#Куз ҳақида гўзал бир #шеър Ўйнар эдик бекинмачоқ, Ташландиқ | Nishonuzb

#Куз ҳақида гўзал бир #шеър

Ўйнар эдик бекинмачоқ,
Ташландиқ боғ… Кеч кузак…
Бутазорга кирдим ногоҳ,
Дўстларимни мен излаб.

Кўрдим, шохлар қимирлади…
Дил қўрқувни туйган дам,
Кимдир титраб шивирлади:
«Жоним… сени севаман».

Қимирлолмай бирдан қотдим,
Дилни қучди ёт титроқ,
Учаётган бир қуш эдим,
Қуладим мисли япроқ.

Дилга сингди ёруғ бир ғам,
Унут бўлди куз, ўйин,
Сокин шамол димоғимга
Сочди ифор — соч бўйин.

Боғда ҳамон бекинмачоқ
Ўйнар эди болалар…
Мени эса чорлар эди
Ёлғизлик ва далалар.

Хуршид ДАВРОН

@nishonuzb✓