NAVRO‘Z RADIOSI

2023-03-29 11:29:22 #Таълим

Ўқитувчилар ойлиги май ойидан бошлаб оширилади

2023 йилнинг 1 май ойидан бошлаб буджет ташкилотлари ходимларининг иш ҳақи миқдори 7 фоизга оширилади оширилади.

Май ойидан оширилган ойликлар бўйича ҳисобланганда педагог ходимлар қуйидагича ойлик оладилар:

Мутахассис — 2 755 655 сўм (+180 276 сўм)
Олий тоифа — 3 798 940 сўм (+ 248 529 сўм)
Биринчи тоифа — 3 437 739 сўм (+224 899 сўм)
Иккинчи тоифа — 3 085 098 сўм (+ 201 829 сўм)
Ўрта махсус маълумотли — 2 575 883 сўм (+168 516 сўм)

https://t.me/navruz_fm884 Ochish/sharhlash

2023-03-29 08:15:14 #Расман

ЙПХ ходимларига наркотестердан фойдаланишга рухсат берилди

Ҳайдовчининг гиёҳвандлик ва психотроп моддалар таъсирида эканлигини аниқлашда наркотестердан фойдаланилади. Бу бўйича тегишли қонун қабул қилинди.

https://t.me/navruz_fm884 Ochish/sharhlash

2023-03-29 08:05:39 #Билиб_қўйинг

Патруль-пост хизмати ходимлари қандай ҳолатларда фуқарони тўхтатиши мумкин?

Ходимлар қуйидаги ҳолларда фуқароларни тўхтатиши ва шахсини тасдиқловчи ҳужжатлар ёки "Е-патруль" тизими орқали уларнинг шахсини аниқлаши мумкин:

шахс жиноят ёки маъмурий ҳуқуқбузарлик содир этган ёхуд қидирувда деб гумон қилиш учун асослар мавжуд бўлганда;

шахсни содир этилган жиноят ёки маъмурий ҳуқуқбузарлик ҳақида маълумотга эга деб ҳисоблаш мумкин бўлганда;

қонунчиликка мувофиқ шахсни ушлаб туриш учун бошқа қонуний асослар мавжуд бўлганда.

Ходим шахсни тўхтатиб, ундан шахсини тасдиқловчи ҳужжатларни тақдим этишни ва "Е-патруль" тизими орқали унинг шахсини аниқлашни талаб қилганда шахсга уни тўхтатганлик ҳамда ундан шахсини аниқлаш талаб этилаётганлиги сабаблари ва асосларини тушунтириб бериши шарт, бундан хизмат доирасидаги маълумотлар мустасно.

Асос: Вазирлар Маҳкамасининг 2022 йил 22 июлдаги 399-сон қарори билан тасдиқланган Низомнинг 8 банди
https://t.me/navruz_fm884 Ochish/sharhlash

2023-03-29 07:37:07 #Санъат

Бобур ғазали

Озодбек Назарбеков ижросида ажойиб таронани тинглаб завқланинг!

https://t.me/navruz_fm884 Ochish/sharhlash

2023-03-29 06:34:56 Ўзбекистонда 80 йилдан буён аҳолиси электрсиз яшаётган қишлоқ бор экан.

Таъкидланишича, бу қишлоқ аҳолиси уйларини керосин чироқларда ёритади, алоқа тармоқлари йўқ, телевизор кўришмайди. Кийимларини қадимий чўғдазмолларда дазмоллашади.

https://t.me/navruz_fm884 Ochish/sharhlash

2023-03-29 06:08:50 Ochish/sharhlash

2023-03-29 05:11:52 #Premyera #Uzb

https://t.me/navruz_fm884 Ochish/sharhlash

2023-03-29 04:58:29 РАЙХОН.

Қишлоғимизда қадим бир одат бор. Узатилаётган қиз тўй куни яқин қариндоши ёки қадрдон қўшнисининг уйида ўтиради. Дугоналари, таниш-билишлари – ҳаммаси “қиз беркинган” хонадонга кириб меҳмон бўлади, ўйин-кулги билан кузатилаётган келинчакка паранжи ўраб, амма-холаси ёр-ёрлар билан ота-онаси ҳузурига олиб киради.
Ўйласам, ҳозир ҳам ўша кунгидек вужудимда титроқ туради. Онам мени бағрига босган пайти қулоғимга: “Оқ кўйлагинг этагини силтаб чиқиб кетгин, болам, энди ўз уйингга меҳмонсан, берган тузимга розиман”, – деди. Аммо дадамнинг бағридан юлиб олишлари қийин кечди: “Гулим болам, райҳоним қизим. Энди сиз йўқ бу уйларда қандай яшайман?..” – деб бўзларди.
Кетдим. Барча ота эшигини тарк этиб кетаётган қизлардек йиғлаб-йиғлаб кетдим. Оқ кўйлагим этагини силтамасам ҳам тақдирнинг ишига бошимни эгиб кетдим. Ҳовли йўлагида қаторлашиб турган акаларим бир-бир бағрига босган ерда ўн тўкилдим, етгунимча минг тўкилиб кетдим. На қошимга ўсма қўйдим, на кўзимга сурма... Тўйим куни пардоз қилсам акаларим кўриб мендан хафа бўлмасин, деб андиша қилдим.
Ўша даврларда бизлар томонда келинчаклар бир ҳафта сеп ёйилган келинлик уйидан чиқмас, ҳатто чойнакдаги чойни ҳам остона ёнига қўйиб кетишарди. Бир куни жажжигина қайнисинглим ёнимга кириб: “Кеннойи, сизни кўчада бир киши чақиряпти”, – деди. Ҳайрон бўлдим. Ҳали остона ҳатлаб кўчага чиқмаган янги келинчак бўлсам, аксига олиб умр йўлдошим ҳам иш билан чиқиб кетганди. Чақирган ким, ака-укаларимдан бири бўлса керак, бирор зурур иш билан келиб киришга ийманиб тургандир, деб ўйладим. Бироздан кейин онамиз эшик олдига келиб овоз берди. “Қизим, ҳали юз кўришганимиз йўқ, эртага аммангиз келиб кўриштириб кетар, деб кутгандим. Кўчада дадангиз сизни бир кўрай, деб турибди. Уйдагилар билмайди, дарвозадан бир қарасин, кўришмаса ҳам майли, қайтиб кетаман, дейди ота бечора. Уйга киринг, қуда, десам ҳеч кўнмади”,– деди.
Аввалига ҳовлига чиқиб онамизга салом бериб кўришдим. Кейин у кишининг ҳамроҳлигида дарвоза олдига бордик. Дадам киравермагач, кўчага бўйландим. Бир-икки ҳовли нарида дадамнинг машинаси кўринди. Ўша томонга қадам ташлашим билан қўл силтади ва юриб кетди. Ортидан дадаааааа, деб югургим келди...
Қайнисинглим қўлида бир даста қора райҳон билан югуриб келарди. “Ўзингиз эккан райҳонлардан олиб кебтилар, сизга салом айтди”,– деди...
Ота-онам чорлаб, улар билан дийдорлашгунча орадан анча вақт ўтди. Соғинганда ўша гулдондаги райҳонларга гапирдим, ўкинганда ифоридан куч олдим, эрта борасан, индин кўрасан деёлмаса ҳам менга синглимдек юпанч бўлди, ўша райҳонлар.
Баҳору ёз отамнинг пойига борганда бир қучоқ райҳон кўтариб бораман. Гулдонга сув қуйиб, дастани солар эканман: “Мен келгунча, дадамнинг қизи бўлиб туринг”, дейман уларга...

Мунаввара Усмонова
https://t.me/navruz_fm884 Ochish/sharhlash

2023-03-29 04:57:51 Саҳардан Маъмуржон Узоқовдан эшитсак, қандай бўларкин?
Зўр бўлади!
Ажойиб қўшиқ, куй, тарелка кўтариб жонли овозда айтилган қўшиқдан зўри йўқ.

https://t.me/navruz_fm884 Ochish/sharhlash

2023-03-29 04:57:37 СУБҲИ СОДИҚ

ТАВАССУЛ ВА ИСТИМДОД

Олтинчи субҳ

Барчамиз Аллоҳникимиз ва унга қайтгувчимиз. Аллоҳ таоло ўз Расулини, танлаб олган набийси, хотамун анбиёни улуғ хулқлар узра қилди. Аллоҳнинг шериги йўқ, фақат У ибодатга лойиқ Зот, фақат Унга сиғинамиз ва фақат Ундан ёрдам сўраймиз. Аллоҳ ҳар қандай шериклардан пок, Аллоҳ ҳеч қандай шерикларга муҳтож эмас. Бутун олам Аллоҳга муҳтож. Борлиқ Аллоҳнинг марҳамати билан мавжуд.
Аллоҳ таоло коинотни собит қонунлар устига барпо қилди. Оламга сабабият қоидаларини жорий этди.
Аллоҳ фаришталарни яратди. Фаришталарни турли вазифалар билан вазифалантирди. Уларнинг бирини иккинчисидан устун айлади. Айрим фаришталарни айримларига бўйсин сундирди.
Аллоҳ таоло Ер юзига пайғамбарларни жўнатди. Уларнинг мақомларини турлича этди. Расулларига китоб ва шариатлар берди, набийларига бу китоб ҳукмлари ва шариат қоидаларини қўллаб-қувватлаш амрини берди. Барча пайғамбарларига сўнги элчиси Муҳаммад соллаллоҳу алайҳи ва салламни султон, сарвар, раҳбар этди. Муҳаммад соллаллоҳу алайҳи ва саллам умматини бошқа пайғамбарлар, алайҳимуссалом, умматлари ичида энг афзали деб эълон қилди.
Бу уммат ичида саҳобаларни, розияллоҳу анҳум, фазилатли эканлигини билдирди. Уларнинг барчаларини Ўзига дўст тутди, улардан рози эканлигини Қуръони каримда баён этди. Аллоҳ таоло ўз набийларини, алайҳимуссалом. Ҳамиша ҳимоя қилди, Ўз дўстларига душманлик қилганларга душманлигини уқтирди, Ўз дўстларига тажовуз этганларни хору зорлик камбағал ва қашшоқлик, азобу шармандаликлар билан жазолади.
Аллоҳ таоло Ўз йўлида жон берганларни ўлдирмади, улар жисман йўқ бўлсалар-да, инсонлар учун ўлган саналса-да, ўлмаганлигини қатъий таъкидлади ва уларни жаннатларда сайр қилдиришини, маҳшардан аввалроқ неъматлар билан сийлашини айтди.
Биз ҳеч бир мусулмонга жаннатни собит қилмаймиз ёки дўзахий деб билмаймиз. Бу ҳукмни ёлғиз Аллоҳ беради, аммо Аллоҳ йўлида тақво ҳамда фидолик билан ўтганларни яхшилик билан ёд этамиз, уларнинг ҳақларига дуолар қиламиз, савоблар бағишлаймиз.
Аллоҳ бандалари ичида тириклигида кимни дўст тутган бўлса, ўлганидан сўнг ҳам раҳм қилганига умидвормиз.
Биз Аллоҳга дуо қилишни вожиб деб ишонамиз, Аллоҳга тинимсиз дуо қилишга уринамиз, ўзимизнинг дуоларимиз гуноҳ ва ихлосимиз сустлиги боис ижобати кечикса ёки рад этилишдан қўрқамиз, Аллоҳнинг дўстлари бўлган солиҳ зотлар дуолар сўраймиз, Аллоҳ кимнинг дуоларини қабул қилишни ваъда этган бўлса, уларнинг ҳам дуоларига кўз тикамиз.
Биз Аллоҳ таоло солиҳларни фасодчилардан, хосларни авомдан устун этганига аминмиз. Шунинг учун солиҳларни дўст тутишга уринамиз, хосларга ҳурмат бажо келтирамиз. Шунингдек, чин мўминлар учун ҳаёт ва ўлим бирдек эканлигига шубҳа қилмаймиз. Чунки бу икки яратиқ Аллоҳнинг мулкидир, мўмин банда Аллоҳнинг қайси мулкига кирмасин, унинг учун фожиа йўқдир. У Аллоҳ ўлим ёки ҳаёт мулкига киритса, иккисини ҳам шукроналик ва таслимият билан қабул қилади. Солиҳ зотларнинг ўлимдан кейинги ҳаёти барзахда гўзал тарзда давом этишига ишонамиз. Аллоҳ таоло уларга тирикликларида берган имтиёзлар – дуолар ижобати, тақарруб ўлимларидан сўнг тугаб қолмаслигини англаймиз. Шу боисдан орамиздаги солиҳ зотлардан дуо олган ҳолда ўлиб кетган валийларнинг руҳларидан ҳам дуо сўрашдан тортинмаймиз. Валийларнинг руҳлари тириклик оламидан Аллоҳнинг изни билан хабардор бўлиб турадилар, ўз авлод ва шогирдлари ҳолидан воқифдирлар, агар кимки уларнинг исмини зикр этса, ҳақларига савоблар йўлласа, албатта, биладилар ва Аллоҳдан бу банда учун яхшилик сўрайдилар....

Акром Малик.
https://t.me/navruz_fm884 Ochish/sharhlash