NSFLA | Rasmiy kanal

2022-08-27 21:15:08 ​​#Qabul2022 #Natija
Yakuniy tanlov natijalari (mandat) e’lon qilindi

2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi.

Tanlov natijalarini 6 xil usulda bilish mumkin.

my.dtm.uz sayti orqali:

my.dtm.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

mandat.dtm.uz sayti orqali:

mandat.dtm.uz saytining “Bakalavr-2022” bo‘limiga abituriyentning ID raqamini kiritgan holda.

SMS xabarnoma xizmati orqali:

5100 raqamiga abituriyentning ID raqami yuborilganda, mazkur telefon raqamiga tanlov natijalari bo‘yicha SMS xabarnoma yuboriladi (xizmat haqi mavjud).

Davlat test markazining quyidagi telegram botlari orqali (abituriyentning ID raqamini yuborgan holda):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

QR-kod orqali:

Abituriyent ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

Test natijalari qaydnomasi orqali:

Shuningdek, test natijalari qaydnomasi oliy ta’lim muassasalariga taqdim etiladi.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash

2022-08-04 14:55:20 Chet tilidan kasbiy (ijodiy) imtihon natijalari e’lon qilindi

2022-yil 23-24-25-26-iyul kunlari 6 ta oliy ta’lim muassasasining tegishli ta’lim yo‘nalishlariga o‘qishga kirish uchun o‘tkazilgan chet tilidan kasbiy (ijodiy) imtihon natijalari e’lon qilindi.

Imtihon natijalari my.dtm.uz saytida e’lon qilingan bo‘lib, imtihonda ishtirok etgan abituriyentlar shaxsiy kabinetidan (abituriyent qayd varaqasining yuqori qismida) o‘z natijalarini bilishlari mumkin.

Bunda abituriyentning har bir bo‘lim bo‘yicha to‘plagan ballari, jami ball, 120 ballga nisbatan foiz ko‘rsatkichi va oliy ta’lim muassasalariga kirishda chet tili fanidan beriladigan ball aks etgan.

Eslatma: o‘z natijasidan norozi bo‘lgan abituriyentlar 2022-yil 4-6-avgust kunlari my.dtm.uz sayti orqali apellatsiya shikoyati berishlari mumkin.

Apellatsiya shikoyati Apellatsiya komissiyasi tomonidan ko‘rib chiqiladi va talabgor Apellatsiya komissiyasi qarori to‘g‘risida my.dtm.uz sayti orqali xabardor qilinadi.

Belgilangan muddatdan so‘ng apellatsiya shikoyatlari qabul qilinmaydi va apellatsiya shikoyatlari qayta ko‘rib chiqilmaydi.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash

2022-07-26 16:32:33 Chet tilidan kasbiy (ijodiy) imtihonlar yakunlandi

2022-yil 23-24-25-26-iyul kunlari O‘zbekistonda ilk bor davlat oliy ta’lim muassasalariga o‘qishga kirish uchun chet tilidan 4 ta ko‘nikma bo‘yicha kasbiy (ijodiy) imtihonlar o‘tkazildi.

Imtihonlar abituriyentlarga qulay bo‘lishi uchun barcha hududlar (Qoraqalpog‘iston Respublikasi, viloyatlar va Toshkent shahri) da tashkil etildi va abituriyentlar o‘zlari tanlagan hududda imtihonlarda ishtirok etdi.

Imtihonlar 2 bosqichda tashkil etilib, uning:

1-bosqichi (yozma qismi) 23-24-25-iyul kunlari qog‘oz shaklda;
2-bosqichi esa 24-25-26-iyul kunlari elektron tarzda bo‘lib o‘tdi.

Bunda abituriyentlar imtihonning 1-bosqichi (yozma qismi) o‘tkazilgan kunning ertasiga 2-bosqich (gapirish) imtihonlarida ishtirok etdi.

Mazkur imtihonlarda abituriyentlarning tinglab tushunish, o‘qish, yozish va gapirish ko‘nikmalari sinovdan o‘tkazildi.

Imtihonlar 11 ta chet tili — ingliz, nemis, fransuz, ispan, xitoy, koreys, yapon, hindiy, turk, arab va fors tillari bo‘yicha tashkil etildi va chet tillarni bilishning B1 darajasi bo‘yicha bo‘lib o‘tdi.

Imtihon natijalarini hisoblash oliy ta’lim muassasalarining bakalavriat ta’lim yo‘nalishlariga kirish test sinovlariga qadar yakunlanadi va natijalar abituriyentlarning shaxsiy kabinetida e’lon qilinadi.

Qo‘shimcha ma’lumot: chet tilidan B2 va undan yuqori darajadagi milliy yoki xalqaro sertifikatga ega abituriyentlar chet tilidan imtihon topshirmaydi. Ularga chet tili fanidan imtihonlarsiz maksimal ball beriladi.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash

2022-07-26 16:32:25 Ochish/sharhlash

2022-07-25 16:47:00 Chet tilidan kasbiy (ijodiy) imtihonning 1-bosqichi yakunlandi

2022-yil 25-iyul kuni oliy ta’lim muassasalarining bakalavriat ta’lim yo‘nalishlariga kirish uchun chet tilidan kasbiy (ijodiy) imtihonlarning uchinchi kuni bo‘lib o‘tdi.

Bunda bugun imtihonning yozma qismida ishtirok etishi belgilangan abituriyentlarning tinglab tushunish, o‘qish va yozish ko‘nikmalari sinovdan o‘tkazildi va uch kun davom etgan chet tilidan kasbiy (ijodiy) imtihonning 1-bosqichi yakunlandi.

Shuningdek, gapirish ko‘nikmasini baholash imtihonlari davom ettirilib, 24-iyul kuni imtihonning yozma qismida ishtirok etgan abituriyentlar uchun gapirish ko‘nikmasini baholash imtihonlari o‘tkazildi.

Imtihonlar talabgorlarga qulay bo‘lishi uchun barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etildi.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash