Опен Бюджет керакли платформа. Аммо камчиликлари ҳам бисёр. Уни кесиб ташлаш керакмас. Даволаш керак, муолажалар қилиш керак. Бу албатта "методом проб и ошибок" бўлади.
Масалан, "Менинг йўлим лойиҳаси доирасида ғолиблар аниқланди. Бу сафарги натижалар жудаям қизиқ, - деб ёзяпти Отабек Бакиров.
Тошкент шаҳрида ҳаттоки 2 та овоз олган лойиҳа ҳам ғолиб бўлган. Умуман олганда, йўллари анча равон бўлган пойтахтда 15 та лойиҳа 100 тадан кам овоз йиққан бўлсада, ғолиб бўла олган.
Йўллари абгор, чекка қишлоқларда минглаб, ўн минглаб овоз йиға туриб мағлуб бўлган ташаббуслар сони эса юздан зиёд. Фарғонада Ниҳол қишлоғи деярли 44 минг овоз тўплаб, Жиззахда Хонақоҳ қишлоғи ва Қашқадарёда Чувиллоқ қишлоғи 19 мингдан зиёд овоз тўплаб ютқазган. "
Манашу нарсани адолатли механизмини ўйлаб топиш керак. Қанақадир активлик квотаси жорий қилиниши, ўша активлик планкасидан паст овоз олганларга аталган маблағлар бошқаларга овозлар сонига қараб берилиши керак.
Ўзимни маҳаллам 7 минг овоз билан ғолиб бўлган ва шунча овозни тўплаш ҳам ўта қийин ишлигини биламан. Албатта президент фармони билан шу 10-20 минглаб овоз тўплаган одамлар қуруқ қолиб кетмаслигига умид қиламан. Чунки бу жуда катта меҳнат ва активлик талаб қилган иш.
@nurbekalimov
