Navqiron.uz

2022-10-29 13:53:27 Alisher Navoiy nomidagi O‘zbekiston Milliy kutubxonasi 1-noyabrdan boshlab test tariqasida 24/7 rejimida ishlay boshlaydi.

@navqironuz Ochish/sharhlash

2022-10-27 11:55:04 Coursera O‘zbekistonga 1 200 000 ta bepul akkaunt ajratdi

2023-yildan boshlab 1,2 million nafar o‘zbekistonlik yosh IT sohasining 3 ta yo‘nalishi (frontend, Python, IT-English) bo‘yicha bepul onlayn ta’lim olishi, zamonaviy bilimlarni egallashi hamda Coursera sertifikatiga ega bo‘lishi mumkin.

@navqironuz Ochish/sharhlash

2022-10-25 12:26:20 Tez orada Alisher Navoiy nomidagi O‘zbekiston Milliy kutubxonasi 24/7 rejimda ishlash faoliyatiga o‘tishi kutilmoqda.

@navqironuz Ochish/sharhlash

2022-10-25 09:46:43 IT-park rezidenti bo‘lgan tashkilotlarning axborot texnologiyalari sohasida tahsil olayotgan ishtirokchi sertifikatini olgan yoki ushbu o‘quv kurslarini so‘nggi 6 oyda muvaffaqiyatli tamomlagan yoshlarga kompyuter xarid qilish uchun BHMning 25 baravarigacha (hozirda 7,5 mln so‘mgacha) iste’mol kreditlari ajratiladi.

@navqironuz Ochish/sharhlash

2022-10-24 16:37:32 Sumkasida bomba borligini aytib hazillashgan qiz hibsga olindi

22-oktabr kuni “O‘zbekiston” metropolitenining “Alisher Navoiy” bekatida 2003-yilda tug‘ilgan qiz avtomatik o‘tkazish punktining birinchi vestibyulida o‘z xizmat vazifalarini bajarayotgan Metropolitenda xavfsizlikni ta’minlash boshqarmasi xodimi tomonidan to‘xtatilgan.

Xodim N.S.dan uning sumkani ko‘rishni so‘raganida, u sumkasida bomba borligini aytgan. Ko‘rsatmalarga ko‘ra, MXTB xodimlari zudlik bilan yaqin atrofdagi hududni o‘rab olgan va voqea haqida navbatchilik bo‘limiga xabar bergan. Shundan so‘ng voqea joyiga IIV Maxsus operatsiyalarni muvofiqlashtirish boshqarmasi guruhi yetib kelgan.

Qizning sumkasini ko‘zdan kechirish chog‘ida undan portlovchi moslama topilmagan. U vaqtincha hibsga olingan. Xodimlar qizdan nima uchun sumkasida bomba bor deb aytganini so‘raganida, N.S. kayfiyati yaxshi bo‘lgani uchun shu tarzda hazil qilganini bildirgan.

@navqironuz Ochish/sharhlash

2022-10-24 09:45:15 Ochiq ma’lumotlar portalida Ichki ishlar vazirligi tomonidan yillar kesimida (2010-yildan 2022-yil 1-oktabr holatiga) jazoni ijro etish muassasalarda jazo o‘tagan mahkumlarning yoshi bo‘yicha ma’lumot taqdim etildi.

@navqironuz Ochish/sharhlash

2022-10-22 12:11:37 16 yoshli maktab o‘quvchisi Telegram’da soxta avtokredit guruhi ochib, fuqaroning pulini o‘zlashtirdi

Kiberxavfsizlik markazining xabar berishicha, Surxondaryo viloyati Sherobod tumanida yashovchi fuqaro Z.J. IIB organlariga ariza bilan murojaat qilib, Telegram messenjeri orqali pullarini o‘zlashtirgan shaxsga qonuniy chora ko‘rishni so‘ragan.

U arizasida, Telegram’dagi “Avtokredit bosh to‘lovsiz” guruhiga a’zo bo‘lgani, o‘zini guruh admini deb tanishtirgan shaxs uning ishonchiga kirib, 3 yil muddatga 90 mln so‘mga 16 foizdan “Nexia 3” mashinasini olib berishini va’da qilganini, shundan so‘ng kelishuv asosida boshlang‘ich 2 mln 180 ming so‘m pulni qo‘lga kiritgach, telegram messenjeridagi yozishmalarini o‘chirib tashlaganini ma’lum qilgan.

Tezkor-qidiruv tadbirlari natijasida firibgarlik yo‘li bilan pullarni o‘zlashtirgan shaxs Jizzax viloyati Paxtakor tumanida yashovchi, 2006-yilda tug‘ilgan 10-sinf maktab o‘quvchisi M.D. ekani aniqlangan. unga nisbatan Jinoyat kodeksining 168-moddasi bilan jinoyat ishi qo‘zg‘atilib, tergov harakatlari olib borilmoqda.

@navqironuz Ochish/sharhlash

2022-10-13 13:20:05 DXX akademiyasi bakalavriatiga qabul boshlandi

2023/2024-o‘quv yilida Amir Temur nomidagi Davlat xavfsizlik xizmati akademiyasida bakalavriat ta’lim yo‘nalishi bo‘yicha kunduzgi ta’lim shaklida o‘qishga nomzodlarni saralab olish bo‘yicha tanlovda ishtirok etish uchun ro‘yxatdan o‘tish boshlandi.

Tanlovda O‘zbekiston qurolli kuchlari safida muddatli harbiy xizmatni o‘tagan va/yoki o‘tayotgan, shu jumladan, harbiy xizmatga chaqiriluvchi bo‘lgan umumiy o‘rta, o‘rta maxsus va professional ta’lim muassasalarining bitiruvchilari, erkak jinsidagi, sog‘lig‘ining holatiga ko‘ra yaroqli deb topilgan O‘zbekiston fuqarolari ishtirok etishi mumkin.

Tanlovda ishtirok etish uchun my.dtm.uz rasmiy veb-sayti orqali joriy yilning 10-noyabr sanasiga qadar ro‘yxatdan o‘tishlari mumkin.

@navqironuz Ochish/sharhlash

2022-10-12 14:45:57 ​​“Bir kunda 16 km yo‘l bosaman” — maktabga eshakda qatnaydigan bola

Davlat Xursanov Xatirchi tumanidagi 30-umumta’lim maktabining 10-sinf o‘quvchisi. U maktabga olisdan — tog‘lar orasidan eshakda qatnaydi. Akasi Shamshod Xursanov shu yil maktabni tamomlab, talaba bo‘lgan. Aka-uka yoshligidan bir eshakka mingashib, har kuni 16 km yo‘l bosganicha maktabga borib-kelishgan.

Davlat soat 6:30da maktabga qarab yo‘lga chiqadi va manzilga soat 7:45da yetib boradi. Qish kunlari u bu masofani piyoda bosib o‘tadi. Chunki izg‘irinli kunlarda eshakda yurib bo‘lmaydi, odam harakatsizlikdan sovqotadi.

Davlatning ta’kidlashicha, u yozda tog‘ pistasi terib, 2 mln so‘mga yaqin mablag‘ topgan. U bu pulga mototsikl olmoqchi bo‘lgan. Lekin akasi kontrakt asosida o‘qishga qabul qilingach, fikridan voz kechib, topgan pulini akasiga bergan.

P.S. Yoshlar tashkilotlari bu yoshlarga qachon e’tibor qaratadi? Yoshlarning muammolari bilan shug‘ullanish uchun bir emas, qator-qator tashkilotlar tuzilgan. Viloyatda ham, tumanda ham yoshlar masalalari bo‘yicha hokim o‘rinbosarlari bor. Bular mana shu kabi yoshlarning hayotini o‘zgartirishga urinmasa, ularning borligidan nima foyda?

@navqironuz Ochish/sharhlash

2022-10-11 09:41:58 Vazirlar Mahkamasining yigʻilish bayonida qayd etilishicha, joriy yilda oliy ta’lim muassasalarining birinchi kursga qabul qilingan ijarada yashayotgan talabalarning barchasiga hech qanday ijara shartnomasi yoki hujjatlarsiz sentabr-oktabr oylari ijara to‘lovi to‘lab beriladi.

@navqironuz Ochish/sharhlash