Нишон туман ахборот-кутубхона маркази.

2023-03-29 11:00:09 #Конституция_ўзимизники
#Samarqand

Samarqandda direktor va o‘qituvchilar ishtirokida “Konstitutsiya meniki, seniki, bizniki! Konstitutsiya o‘zimizniki” shiori ostida targ‘ibot tadbiri bo‘lib o‘tdi

Unda Konstitutsiyaga kiritilishi rejalashtirilgan o‘zgartirishlar, yangilanayotgan Bosh Qomusimizning mamlakat taraqqiyotida tutgan o‘rni hamda referendum o‘tkazish tartibi haqida so‘z bordi.

Tadbirda badiiy chiqishlar hamda gala-konsert ham tashkil etilib, unda 2300 nafarga yaqin direktor va tashabbuskor pedagoglar ishtirok etishdi.

Ta'kidlash joiz, yangilanayotgan Konstitutsiyaviy qonun loyiha matnining 50- va 52-moddalarida maktab va maktabgacha ta’limni rivojlantirish bo‘yicha qator huquqiy asoslar keltirib o‘tilgan.

Ikki smenada tashkil etilgan tadbirda ishtirokchilar Konstitutsiyaga kiritilayotgan qo‘shimchalar va o‘zgarishlar xalqimizning turmush tarzini yanada farovonlashishiga xizmat qilishini ta’kidlab, bu borada o'z fikr va mulohazalarini bildirishdi. Ochish/sharhlash

2023-03-29 11:00:09 Ochish/sharhlash

2023-03-29 10:23:50 #befarqmasman

«Авваллари четда ўқиганим сабаб, ўзимизда иш топишга қийналганман. Ёшларга яратилаётган имкониятлар мени давлат хизматчиси бўлишга сабабчи бўлди. Референдумда фаол бўлишга барчани чорлаб қоламан».

Мингбулоқ тумани Мустақиллик маҳалласи ёшлар етакчиси Жамшид Раҳимов.

@mingbuloq_hokimligi Ochish/sharhlash

2023-03-28 19:43:26 #befarqemasman

Bosma OAV va noshirlik ishi fakulteti talabalari.

Bizning sahifalarimiz

Instagram | Facebook | Telegram Ochish/sharhlash

2023-03-28 19:43:26 #befarqemasman

Умриузоқ Қуватов, Қашқадарё вилоят туркман миллий-маданий маркази раҳбари:

— Менинг миллатим туркман. Ўзбекистонда мен каби 200 мингдан ортиқ миллатдошларим, турли миллат ва элат вакиллари аҳил-иноқликда, ҳамжиҳатликда яшаб келмоқда. Мен буни қадрлайман ва шундай бўлиб қолиши тарафдориман.

Янги Конституцияда Ўзбекистон ҳуқуқий, ижтимоий ва дунёвий ривожланиш йўлидан бориши белгиланмоқда. Биз каби турли миллат вакиллари жамланган катта давлат учун бу муҳим жиҳатдир. Мен буни қўллаб-қувватлайман. Она юртимнинг бир туркман фарзанди сифатида унинг тақдирига #befarqemasman.

@menbefarqemasman Ochish/sharhlash

2023-03-28 19:43:26 #befarqemasman

Нурулло Расулов, журналист:

— Мен ўқитувчилар оиласида туғилганман. Отам ҳам, онам ҳам ўқитувчи. Шу пайтгача ўқитувчиларни мажбурий меҳнатга, пахта теримига жалб қилинганлигини ва калтакланганлигини кўрганман, эшитганман. Онам ва бошқа устозларимиз пахта теримига олиб кетилиши натижасида дарсларимиз ўз вақтида бўлмасди. Бу бизнинг билим олишимизга таъсир қиларди. Мен ўқитувчилар фарзанди сифатида ушбу муаммо барҳам топаётган конституциявий ислоҳотларга #befarqemasman!

@menbefarqemasman Ochish/sharhlash

2023-03-28 19:43:26 #befarqmasman

Bahodir Tillayev, Xorazm viloyati maktabgacha va maktab ta’limi boshqarmasi bo‘lim boshlig‘i:

— Davlat endilikda nafaqat umumiy o‘rta ta’lim balki boshlang‘ich professional ta’lim olishni ham bepul bo‘lishini kafolatlaydi. Yangilanayotgan Konstitutsiyaga muvofiq, fuqarolar davlat ta’lim tashkilotlarida tanlov asosida davlat hisobidan oliy ma’lumot olishga haqli ekanligi aniq belgilab qo‘yilmoqda. Konstitutsiyaviy qonunga muvofiq oliy ta’lim tashkilotlariga akademik erkinlik, o‘zini o‘zi boshqarish, tadqiqotlar o‘tkazish va o‘qitish erkinligi huquqi berilmoqda.

@menbefarqemasman Ochish/sharhlash

2023-03-28 19:43:25 #befarqemasman

Достон Муҳаммедов, Кармана тумани маънавият ва маърифат бўлими раҳбари:

— 2016 йил ўқишни тамомлаб, орзу қилганимдек ички ишлар бўлимига ҳужжатларимни топширдим. Лекин доимий равишда, сабаби айтилмасдан ҳужжатларимни ортга қайтаришди. Кейинчалик билсам, мени оиламда судланган шахс бўлгани учун ишга олинмаган эканман. Янги Конституцияда ўқидимки, энди қариндошларининг судланганлиги учун оиланинг бошқа аъзолари жавобгар бўлмас экан. Шунинг учун ҳам мен бунга #befarqemasman ва референдумда фаол иштирок этаман!

@menbefarqemasman Ochish/sharhlash

2023-03-28 14:35:30 #befarqemasman

Шерзодбек Собиров, "Ҳимоя манбаи" адвокатлар ҳайъати адвокати (Тошкент шаҳри):

— Мен адвокатман. Қонунчилигимизга кўра, адвокатнинг асосий фаолияти жисмоний ва юридик шахсларга малакали ҳуқуқий ёрдам кўрсатишдир. Лекин бундан бир неча йиллар аввал ҳимоямиз остидаги шахсларга юридик ёрдам кўрсатишда қийинчиликларга, айниқса, ҳимоямиздаги шахслар билан алоҳида кўришишда, суд жараёнида тенглик принципи амал қилинмаслик ҳолатларига дуч келардик. Янгиланаётган Конституцияда адвокатурага алоҳида боб киритилиши — адвокатлар хавфсизлигини янада кафолатлайди. Мен ўз касбим ва келажагимга #befarqemasman! Сиз ҳам бефарқ бўлманг!

@menbefarqemasman Ochish/sharhlash

2023-03-28 14:35:30 #befarqemasman

Мастурахон Сайфитдинова, "Қува анори" ихтисослашган МЧЖ агрофирмаси раҳбари:

— Мен оддий бир ўзбек аёлиман. Ўзимнинг ҳалол меҳнатим билан кўп ютуқларга эришдим. Инсон учун ҳалол ризқ билан фарзандлари бахт-у иқболини кўришданда ортиқроқ бахт бўлмаса керак! Мен каби Ўзбекистоннинг чекка бир қишлоғида улғаётган фарзандларимиз ўз нурли келажагини барпо этсин!

Янгиланаётган Конституцияда пенсия ва нафақалар миқдори энг кам истеъмол харажатларидан кам бўлмаслиги белгиланаётган экан мен буни қўллаб-қувватлайман. Шунингдек, ҳар бир фарзанд сифатли таълим олиши, ватандошларимиз кафолатли тиббий хизматлардан фойдаланишини давлат кафолатлаши лозим.

Мен бунга #befarqemasman! Сиз ҳам бефарқ бўлманг!

@menbefarqemasman Ochish/sharhlash