Ўзбекистон тарихида илк бор синтетик GTL дизель маҳсулоти ишлаб чиқарилиши йўлга қўйилди 15 июнь куни “Uzbekistan GTL” заводида Ўзбекистон тарихида биринчи синтетик нефт ишлаб чиқарилиши бошланган эди. Ўзбекистон Республикаси Президенти Шавкат Мирзиёевнинг ғояси ва ташаббуси билан бунёд этилган, Янги Ўзбекистоннинг учинчи ренессанси пойдевори ҳисобланган “Uzbekistan GTL” заводида Ўзбекистон нефт ва газ-кимёси саноатининг тарихида илк бор синтетик ёқилғи маҳсулотлари ишлаб чиқариши бошланди.
Таъкидлаш керакки, бу қувончли воқеа 2022 йилнинг 29 июнь куни билан тарихга муҳрланди. “Ўзбекнефтгаз” АЖ Бошқарув раиси Меҳриддин Абдуллаев бугун, соат 7.30 да “Uzbekistan GTL” заводида Ўзбекистон нефт ва газ-кимёси саноатининг тарихида биринчи синтетик GTL дизель маҳсулоти ишлаб чиқарилгани ва илк маҳсулот олинганини расман эълон қилди.
Барчани оғир ва машаққатли меҳнатларнинг муваффақиятли натижаси билан табриклайман. Рости барчамизнинг қувончимиз чексиз, Алҳамдулиллаҳ
Каналга уланиш: @Ngi_Uz
