2022-07-01 19:09:13
Пуқаралар ушын электр ҳәм газ тарифлери қымбатламайды
Энергия ресурслары базарын реформалаў бойынша ҳүжжеттиң додаланыўынан соң Министрлер Кабинетиниң төмендеги қарары қабыл етилди. (https://minenergy.uz/uz/news/view/2033) Оған бола, 2022-жылдың 15-июль сәнесинен баслап:
Бириншиден, пуқаралар ушын электр энергиясы (295 сўм) ҳәм тәбийғый газдың баҳасы (380 сўм) қымбатламайды, «социаллық норма»да ҳәзирше еңгизилмейди. Пуқаралар тәрепинен билдирилген пикир ҳәм усыныслардан соң, «социаллық норма»ның еңгизилиўи жуўапкерлер тәрепинен қайта көрип шығылады.
Екиншиден, 1 кВт саат электр энергиясы Наўайы КМК, Алмалық КМК ҳәм бюджет шөлкемлери ушын — 800 сўм ҳәм қалған юридикалық шахслар ушын — 600 сўм болады.
Үшиншиден, 1 куб м тәбийғый газ Наўайы КМК, Алмалық КМК ҳәм бюджет шөлкемлери ушын— 1 300 сўм, автомобиллерди газ бенен толтырыўшы компрессор станциялары ушын — 1 150 сўм, ыссылық электр станциялары ушын — 1 000 сўм ҳәм қалған юридикалық шахслар ушын — 1 100 сўм болады.
Төртинишиден, бизнес ушын ориентир берилмекте. 2023-жылдың 1-апрелинен баслап бизнес ушын электр энергиясының баҳасы 700 сўм, тәбийғый газ болса 1350 сўм болыўы күтилмекте. 2026-жылдан баслап болса электр энергияси, тәбийғый ҳәм суйылтырылған газдың көтере саўда базарына өтиледи ҳәм баҳалар еркин қәлиплесетуғынлығы белгиленген.
Каналға ағза болыў:https://t.me/QResMinistrlerKenesi
882 views16:09
N
