2022-06-27 18:34:22
Бундан таҳминан 1 йил олдин мени кимдир журналистика оламига кириб, у ерда соҳанинг энг катта вакилларидан иш ўрганасан деса, мен эҳтимол унинг устидан кулардим. Лекин...
2021 йил май ойида Элдор Асановнинг каналларида «Bugun.uz» журналистлар мактаби ташкил этаётгани ҳақидаги эълонга кўзим тушиб қолди.
Ўз соҳам бўйича материаллар ёзишга қизиққаним учун бу лойиҳада қатнашишга қарор қилдим, керакли ҳужжат ва материалларни жўнатдим.
Жавоб эълон қилиниши керак бўлган кун электрон почтамни текширгандим ва мени олишмаптида деб ўйлагандим.
Орадан бир ҳафта ўтиб мактабга қабул қилинганим ҳақида хабар олгандим. Кейин эса бир ой Элдор акадан биздан талаб этиладиган ишлар қандай бажарилишини ўргандим. Тўғриси, ўшанда мени энг лол қолдирган нарса Элдор ака қандай қилиб болаларни танлаб олгани бўлганди. Танлаб олинган болаларнинг деярли барчаси жуда ақлли ва мендан кўра потенциали баландроқ эди. Бу гапларни аканинг ўша танлаб олган шогиртлари кейинчалик «Bugun.uz», «Gazeta.uz» ва «Daryo.uz» каби нашрларда бемалол ишлаб кета олгани ҳам тасдиқлайди.
Кейин эса нашр таҳририятида амалиёт бошладим. Августда Ҳумоюн ишга қабул қилинганим ҳақида хабар берганди. Шу билан барча нарса тезлашиб кетди. Нашрда таржимонликдан бошланган ишим кейинчалик хабарчиликка, ундан кейин эса муҳаррирликка уланиб кетди. Йил якунида бизнинг жамоага Алишер Рўзиохунов келиб қўшилди. Қисқа муддатли ҳамкорлигимиз давомида акадан ҳам қўлимдан келганича ўрганишга ҳаракат қилдим.
Аканинг қайсидир куни интервьюга мана шу одамни гаплашинг дегани, меҳмон келганидан кейин эса «киринг, интервьюни сиз оласиз» дегани эсимда. Каналимда улашиб борадиган интервьюларнинг бошланиши шу воқеага бориб тақалади.
Кейинчалик эса таҳлилий мақолалар ёзишни ҳам ўрганишга ҳаракат қилдим. Уларнинг кўпини сиз билан бўлишганман. Кейинроқ жамоага ўзбек журналистикасининг яна бир катта вакили — Муҳрим Аъзамхўжаев ҳам келиб қўшилди. Ҳозирга келиб акадан ҳам керакли нарсалар ўрганишга ҳаракат қиляпмиз.
Юқоридаги хронологияния нега ёздим айтайми? Мен нашрда адашмасам энг кўп фронтга ташланган кадр бўлсам керак). Шу сабабдан, мен Ҳумоюнга контент-сёрчинг қанчалик катта босим бериши, Шоҳруҳга тадбирларни ёритиш қанчалик қийинлиги, Миржалол оқшом ёзишда баъзида ижодий инқирозни ҳис қилиши, Элшод, Нодира ва Меҳрилло муҳаррирлик қилишда қанақа қийинчиликларга учраши, Зулфия халқаро хабарларни таржима қилишда қанақа жараёндан ўтиши, Рухсорага камера олдида гапириш осон эмаслигини яхши биламан (Эъзоза опанинг википедияси бошқа олам, Азимнинг спорт хабарлари бошқа дунё, уларни билмайман).
Ва айтишим мумкинки, буларнинг барчаси ўз ватанини яхши кўради. Офисдаги бу жамоани нафақат пул ёки иш, балки, Отабек ака айтганидек, ўзбекистонпарастлик маҳражи бирлаштириб туради. Юрт ҳақида ва умуман бутун дунё ҳақида бирон ёмон янгилик чиққан куни офисда барчанинг кайфияти тушиб кетганини кўрганман. Украинада уруш расман бошланган куни таҳминан мана бундай кайфият ҳукмрон эди даврамизда.
Барчангизни табриклайман дўстлар, барчангиз яхши одамларсиз! Сизни ҳурмат қиламан. Ва бу байрам баҳонасида ҳеч қачон виждонингиз қийналадиган иш қилишга мажбур бўлмаслигингизни тилайман.
П.С: Айтганча, Бегзод акани ҳам «Шуҳрат медали» билан табриклайман. Жамоа ўсишдан тўхтамасин!
24 views15:34
N
