #Ҳадис_561

БИР КУН ТУТИБ, БИР КУН ОЧИШ


Абдуллоҳ ибн Амр розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам менга: «Аллоҳга энг маҳбуб рўза Довуд алайҳиссаломнинг рўзасидир. Бир кун тутиб, бир кун очар эдилар. Аллоҳга энг маҳбуб намоз Довуднинг намозидир. Кечанинг ярмида ухлаб, учдан бирида бедор бўлиб, олтидан бирида ухлар эдилар», дедилар».

Бешовлари ривоят қилганлар.

Шарҳ: Албатта, бу ҳадиси шарифда доимо нафл рўза тутиб, нафл намоз ўқишни ният қилган кишиларга тавсия бўлмоқда. Баъзи кишиларда кўпроқ нафл рўза тутишга ҳам истак, ҳам имкон бўлади. Ана шундай кишилар Довуд алай­ҳиссаломга ўхшаб, бир кун тутиб, бир кун очсалар, жуда яхши бўлар экан. Бундан кўпи кўплик қилар экан.

Шунингдек, баъзи кишиларда кўпроқ ва унумлироқ нафл намоз ўқишга истак ва имкон бўлади. Ана шундай кишилар кечанинг яримини ухлаб ўтказиб, кейин учдан бирида бедор бўлиб, нафл намоз ўқисалар, Бомдод намозигача қолган олтидан бирида яна ухлаб олсалар яхши бўлади. Довуд алайҳиссалом шундай қилган эканлар. Аллоҳ таоло учун энг маҳбуб нафл рўза ва нафл намоз ана шундай бўлар экан. Бундан кўпига уринган одам яхши иш қилган бўлмайди.


KУНЛИК ҲАДИС | Манба: https://islom.uz/maqola/5042 Ochish/sharhlash

2023-05-10 16:20:13 #Эслатма
ЭРТАГА ПАЙШАНБА

Агар қодир бўлсангиз рўзани ният қилинг. Агар қодир бўла олмасангиз - бошқа диндошларимизга эслатинг ...
Бу хабарни эшитганлар ўзлари рўзани ният қилиб, яқинларига ҳам эслатиб қӯйишса, икки карра кӯпроқ савобга эга бӯладилар, ин шаа Аллоҳ.

Абу Ҳурайра розияллоҳу анҳудан ривоят қилинади:
Росулуллоҳ ﷺ дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман»
Имом Термизий ривояти

••┄┄┄┄┄❅┄┄┄┄┄•••

Ният: Ният қилдим холис Аллоҳ учун нафл рўзасини тутмоқликни. (қазо бўлган фарз рўзалар нияти ҳам жоиз).
Саҳарликка ухлаб қолса нима қилиш керак?

KУНЛИК ҲАДИС Ochish/sharhlash

2023-05-10 08:01:46 #Ҳадис_501 #Такрор

АСРДАН ОЛДИНГИ СУННАТ НАМОЗИ

Аср намозидан олдин тўрт ракат нафл намози ўқилиши ҳақида ҳадисда шундай дейилган:

عَنِ ابْنِ عُمَرَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: رَحِمَ اللهُ امْرَأً صَلَّى قَبْلَ الْعَصْرِ أَرْبَعًا. رَوَاهُ أَبُو دَاوُدَ وَالتِّرْمِذِيُّ

Ибн Умар розияллоҳу анҳудан ривоят қилинади:

«Набий (ﷺ): «Асрдан олдин тўрт ракъат намоз ўқиган одамни Аллоҳ раҳм қилсин», дедилар».

Абу Довуд ва Термизий ривоят қилганлар.


Шарҳ: Набий (ﷺ)нинг гапириш оҳангларининг ўзи бу намознинг таъкидланмаган, қўшимча намоз эканлигини кўрсатиб турибди. Ким рағбат қилиб, Асрдан олдинги тўрт ракъат суннатни Набий (ﷺ)нинг тавсиялари деб ният қилиб ўқиса, савоб олади, Аллоҳ таоло унга раҳм қилади.

Нафл намоз деб ният қилинади. Бир салом билан тўрт ракат ўқилади. Аср вақти кириб фарз ўқилмасидан олдин ўқилади.

KУНЛИК ҲАДИС | Манба: islom.uz | “Ҳадис ва Ҳаёт” китобидан Ochish/sharhlash

2023-05-09 17:30:11 #Ҳадис_560

БОМДОД НАМОЗИГА УХЛАБ ҚОЛАДИГАНЛАР УЧУН

Саҳобалар Расулуллоҳ соллаллоҳу алайҳи васалламга келиб: Биз Бомдоднинг қазо бўлишлигини жуда ёмон кўрамиз. Аммо намоздан ухлаб қолябмиз, уйқу бизга ғолиб бўлябди, туролмаябмиз бомдод намозига деб шикоят қилишди. Шунда, Расулуллоҳ соллаллоҳу алайҳи васаллам: "Ҳаддидан ошишлик уйқуда эмас уйғоқликдадир" дедилар.

Термизий ривояти

Шарҳ: Ҳадис қисқа ва маъноли. Ҳеч ким кўп ухлаганлиги учун бомдодга ухлаб қолмайди. Бир инсон ярим кечагача ўтиради ва кеч ётади. Инсон бўлганлиги учун чарчайди ва бомдодга устидан сув қуйилса ҳам туролмайди. Ухлаганлигида эмас уйғоқлигда ҳаддидан ошади.

Кимки бомдод намозига ухлаб қолаётган бўлса вақтлироқ ётсин!

•┈┈┈┈•❈••✾••❈•┈┈┈┈•
KУНЛИК ҲАДИС Ochish/sharhlash

2023-05-09 06:40:00 #Ҳадис_559

КАМТАРЛИК

Пайғамбаримиз соллаллоҳу алайҳи васаллам марҳамат қилиб: “Ким Аллоҳ учун камтарлик қилса, Аллоҳ унинг мартабасини баланд қилиб қўяди”, — деганлар.

Имом Муслим ривояти

Камтарлик ва ҳокисорлик сифатига эга бўлган киши нафақат эл-юрт олдида балки, Аллоҳнинг даргоҳида ҳам мақтовга лойиқдир. Бундай инсонлар ҳар қачон ўз ҳурматларини сақлай билиш билан бир қаторда, ўзгаларнинг қадру қийматларини ҳам ўз ўрнига қўядилар.

KУНЛИК ҲАДИС Ochish/sharhlash

2023-05-08 18:47:05 БАЛОҒАТ ЁШИ ҲАҚИДА
#рўза #намоз

CАВОЛ: Ассалому алайкум! Ҳурматли устозлар, балоғат ёши ўғил болаларга 12, қиз болаларга 9 ёшдан деб билар эдим. Сизларнинг бир саволга жавобингизда балоғат ёши эҳтилом бўлиш дейилибди. Маълумки баъзиларда эҳтилом бўлиш кечроқ, 15-16 ёшларда бўлади. Бундай ҳолатларда намоз ва рўза неча ёшдан бошланади? Болаларни неча ёшдан намозга буюриш керак?


ЖАВОБ: Ва алайкум ассалом! Расулуллоҳ соллаллоҳу алайҳи васаллам бола ўн ёшга етганида намоз ўқимаса уришга буюрганлар.

عَنْ سَبْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مُرُوا الصَّبِيَّ بِالصَّلَاةِ إِذَا بَلَغَ سَبْعَ سِنِينَ، وَإِذَا بَلَغَ عَشْرَ سِنِينَ فَاضْرِبُوهُ عَلَيْهَا. زَادَ فِي رِوَايَةٍ: وَفَرِّقُوهَا بَيْنَهُمْ فِي الْمَضَاجَعِ. رَوَاهُ أَبُو دَاوُدَ وَأَحْمَدُ وَالتِّرْمِذِيُّ

Сабра розияллоҳу анҳудан ривоят қилинади:
«Набий соллаллоҳу алайҳи васаллам: «Бола етти ёшга етганда уни намозга буюринглар. Ўн ёшга етса, унинг учун уринглар», дедилар». Бошқа ривоятда: «Ётар жойларини ажратинглар», деб зиёда қилинган. Абу Довуд, Аҳмад ва Термизийлар ривоят қилганлар.
Аммо фарз бўлиши, ўқимаса гуноҳ ёзилиши эҳтилом ёшидан бошланади. Эҳтилом бўлмаган ўғил-қизлар 15 ёшидан балоғатга етган ҳисобланадилар. Қазосини ўқимоқчи бўлганлар ўша балоғат ёшидан буён қолдирганларини қазосини ўқийдилар. 10 ёшдан қолдирганини эмас. Валлоҳу аълам!

«Зикр аҳлидан сўранг» ҳайъати

•┈┈┈┈•❈••✾••❈•┈┈┈┈•
Ибодат Масалалари Ochish/sharhlash