2018-10-31 09:16:31
Тўлов-контракт асосида таҳсил олаётган талабаларни Ўзбекистон ёшлар иттифоқи томонидан қўллаб-қувватлаш тартиби
Адлия вазирлигида тўлов-контракт асосида таҳсил олаётган талабаларни Ўзбекистон ёшлар иттифоқи томонидан қўллаб-қувватлаш тартиби давлат рўйхатидан ўтказилган.
(рўйхат рақами 2961, 2018 йил 10 январь)
Ҳужжатга кўра, тўлов-контракт суммасининг 35 фоизи Ўзбекистон ёшлар иттифоқи томонидан бакалавриат ва магистратура босқичида таҳсил олаётган талабаларга тўлаб берилади.
Бунинг учун тўлов-контракт асосида таҳсил олаётган талаба:
Ўзбекистон ёшлар иттифоқи факультет етакчиларига 1-ноябрга кадар мурожаат килиши ва харакатнинг фаол аъзоси бўлиши;
Биринчи боскич талабалари учун биринчи семестр, юкори боскич талабалари учун ўтган ўкув йилидаги икки семестр бахолари алохида-алохида 86 фоиз ( аьло 5) ва ундан юқори бўлиши;
Шартномада белгиланган тўлов миқдорининг 65 фоизини белгиланган муддатларда тўлаши лозим.
Ҳар йили 10 февралдан 15 февралга қадар олий таълим муассасасининг Ёшлар Кенгаши даъвогар талабаларнинг аризаларини кўриб чиқади ҳамда моддий қўллаб-қувватлаш учун тавсия этиш бўйича қарор қабул қилади.
Ёшлар Кенгаши даъвогар талабаларни тавсия этишда қуйидагиларни инобатга олади:
Ёшлар иттифоқининг бошланғич ташкилоти фаолиятидаги бир йиллик ( биринчи боскич талабалари учун сентябрдан) иштироки;
олимпиадалар ва спорт мусобақаларидаги натижалари;
ташкилотчилик ва етакчилик қобилиятлари;
илмий ва ижодий фаолияти натижалари.
ИЗОХ : Қўшимча тўлов-контракт асосида бакалавриат босқичига ўқишга қабул қилинган талабаларга моддий ёрдам иккинчи босқичдан бошлаб кўрсатилади.
422 views06:16
T
