Ассалаўма алейкум,
ҳүрметли Ўатанласлар ҳәм қәдирли дослар!Пүткил халқымызды ең уллы ҳәм ең әзиз байрам - Өзбекстан Республикасы ғәрезсизлигиниң 31 жыллығы менен шын кеўилден қутлықлайман!
Быйылғы байрам илажлары «Жаңа Өзбекстанда ел әзиз, инсан әзиз» сүрени астында өткерилип, бәршени уллы дөретиўшилик ислерге руўхландырмақта.
Ҳүрметли Президентимиз атап өткениндей, бүгинги ең әҳмийетли ўазыйпамыз елимизде тынышлықты беккемлеў, турақлылықты тәмийинлеў, халқымыздың турмыс шараятын жақсылаў ҳәм оларды разы етиўден ибарат болып табылады.
Соңғы жылларда экономикамызды және де беккемлеў бағдарында алып барылып атырған реформалар нәтийжесинде Нөкис қаласында көлемли жумыслар ҳәм әмелий илажлар алып барылмақта.
Бүгинги муқаддес ҳәм уллы байрам және бир мәрте бәршеңизге қутлы мүбәрек болып, елимиздиң буннан да гүллеп жаснаўы жолында талмас күш-жигер, ырысқы-несийбе ҳәм мол бахыт тилеймен.
Утемурат Панаев,
Нөкис қаласы ҳәкими
Каналға ағза болыў:https://t.me/nukuspress
