109 - dars: Aniq artiklning otlar bilan qo'llanishi (III qism) | Ingliz Tili | Noldan
109 - dars: Aniq artiklning otlar bilan qo'llanishi (III qism)
The+birlikdagi sanaladigan ot birikmasi shu turdagi predmetlarning umumiy nomini (turini) bildirib keladi. The rose is my favourite flower. (Atirgul - mening sevimli gulim.) The giraffe is the tallest animal in the world. (Jirafa dunyodagi eng baland hayvon.) The computer has changed our life completely. (Kompyuter bizning hayotimizni butunlay oʻzgartirib yubordi.) The telephone was invented in 1876. (Telefon 1876 yil kashf qilingan.)
Yuqoridagi misollardan koʻrinib turibdiki, 'the telephone' deganda biz bir aniq telefonni emas, shu predmetning umumiy turini nazarda tutamiz. Bu yerda otning birlikda ishlatilishi juda muhim.
The + sifat yoki sifatdosh birikmasida sifat otlashadi va shu xususiyatga ega boʻlgan insonlar guruhini bildirib keladi, tabiiyki, bu birikma koʻplikdagi fe'lni talab qiladi. the poor - kambag'allar the deaf - karlar the sick - kasallar the rich - boylar the blind - koʻziojizlar the unemployed - ishsizlar the disabled - nogironlar the elderly - qariyalar the injured - jarohatlanganlar
The legendary Robin Hood robbed the rich and gave the money to the poor. (Afsonaviy Robin Gud boylarni talagan va pullarni kambag'allarga bergan) Life isn't easy for the unemployed.(Ishsizlarga hayot oson emas) The injured were taken to hospital by ambulances. (Jarohatlanganlar tibbiy yordam mashinalarida olib ketildi)
The +millat nomi birikmasi butun bir millatni bildirib keladi va koʻplikdagi fe'lni talab qiladi. the +sh/ch bilan tugaydigan millat nomlari: The British - britaniyaliklar The Dutch - gollandlar The English - Inglizlar The French - fransuzlar The Irish - irlandlar The Welsh - uelsliklar The British and the Dutch do a lot of foreign trade.
Ikki xil shaklga ega millat nomlari: The Danes/the Danish - daniyaliklar The Spaniards/the Spanish - ispanlar The Swedes/the Swedish - shvedlar
The+ - ese yoki - ss bilan tugaydigan millat nomlari: The Chinese - xitoyliklar The Japanese - yaponlar The Portuguese - portugallar The Sudanese - sudanliklar The Swiss -shveysariyaliklar The Portuguese are very different from the Spanish.