NMPI ekinshi qánigelikke oqıwǵa qabıllaw boyınsha túsindirme | NDPI.UZ

NMPI ekinshi qánigelikke oqıwǵa qabıllaw boyınsha túsindirme

Ájiniyaz atındaǵı Nókis mámleketlik pedagogikalıq institutına ekinshi hám onnan keyingi joqarı maǵlıwmat ushın hújjet tapsırǵan hám test sınaqlarında qatnasqan talabanlar tárepinen ótiw balı hám oqıwǵa qabıl etilgeni (yamasa etilmegeni) boyınsha kóplegen múrájatlardı esapqa alıp NMPI qabıllaw komissiyası tómendegishe túsindirme beredi:

Ótiw balı haqqında

Xabarıńız bar, test sınaqları eki pánnen 20 sorawdan – ulıwma 40 sorawdan ibarat boldı. Bunda usı sorawlardan toplaw múmkin bolǵan maksimal ball 156 balldı quraydı. Yaǵnıy, birinshi pándegi hár bir sorawǵa durıs juwap ushın 4,65 balldan, al ekinshi pánnen hár bir sorawǵa durıs juwap ushın 3,15 balldan beriledi.

Ótiw balı usı maksimal 156 balldıń 30 procenti – 46,8 ball etip belgilengen.

Ótiw balın toplaǵanlardıń barlıǵı da oqıwǵa qabıllana ma?

Eger talaban hújjet tapsırǵan tálim baǵdarına 20 orın ajıratılǵan bolıp, oǵan 30 talaban hújjet tapsırǵan hám testke qatnasqan bolsa, dáslepki 20 lıqta turǵan talabanlar ótiw balın hám onnan joqarı ball toplaǵan jaǵdayda oqıwǵa qabıl etiledi. Yaǵnıy, bul jerde ótiw balı menen birge ajıratılǵan kvota (orınlar sanı) áhmiyetke iye boladı.

Eger talaban hújjet tapsırǵan tálim baǵdarına ajıratılǵan kvotadan az talaban hújjet tapsırǵan hám testke qatnasqan bolsa, olar ótiw balın yamasa onnan joqarı ball toplaǵan jaǵdayda ǵana oqıwǵa qabıl etiledi.

Kanalımızǵa aǵza bolıń @nmpi1934