Муҳтарам мўмин-мусулмон биродарлар, азиз юртдошлар, ассалому алайкум ва роҳматуллоҳи ва барокатуҳ!
Қалбларимиз файзу илоҳий шукуҳга тўлиб турган ушбу улуғ кунда юртимиздаги барча мўмин-мусулмонларни, бутун халқимизни тинчлик, шукроналик, меҳр-оқибат ва саховат рамзи бўлган муборак Қурбон ҳайити билан чин қалбимиздан табриклаб, "Навқирон Фарм" жамоаси номидан чуқур ҳурматимиз ва эзгу тилакларимизни билдиришдан ғоят мамнунмиз.
Аллоҳ таоло бутун дунё мусулмонларига Ийд ал-Адҳа байрамини муборак айласин, бутун оламга тинчлик-хотиржамлик ато этсин, ибодатларимизни даргоҳида қабул этсин, она Ватанимизни жаннатмакон қилсин, халқимизни Ўзининг розилигини топадиган халқлардан қилсин!
Барчангизни яна бир бор "Навқирон Фарм" жамоасининг барча аъзолари муқаддас динимизнинг улуғ байрами – Ийд ал-Адҳа ҳайити билан самимий муборакбод этиб қоламиз!
