IQROR Taqvimni devordan yulib otaman, Agar o‘tgan bo‘lsa bir kunim dardsiz. Balki butun umrim bilan xatoman, Ammo men hech kimman xotiralarsiz. Gul dedim, bu hayot bir chaman berdi, Gullar suvdek oqdi anhorlarimda. Menda o‘ylash uchun fursat bor edi Qayta-qayta kelgan bahorlarimda. Biroq hayotimdan yasadim o‘yin, Guldek xazon qildim har o‘tgan kunni. Endi yechmoq qiyin, unutmoq qiyin Yuragimda qolgan eski tugunni. Bugun shivirlayman o‘zimga sekin: Mayli, kelgusim ham o‘tmasin dardsiz. Ehtimol, baxtiyor bo‘larman, lekin Men kim ham bo‘lardim xotiralarsiz. Nosirjon Jo‘rayev Muhabbatdan so‘ng... https://t.me/Nosirjon_Jorayev 1.2K viewsGulzoda O‘rinboyeva, edited 17:22
