Менинг раҳматли ОНАЖОНИМ то нафақага чиққунларига қадар мактаб | Неъматулло Қори Аминжон Эшон
Менинг раҳматли ОНАЖОНИМ то нафақага чиққунларига қадар мактабда ЎҚИТУВЧИлик қилганлар. Ҳамма ҳурмат қиларди, мукофотлар ҳам олгандилар. Аллоҳ саломат қилгур қиблагоҳим 18 йил туманнинг бош имом домласи бўлганлар. Бизнинг катта бобомиз Хива хонлигининг охирги шайхулисломларидан бири бўлганлар. Ҳозирда у зотнинг арабча ёзувлар билан кашталанган зарҳал чопон тўнлари Хива музейларининг бирида сақланади. Менинг фамилям Аминов. У Муҳаммад Амин эшон деган менинг бобомнинг номидан олинган. Биз тарихи маълум тўрт юз йиллик эшонлар хонадони ва сулоласиданмиз. У эшонлар хонадонидан бўлган менинг юз ёшдан ўтиб вафот этган раҳматли бувимжонимни аввалги бир неча хотинлари вафот этаверганидан кейин олганлар. Ана шу бувижоним калхознинг энг ИЛҒОР ИШЧИси бўлганлар. Сал кейинроқ уни шийпонда калхозчиларнинг болаларини боқадиган қилиб қўйишган. Бутун калхоздаги катта-катта кишилар бувимни Эшонэна деб чақирар ва ҳурмат қиларди. “Нега Сизни Эшонэна дейишади?” десак, “Ҳа, уларни ўзим боқиб катта қилганман-да!” деб қўярдилар. Ойижоним мактабга ишга кетганларида бувим бизларни боқиб қолардилар. Биз бувимнинг энг яхши тарбияларини олдик. Бувим қариганида ҳам, айтишим мумкинки, бутун туманнинг энг қадрли бувижони бўлиб оламдан ўтдилар. Ана шу Амин Эшон бобомнинг иккита қизи бор. Менинг катта аммам умр бўйи маҳалла боғчасида ОШПАЗ бўлиб ишладилар, боғчачиликда ўқиганлар. Юртнинг энг пазанда онахони сифатида обрўли бўлиб келдилар. Ҳозирда умраларга бориб келиб, кексалик гаштини суриб ўтирибдилар. Кичик аммам эса “Низомий”да ўқитувчиликка ўқиб, РУС ТИЛИ ЎҚИТУВЧИСИ сифатида мактабларда ишлаб келмоқда. Ҳозирда бир ўғли Туркияда ўқийди, бири эса бу йил Ислом Академиясига ўқишга кирди. Мен ҳам ёлғиз қизимни ўқитмоқчи бўлдим. Ислом Академиясининг лицейида инглиз тили йўналишида ўқиди. Лицейда у бир неча муҳтарам имом домлаларимизнинг қизлари билан шу инглиз тили йўналишида бирга ўқиди. Кейин ўқишларга топширди ва ЁДЖУ га ўқишга қабул қилинди....
Ислом дини аёлларни хорлайди, улар диндорларнинг зўровонлик қурбони, диндорлар аёл-қизларини ўқитмайди, ишлатмайди, деган гап туҳмат ва исломофобларнинг бўлмағур айбловидир. Шарқ аёлларини озодликка чиқариб совет уларни хорлади, мусулмонлар ва диндорлар эмас!
Ҳамидуллоҳ Беруний.
Каналимизга обуна бўлинг
http://t.me/nematullo_qori
