Манетта братлардан яхши яшаш учун қанақа движлар қилишаётганин | Alimoff

Манетта братлардан яхши яшаш учун қанақа движлар қилишаётганини сўрадим, жавоблар зўр.

Бобомдан кейин бизни ҳаётимизда ҳам қийинчилик кунлари бошланган, ўша пайтларда Ўзбекистонда одамлар тирик қолиш учун яшашарди. Унларга бўлган очередлардаги жанжаллар даҳшат бўларди.

Ўшанда биз оилавий бизнес бошлаганмиз, мен ва опам саҳар туриб перажка пиширардик, бир кун олдин кечаси опам хамир қиларди, мен картошка пьюре тайёрлардим. Аям наполеон торт қиларди. Эртаси куни уни лицей, там мактабларни олдида сотиб келардим. Ҳеч унутмайман, бир кусок наполеон 25 сўм эди. Ўзим ҳам росса егим келарди аммо оилавий бизнесга ҳиёнат қила олмасдим.

Ўзим аям мактабга берган пуллардан пул тўплардим, 10 сўм, 5 сўм қилиб. Шунда 25 сўм ўзимнинг пулимдан умумий кассага қўшиб қўйиб, онам пиширган наполеондан ер эдим. Аслида, онамдан сўрасам ҳам йўқ демасди, лекин ўзимни қандайдир принципим бор эди. Умумий кассага ҳиёнат қилмасдим. Мен умрим давомида ҳар қандай жамоада ишласам шу нарсани биринчи ўринга қўйдим. Бизнесда ишонч муҳим. Ҳаттоки у оилавий бизнес бўлса ҳам.

@nurbekalimov