Nishondamiz

2023-05-19 09:29:56 The owner of this channel has been inactive for the last 5 months. If they remain inactive for the next 28 days, they may lose their account and admin rights in this channel. The contents of the channel will remain accessible for all users. Ochish/sharhlash

2023-02-08 20:55:34 Туркиядаги даҳшатли зилзила
қурбонлари хотирасига бағишланади.

Энг сўнги алла

Ер титради, самода туриб,
Чирқирар жон қушлари гала.
Бетонларга панжасин уриб,
Онаизор айтади алла:

“Алла, болам, оппоғим, алла,
Тошлар тўсган япроғим, алла.
Кўкка ботган қароғим алла,
Ерда ётган чироғим алла.”

Руҳимдайин синиққан шаҳар,
Изларингни эслатиб тиғлар.
Қора шомга айланган саҳар,
Еркўрпангни ололмай йиғлар.

Газиантепми ё хазон тепа,
Кўз ёшимни артади тупроқ.
“Эшитмасин аканг, шуни бил
Сени яхши кўраман кўпроқ”!

“Алла, болам, оппоғим, алла,
Тошлар тўсган япроғим, алла.
Кўкка ботган қароғим алла,
Ерда ётган чироғим алла.”

Узун йўлда даданг ҳам кутар.
Ухла болам тушларинг ширин,
Саҳаргача бағримда ётар,
Топиб олдим туфличанг бирин.

Маҳшаргача излайман токи,
Тушларимда ташлагин қиё.
Сен Худога ёқдингми ёки,
Мен Худога ёқмадимми ё?!

“Алла, болам, оппоғим, алла,
Тошлар тўсган япроғим, алла.
Кўкка ботган қароғим алла,
Ерда ётган чироғим алла.”

Иситайин қўлчаларинг тут,
Малҳам босай жонимни элаб.
Равзаларнинг айвонида кут,
“Ойижон”, деб турмагин йиғлаб.

Ота юртим қўлимдан тутар,
Жон ичимда чирқирар дайдиб.
Ухла қушим, онанг ҳам қайтар
Сен истаган аллани айтиб:

“Алла, болам, оппоғим, алла,
Тошлар тўсган япроғим, алла.
Кўкка ботган қароғим алла,
Ерда ётган чироғим алла.”
...
«Dandini dandini danadan
Bir ay doğmuş Anadan
Kaçınmamış Yaradan
Mevlam korusun Nazardan» (турк тилидаги алла)

Дилшод Шукур                                                                        
@Nishondamiz Ochish/sharhlash

2023-01-25 07:57:33 Ўзбекнинг
— гази Хитойни;
— электри Афғонистонни;
— олтинлари жаҳонни;
— пуллари Швецария банкларини;
— меҳнаткаслари Россияни;
— ақллилари АҚШни;
— келинлари Кореяни;
— оқсочлари Туркияни;
— фоҳишалари Дубайни забт этмоқда...

Ўзимизда эса айрим инсофлилардан ташқари:
— ўғрилар;
— суришга улгуролмаганлар;
— менга ўхшаб суролмайдиганлар қолди..

@Nishondamiz Ochish/sharhlash

2022-12-01 04:41:47 Муҳим тавсиялар аёллар учун:

1. Эрнинг эҳтиёжларини беринг!
2. Сўзига қулоқ солинг!
3. Ота-онасини ҳурмат қилинг!
4. У билан тортишманг!
5. У доим тўғри иш қилишини эътироф қилиб туринг!
6. Телефонини титманг!
7. Унга тааллуқли масалаларни ёдда тутинг!

@Nishondamiz Ochish/sharhlash

2022-11-29 04:44:43 Аёл киши шу 5 та ишни қилмаса бахтли яшайди:

1) Эрини телефонини ковлаш
2) Ижтимоий тармоқларда кузатиш
3) Доимий эътибор талаб қилиш
4) Хаддан ташқари рашк қилиш
5) Бошқалар билан солиштириш

@Nishondamiz Ochish/sharhlash

2022-11-22 06:37:02 Она келиб олис қишлоқдан
Ўғли билан яшай бошлади
Ва дастурхон ёзилган чоқда
Ширмой ноннинг четин тишлади.

Ювиб берди бир бозор кирни,
Сувлар қуйди сўлган гулларга.
Неваралар боғчадан қайтгач,
Эртак айтиб берди уларга.

Авайларди хонадон тинчин,
Суйган ўғли уйнинг бурчида,
Қоғоз узра эгилганча жим
Шеър ёзган пайт тутун ичида.

Қадам босиб хавотир билан,
Қўрқар эди нафас олишга.
Тунлар хуррак тортмай дея у
Бош қўярди тонгда болишга.

Аммо бир кун мазаси қочиб,
Кўз олдида ёруғлик сўнди.
Қўлларидан тушиб кетди-ю,
Чил-чил бўлиб пиёла синди.

Ўша заҳот ҳушига қайтди,
Чайқаларди ўнгида олам.
У югуриб чиққан ўғлига
Шивирлади: «Кетайми, болам?»

Хуршид ДАВРОН

@Nishondamiz Ochish/sharhlash

2022-11-21 06:36:35 Нега муслим аёлнинг
Қўлини ушлаб бўлмас?
Сўради бир донишдан
Англиялик эси паст

Дониш ҳам савол берди
Илм қаърин қўридан
Ушлайсизми ўзингиз,
Қиролича қўлидан?

Йўқ албатта, ҳеч қачон
Деди анов ярамас
Ахир у қиролича
Кўзига тик қаралмас

Ана, тўхтатди дониш
Ахир у қиролича?
Бизда ҳар бир муслима
Малика ўз ҳолича :)

@Nishondamiz Ochish/sharhlash

2022-11-21 06:34:27 ЭНГ ЯХШИ НАСИҲАТ

Қабристонга борган пайтларингизда, бир машғулот тавсия қиламан: Қабрлардаги ёзувларни кўздан кечиринг ва марҳумнинг туғилган ва вафот этган йилларига эътибор бериб, ёшини ҳисоблаб кўринг.
Биласизми, кўча кўйда юрганда жуда кўп кексаларни, ёши биздан улуғроқ инсонларни кўп учратамиз. Бу бизни чалғитади, умрнинг ҳали узоқлигига ишора қилиб, дунёга кўпроқ боғлайди. Чунки кўча кўйда бирорта ҳам эрта вафот топган инсонни учратиш имкони йўқ, тўғрими?
Ишонаверинг, қабристондаги ёзувларни ўқиганда бутунлай бошқа манзаранинг гувоҳи бўласиз...

@Nishondamiz Ochish/sharhlash

2022-11-09 20:30:10 Японлар фалсафаси:

"Aгар бу ишни ҳамма қила олса, демак сен ҳам қила оласан.
Aгар буни ҳеч ким қила олмаса, сен биринчи бўлишинг керак."

Ўзбеклар фалсафаси:

"Aгар бу ишни ҳамма қила олса, қўявер, қилаверсин.
Aгар буни ҳеч ким қила олмаса, сен қаердан қилардинг!?"

@Nishondamiz Ochish/sharhlash

2022-06-18 04:28:23 Аввал нонингни тортиб олишади. Сўнг ундан бир бурдасини бериб, яхшиликлари учун шукр этмоқни талаб этишади. Қанчалар юзсизлик бу!

Ғассон Канфоний

@Nishondamiz Ochish/sharhlash