Қандай тикув машинкасини танлаш керак? ⠀ Эҳ, бу тикув машинк | Ноила Усманова | «SILUET» академияси
Қандай тикув машинкасини танлаш керак?
⠀
Эҳ, бу тикув машинкалари, ҳозирги вақтда қайси яхши, қайси зўр эканини ажратиш қийин. Олдин ҳар бир оилада «Чайка» ёки оддий қўл машинка бўлар эди ва муаммо йўқ эди!
⠀
Қайсидир тикув машинкасини мана бу модели зўр деб тавсия бера олмайман, чунки бу хақиқатга тўғри келмайди. Лекин, амалиётимдан келиб чиқиб, тикув машинкаларнинг функциялари ҳақида маслахат беришга харакат қиламан.
⠀
Худога шукр – мен тикишсиз ҳаёт йўқлигини ва унга нима керагу нима керак эмаслигини аниқладим. Тикувчига энг керакли нарса бу тикув машинаси ҳисобланади. Қандай тикув машинасини оламан???
⠀
Шундай деб ўйланиб ўтирган опа - сингилларга, тикув машинаси олаётган вақтда энг асосий нималарга эътибор бериш кераклигини айтиб ўтаман:
⠀
1) Машинканинг нечта тикув операцияларини бажариши.
⠀
2) Челнок – осон кириб-чиқишини, мокига ипни қай ҳолатда ўралиши ва агар мокида ип чайналса кўриш ёки ип алмаштириш осон бўлиши.
⠀
3) Лапка – лапканинг энг асосий, яьни барча турдаги чокларни тикадиган, петля очадиган, замок тикадиган.
⠀
4) Юқоридагини давоми сифатида – автомат равишда ўзи петля очадиган, пальто ва пиджакларга ажратилган петля шаклли ҳам мавжуд бўлса, унда супер!
⠀
5) Реверс – чокни тескари тикувини таьминлайди.
⠀
6) Игна ҳолатини созлаш ёки алмаштириш.
⠀
7) Лапка автоматик алмашиши. Ўта қулай функция.
⠀
8) Лапкани қўшимча тарзда кўтариш мосламаси. Агар у йўқ булса қалин матолар, яъни джинси, пальтолар тикаётганизда лапкани қўлда кўтариб харакатлантириш мумкин.
⠀
Навбатдаги деталлар кичик, аммо мухим.
⠀
— юқоридаги игнага келаётган ипни тортилиш регулировкаси
⠀
— қўшимча ип учун стойка
⠀
— педаль тезлигини ўзгартириш
⠀
— ёруғлик лампочкаси
⠀
— шпулькалар турадиган жой
⠀
— ипни кесиш учун пичоқ
⠀
— мокига ип ўраш техникаси
⠀
— зиг-заг ва яна бошқа чоклар
⠀
Ҳозир ҳамма бир чокли машинкаларга эътиборини қаратган. Лекин уларда ҳам шу функциялар бор. Фақат улар тўғри чок билан кифояланади, уни тўлдириш учун эса оверлок, закрутка ва бошқа машинкалар керак бўлади.
⠀
Ҳуллас… Тикувчига ҳаамма нарса керак. Албатта аста - секинлик билан.
⠀
Агар тикув машинага тегишли қандайдир функцияларни эсимдан чиқарган бўлсам, сиз тўлдиринг. ФИКРЛАРНИ КУТИБ ҚОЛАМИЗ!!!