Kanal manzili:
Toifalar:
Kattalashtirilmagan
Til: Oʻzbek tili
Obunachilar:
714
Kanalning ta’rifi
Marmara universiteti magistiri, xalqaro turk tili oʻqituvchisi Nu'mon Nasrullayevning shaxsiy kanali.
• Shaxsiy fikrlar
• Tarjimalar
• Oʻzbek tilini oʻzga til vakillariga oʻqitish
(Til ta'limi)
• Turkiyada taʼlim
• Turk tili onlayn kursları
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
1
1 stars
0
Oxirgi xabar
2022-07-10 23:48:11
Assalomu aleykum!
Karabük univeristeti talabasi doʻstim Sherzod Davlatovni jonli suhbatga, "Keling shu kanal a'zolariga foydali kontentlar qilishda yordamingiz boʻlsin"- deb zoʻrgʻa koʻndirdim. Daxshat suhbat boʻladi demayman-u, ammo, foydali boʻladi.
Suhbatimiz quyidagi yoʻnalishlarda boʻlib oʻtadi.
Turkiyada ta'lim:
•Bakalavr
•Magistratura
•Doktorantura
•Grand dasturlari va shartnoma asosida kelish
•Diplom baholari bilan qabul
•İmtihon orqali qabullar
Turkiyada yashash:
•Yotoqxona
•İjara uylar
•Oʻqib ishlash
•İshlashga kelish
•İsh turlari
•Maoshlar
•Narx-navolar
Turkiyaga kelayotganda va kelgandan keyin tayyorlanadigan hujjatlar:
•ID kartasi olish (oturma izni)
•Sog'liq sugʻurtasi olish
•Bank hisob raqami ochish
•Talabalik guvohnomasi olish
@NumonNasrullayev
___
P.S: Men nima qilishim kerak deysizmi? Siz ham keling! Hamma urugʻ-aymoq, qavm-u qarindosh, oshna-ogʻayni, doʻst-u birodarlarni ham choqıriybırınglar!
Savol yoʻllang!
108 viewsNU'MON NASRULLAYEV, edited 20:48
2022-07-10 21:47:21
#Qurbon #bayrami
Assalomu aleykum!
Bugun Eid-Al Adha (Qurbon hayiti) bayrami munosabati bilan Istanbul "Mihmandar" talabalar jamiyatida turk va chet ellik tolibi ilmlar bayramlashdik! Vatan, oila, qavm-u qarindoshdan uzoqda boʻlsak ham, bu boʻshliqni yaxshi ma'noda yaxshi insonlar bilan toʻldira olayotganimizdan xursandmiz! Bayramingiz muborak boʻlsin!
Bizda shunaqa bayramda hamma bir birini bagʻriga bosib tabriklaydi. Qora, oq, sariq ular biz uchun faqatgina rang. Dunyoda bitta irq boʻlsin - inson irqi.
@NumonNasrullayev
P.S: Jamiyatning shiori: "Biz bir millatmiz."
142 viewsNU'MON NASRULLAYEV, 18:47
2022-07-09 17:30:34
#til #talimi
Oxirigacha oʻqimagan kal
Assalomu aleykum!
Bir til nega oʻrganiladi va nega oʻrgatiladi?
Mendan soʻralgan savolga oʻz fikr va mulohazalarimni yozishga qaror qildim. Ushbulardan sizga ham foyda kelib qolsa, biz xursand boʻlamiz. Siz ham oʻz fikrlaringizni bildiring!
Menga berilgan savol shu: Turkiyada oʻzbek tilini oʻrganishga boʻlgan qiziqish (oʻzbek tilini oʻrganishadimi?) qanday?
Bir inson, bir jamiyat bir begona tilni, u xoh qardosh xoh chet (begona) til boʻlsin, oʻrganish va oʻrgatish uchun nega extiyoj tuysin? Menimcha bir til ilm (bilim olish) qilish, ishlashga borish, biznes, qiziqish uchun oʻrganiladi. Bundan boshqa sabablar bormi bilmayman, bor boʻlsa ham...
Ilm qilish (bilim olish) uchun - siz biror davlatga oʻqishga bormoqchi boʻlsangiz, u davlatdagi ta'lim tili qaysi boʻlsa, qanday tilda manbalar koʻproq topa olsangiz oʻsha tilni oʻrganasiz. Bilim olishga borish uchun esa siz avval oʻsha borayotgan yeringizdan bilim ola olishingizga koʻzingiz yetishi kerak. Oʻzbekistonga kimlar bilim olish uchun, ilm qilish uchun borishi mumkin? Borganlar bizdan oʻzlariga kerakli manbalarni toʻgʻri va oson topa olishadimi? Oʻzbek tilini nega oʻrgansin?
Chet elga ishlashga borish - siz qayergadir ishlashga borar ekansiz oʻsha yerning tilini bilishingiz kerak! Hatto, borayotgan yeringiz tilidan imtihon ham topshirish holatlari bor (masal Koreya). Chet elga nega ishlashga borasiz? U yer sizga yaxshi haq toʻlagani uchun (sizni qulday ishlatgan taqdirda ham). Oila, farzandlar, vatan oromidan voz kechishga ham tayyor boʻlasiz! Oʻzbekistonga kim, nega ishlashga kelayapdi va oʻzbek tilini oʻrganyapdi?
Biznes qilish uchun - siz qaysidir davlatga borib, nega biznes qilasiz? Albatta, oʻsha yerdan moʻmay daromad hidini olsangizgina borasiz. Borgan taqdiringizda yo tilmoch yonlaysiz yoki oʻzingiz ularni tilini oʻrganasiz? Agar siz bu foydani boshqa yerdan ola olmasligingizni tushunib yetsangiz avval oʻsha yerni tilini oʻrganib ana undan keyin biznesga qoʻl urasiz. Vaqtincha yoki u foydani boshqa yerdan ham ola olishingizni bilsangiz ishoning tilmoch orqali hal qilasiz yoki sen boʻlmasang boshqasi. Bugun Oʻzbekistondan boshqa yerda topa olishmaydigan qanday foyda bor biznesmenlar uchun, hatto, tilni oʻrganishni boshlab yuborishsin!?
Qiziqish uchun - bir til qiziqish uchun oʻrganilmaydi, bir til oʻsha tilda gaplashuvchilarning hayoti, madaniyati, tarixi, jugʻrofiyasi, adabiyotiga qiziqilgani uchun oʻrganiladi. Bugun Oʻzbekistonda yashayotganlarning hayoti, tarixi, jugʻrofiyasi, madaniyati, adabiyoti kimga qiziq?Turizm, sogʻlik borasida 99% odam tarjimonni avzal koʻrishadi!
Biz bugun oʻzbek tilini chet elliklarga oʻrgatishimizda mavjud boʻlgan juda kam sonli qiziqish va ilmiy izlanish qilayotganlarni yaxshilab qoʻlimizda ushlab qolishimiz kerak! Chet elda oʻz tilini va madaniyatini unutmaslik uchun jon talvasasidagi oʻzbek diasporasi uchun yaxshi imkoniyat va sharoit qilib berishimiz kerak!
P.S: Davomi bor...
207 viewsNU'MON NASRULLAYEV, edited 14:30
2022-07-07 17:10:56
Assalomu aleykum!
Yana bir natija! Onlayn turk tili kursimiz ishtirokchilaridan Nilufar Dekhkonova İstanbul universiteti tarafidan B2 Xalqaro turk tilini bilish daraja sertifikatiga ega boʻldi. Bu yutuq bilan Nilufarni tabriklaymiz.
@NumonNasrullayev
P.S: Ana endi bemalol magistraturaga olgʻa
413 viewsNU'MON NASRULLAYEV, edited 14:10
2022-07-07 12:09:24
Assalomu aleykum!
Menga berilgan savollar va hadik aralash "dard"larni eshitib, ushbularni yozishga qaror qildim!
Magistraturaga hujjat topshirishim kerak, ammo, xalqaro chet tilini bilish daraja sertifikati yoʻq! Sertifikatga tayyorlanayotgan edim ulgurmay qoldim. Hozir boshlasam tezkor guruhlaringizda qanchada sertifikat olsam boʻladi? Individual dars oʻting bir oy ichida oʻrganishim kerak, istalgan pulizni beraman. (Eng kulgulisi). Tezlashtirilgan guruhlar ochishibdi (kim ochgan boʻlsa endi) shunga nima deysiz, ikki oyda sertifikat olar ekanman, shunday boʻladimi? Endi nima qilaman, vaqt ham torayib qoldi. Bu yildan qolib ketamanmi?
Shu va shunga oʻxshash savollar bilan boshingizni qotirganingizdan bir foyda yoʻq. Muhimi maqsad aniq, istak kuchli boʻlsa, oldinga qarab yurishda davom eting!
Bu yildan boshlab magistratura uchun qabullar yilda ikki marta boʻladi! Demak sizda hali imkoniyat bor. 2022-2023-oʻquv yilining ikkinchi yarmida magistr boʻlish chorasi bor. Yetarki siz istakli boʻling!
Yanvar oyidagi qabullargacha siz bemalol sertifikat olishga ulgirasiz! Toʻxtamang, shashtingizni tushirmang, faqat oliy maqsadimiz magistratura boʻlib qolmasin, shunchaki maqsadga erishish yoʻlidagi bir vosita boʻlsin, shunda hammasi siz istagandek boʻladi.
@NumonNasrullayev
P.S: Ataylab aytayapman . Onlayn turk tili kursimizda qabullar davom etmoqda!
401 viewsNU'MON NASRULLAYEV, edited 09:09
2022-07-06 07:50:00
@numon_nnn adıyla Instagram'dayım. Fotoğraf ve videolarımı takip etmek için uygulamayı yükle. https://www.instagram.com/invites/contact/?i=crncruu7dd9x&utm_content=bfzyht2
358 viewsNU'MON NASRULLAYEV, 04:50
2022-07-05 19:28:07
#yutuq #maqtanish
Assalomu aleykum! Inson bir ish boshlaydi natijasini kutib, entikib. Kichik boʻlsada natija qorasini koʻrsatib qolsa, faqat shukur qilasan, faqat xursand boʻlasan. Xabaringiz bor onlayn turk tili kursimiz davom etmoqda. Kursimiz ishtirokchisi Sabina Abdullayeva oʻz maqsadiga erishgani bilan tabriklaymiz. Kichik boʻlsa ham, yutuqlaringiz boshlanishi shu boʻlsin! Sizga rahmat aytish mening qarzim! Alloh yoʻlingizni ochiq, ilmingizni ziyoda qilsin!
P.S: Ishonch oqlandi! Bizni esa kibrdan saqlasin.
@NumonNasrullayev
418 viewsNU'MON NASRULLAYEV, edited 16:28
2022-07-05 05:37:33
Numon Nasrullayev pinned a video
02:37
2022-07-05 05:32:35
Nimadandir ichim siqilgan, nimanidir oʻylayapman, ichimda kimdir yuragimni qattiq qisib turgandek, ammo, oʻzim ham bilmayman. Har doimgi harakatlar, kitob oʻqidim, dars qildim, internettan bitta maqolani oʻqiyman deb qidirdim, telefonimga qaysidir gruppadan xabar keldi oʻqib, unga chalgʻib kettim, boshimni koʻtarib qarasam soat 00:00dan oshgan. Xuddi, bir dunyo ishni qoyillatib qoʻygandek, ochiq qolgan maqoladan, yarmi chala oʻqilgan kitobdan, bosh qism devorga yopishtirilgan turli shakdagi qayt qogʻozchalardan kechirim soʻrab, joyimga yotdim. Telefonimni quvvatlay deb, uladim-u, ichimdagi boyagi his ketmaganini his qildim. Telni oldim imoga kirdim onam joʻnatgan ovozli xabarlarini qayta qayta eshitib chiqdim. Sabrim yetmadi avval joʻnatilgan xabarlarga yana bitta xabar qoʻshib qoʻydim.
B: Onajon sizlarni juda ham sogʻindim. Hayrli tun yaxshi dam olinglar.Sizlarni juda yaxshi koʻraman.
Telefonimni qayta quvvatga ulab, ichimdan oʻtqazdim "ERTAGA KOʻP-KOʻP GAPLASHAMAN, AMMO, JUDA KOʻP GAPLASHAMAN" diya oʻtqazdim. Ichimdagi bulutlar qayerga ketti bilmadim, muhimi yuragimni changallab turgan boyagi odam qayergadir gʻoyib boʻldi.
P.s: Xatolar uchun uzr. Hamma hato qiladi. Xato qilsangiz ham imkoningiz borida, har qanday yoʻl bilan boʻlsa ham ota-onangiz bilan KOʻP-KOʻP gaplashing, ammo, haqiqattan ham juda koʻp gaplashing. Xato boʻlsa ular tuzatishadi...
339 viewsNU'MON NASRULLAYEV, edited 02:32
2022-07-05 05:32:35
#oilangni #sogʻindingmi
Assalomu aleykum!
IMO
(OILANGNI SOGʻINDINGMI-3.
AİLENİ ÖZLEDİN Mİ 3.)
Dengiz, qushlar, kemalar, sovuqqina shamol, çay-çay-çay-çay deb har ikki daqiqada qulogʻingni tagida baqiradiganlar, sevishgan juftliklar, qoʻshiq hirgoyachilari bilan andarmon boʻlib, dengizni tomosha qilib oʻtiribman. Birisi kelib men oʻtirgan harsangdan oldinroqda katta, tekis tosh ustiga joylashdi, maskasini chiqarib ooooohhhh dedi. Uyoq buyogʻini tuzatib, nimanidir qidirgandek, avval choʻntaklariga qaradi, soʻmkasini titkilab, berkitib qoʻygan xoʻrozqandini topgan yosh boladek xursand boʻlib, hah buyerda ekan qabilidagi harakatlari bilan sigaret chiqardi, bittasini oldida,ogʻziga ildirdi. Uyoq buyogʻini yana titkilagan kishi boʻlib, atrofiga qaradi, menga yuzlanib:
A:pardon, ateşiniz var mı? (Kechirasiz, oloviz bormi?)
B:Maalesef sigara kullanmıyorum (afsuski sigaret chakmayman)
A:ben düşürdüm galıba (men tushirib qoʻydim shekilli)
B:...
A:Amca ateş var mı? (Amaki olov bormi)
C:Büyür kızım (marhamat qizim)
A: teşekkür ederim (rahmat)
C:rice ederim (arzimaydi)
Amakidan sigaretni tutatib, chuquur bir tortti, uzooq uufladi. Menga bir qarab qoʻydida
A:ee hayat nasıl gidiyor ( ee hayot qanday ketyapti)
B:çok şükür, çok iyi.( Shukur, juda yaxshi)
A:bende iyi değil (menda yaxshi emas)
B:... Xuddi men soʻraganday
A: napiyorsun burda (nima qilyapsan buyerda)
B: hiç, öylesine hava alıyım dedim (hich, shunchaki havo olay dedim)
A:canın sıkın gözüküyor? (Joning siqilgandek koʻrinadi)
B:yoo, niye (yoʻq, nega)
A:Nerelisin? (Qayerliksan?)
B:Özbekistanlıyım (Oʻzbekistonlikman)
A:öğrenci misin? (Talabamisan?)
B:evet
A:belli, çalışanlar bu saatta burda böyle oturmazlar izin günüde evlerinde yatarlar. (Ma'lum, ishlaydiganlar bu vaqtta bu yerda, bunday oʻtirishmaydi. Dam olish kunida ham uyidan chiqmay yotadi)
B:...
A:öğrencisin, derslerden, evdeb sıkıldın, çıktın geldin kafa dağıtıyım, biraz hava alıyım dedin. (Talabasan, darslardan, uydan joning siqildi, biroz havo olaman, boshimni chalgʻitaman deb chiqib kelding)
B:...
A:Anne baban var mı? Konuşuyor musun? ( Ota-onang bormi? Gaplashib turasanmi?)
B: evet var, konuşuyorum arada. (Ha bor, orada gaplashib turibman)
A:benim anne babam yok (mening ota-onam yoʻq) Dengizga qaradi uzoooqlarga qarab turdi.
Oradan biroz vaqt oʻtti, xuddi, ota-onasi xotirasi uchun 1 daqiqa sukut saqlagendek. Oʻrnimdan tursammikan deb oʻylab boshladim. Jimlikni buzib:
A:anne babanla çok konuş, çok çok ama gerçekten çok konuş. (Ota-onang bilan koʻp gaplash, koʻp-koʻp, ammo, haqiqattan ham koʻp gaplash)
B:tamam
Oʻrnimdan turdim, xuddi, sher quvib kelayotgan ovchidek u qizdan uzoqlashdim. 50 metrlar yurganimdan keyin orqamga qaradim "sher" mobodo quvib kelmayaptimikan deb. Qiz koʻrinmadi. Ammo, gaplari shundoq ham sogʻingan yurakka, oʻylangan boshimga yana bir yuk boʻldi.
B:"Nomart" nozik joydan urdiku.
Yoʻlda ketayotib telefonimni qoʻlimga oldim, Imodan onamga tel qildi. Internet juda "zoʻr" ishlaganidan shekilli internetlari oʻchiq. Akamga tel qildim, poytaxtta internet "serob" akamni telifoni chalib boshladi. Koʻtardilar
A:allo ukajonim qalesiz?
B: assalomu aleykum akajonim. Yaxshi rahmat, oʻziz tuzukmisiz?
A:rahmat, sogʻligiz, oʻqishlariz yaxshimi? Nima kamchilik ukajonim, puliz bormi joʻnataymi? (Bir yil ikki oydan beri shu gap oʻzi puli yoʻq aslida, akada baribir aka)
B: rahmat menda hammasi zoʻr, hovotir olmang. Sogʻligim, oʻqishim ham zoʻr. Uydagilar bilan gaplib turibsizmi? Onam dadam qaleylar?
A:ha gaplashdim yaxshilar, ertaga shaharga chiqib sizga tel qilishar ekan. Shaharda internet yaxshiroq ishlaydi deyishdi.
B:ha yaxshi kutaman unda ertaga.
A:ukam gaplashamiz uyga borib telefon qilaman, oʻzizni extiyot qiling.
B:hoʻp akajonim, siz ham oʻzizga qarang. Ishdasiz issiq kiyining.
A:hoʻp, omad
B:mayli, gaplashamiz
Ertangi kunni kuta boshladim. Aslida har kunim shunday oʻtadi. Telimni qoʻlimga olsam albatta imoga kirib onam dadamga tel qilib koʻraman. Koʻpincha internet oʻchiq, yoki ishlamayotgan boʻladi. Metroga mindim, uyga keldim. Kech boʻlib qolgan.
300 viewsNU'MON NASRULLAYEV, edited 02:32
N
