Tariyx fakultetinde oqıw-seminarı bolıp ótti
Xabarıńız bar, jańa 2022-2023-oqıw jılınan baslap 2-, 3-, 4-kurs studentleri ushın oqıw procesi «4+2» sxeması tiykarında alıp barılıwı belgilengen.
Usıǵan baylanıslı, búgin 31-avgust kúni Tariyx fakultetinde ámeliyat basshıları etip bekitilgen professor-oqıtıwshılar ushın oqıw-seminarı bolıp ótti.
Oqıw-seminarında «4+2» sxeması boyınsha studentlerdiń oqıp atırǵan kursın, bilim, kónlikpe hám qábiletlerin esapqa alǵan halda kurslar kesiminde studentlerdiń ámeliyatların shólkemlestiriw, ótkeriw hám tiyisli hújjetlerin rásmiylestiriw máseleleri dodalandı.
Seminar barısında qatnasıwshılar tiyisli jol-joba hám ózlerin qızıqtırǵan sorawlarına juwaplar aldı.
Oqıw-seminarın fakultettiń kóp jıllıq tájiriybege iye metodist professor-oqıtıwshıları p.i.k., docent R.Gaypova, p.i.k., docent T.Qudaybergenova hám f.i.k., docent A.Muratbaevalar alıp bardı.
Kanalımızǵa aǵza bolıń @nmpi1934
