Navoiy viloyati Maktabgacha va maktab ta'limi boshqarmasining rasmiy kanali

2023-04-12 21:04:27 Ochish/sharhlash

2023-04-12 19:05:15 RASMIY MUNOSABAT

Navoiy viloyati Maktabgacha va maktab ta’limi boshqarmasi, ayrim ijtimoiy tarmoqlarda e’lon qilingan “Navoiy. Quyosh panellari va xo‘rlanayotgan o‘qituvchilar” sarlavhali ma’lumotlar yuzasidan quyidagilarni ma’lum qiladi.

Unda qayd etilgan ma’lumotlar viloyat Maktabgacha va maktab ta’limi boshqarmasi va boshqa mas’ullar tomonidan atroflicha o‘rganib chiqildi.

Aniqlanishicha, ushbu holatga Qiziltepa tumani Maktabgacha va maktab ta’limi bo‘limining xodimi O. E. tomonidan yo‘l qo‘yilgan bo‘lib, hozirda unga nisbatan qonunchilikda belgilangan tartibda intizomiy jazo chorasi ko‘rilishi masalasi ko‘rib chiqilmoqda.

Shuningdek, mazkur masala bo‘yicha vazirlik yoki boshqarma tomonidan hududiy bo‘limlarga va tizimdagi tashkilot (muassasa) rahbarlariga hech qanday ko‘rsatmalar berilmagan, majburiy mehnatni har qanday ko‘rinishini qo‘llab-quvvatlamaydi. Shu bilan birga kelgusida shu kabi holatlarga yo‘l qo‘ymaslik uchun tegishli rahbar va mas’ullarga qat’iy ko‘rsatmalar berilib, ijrosi doimiy nazoratga olindi.

Bundan tashqari, mazkur holat vakolatli organlar tomonidan ham tegishli tartibda o‘rganib chiqilmoqda.

Viloyat Maktabgacha va maktab ta’limi boshqarmasi ta’lim muassasalarida sodir etilayotgan turli holatlarga befarq bo‘lmagan ota-onalar hamda jamoatchilik vakillariga o‘z minnatdorchiligini bildiradi va kelgusida ham doimiy hamkorlik ishlarini olib borishga tayyor.

Navoiy viloyati Maktabgacha va maktab ta’limi boshqarmasi matbuot xizmati. Ochish/sharhlash

2023-04-12 19:05:14 Ochish/sharhlash

2023-04-12 19:03:23 RASMIY MUNOSABAT

Navoiy viloyati Maktabgacha va maktab ta’limi boshqarmasi, ijtimoiy tarmoqlarda e’lon qilingan “Navoiyda maktabdagi janjaldan so‘ng o‘quvchi qiz o‘z joniga qasd qildi” sarlavhali ma’lumotlar yuzasidan quyidagilarni ma’lum qiladi.

Maqoladagi holat Xatirchi tumani, Langar qo‘rg‘onidagi 58-umumta’lim maktabi o‘quvchisi bilan sodir bo‘lgan. Bundan boshqarma rahbariyati xabardor bo‘lgach, zudlik bilan ishchi guruh tuzildi, vaziyat nazoratga olindi. Hozirgi vaqtda xodimlarga nisbatan xizmat tekshiruvi olib borilmoqda. Bundan tashqari, vaziyatga oydinlik kiritish maqsadida Xatirchi tuman huquqni muhofaza qiluvchi organlar tomonidan tegishli ishlar olib borilmoqda
Ushbu holat nazoratga olingan bo‘lib, o‘rganish yakunlari bo‘yicha qo‘shimcha xabar beriladi.

Navoiy viloyati Maktabgacha va maktab ta’limi boshqarmasi matbuot xizmati. Ochish/sharhlash

2023-04-12 10:55:27 #Live
#Yuridik_klinika

Ayni vaqtda Maktabgacha va maktab ta’limi vazirligi mas’ul xodimlari “YURIDIK KLINIKA" ko‘rsatuvida jonli efirda ishtirok etishmoqda.

Mavzu: Maktabgacha va maktab ta’limi sohasidagi yangiliklar, erishilgan natijalar

Ko’rsatuvni jonli efirda tomosha qiling:

https://www.youtube.com/embed/cpRyRP4Wlq4

Vazirlikning rasmiy sahifalariga ulanish
Telegram | Youtube | Facebook | Instagram Ochish/sharhlash

2023-04-12 10:55:27 Maktab bitiruvchilari uchun nufuzli IT universitetlarining imkoniyatlari taqdim etiladi

Joriy yilning 12-aprel kuni soat 12:00da maktab bitiruvchilarini zamonaviy kasblar bilan tanishtirish maqsadida yurtimizdagi IT universitetlari vakillari bilan onlayn muloqot tashkil etiladi.

Unda IT sohasida kadrlar tayyorlovchi quyidagi yetakchi oliy ta’lim muassasalari tomonidan taqdimotlar qilinadi:

Yangi O‘zbekiston Universiteti;
Muhammad al-Xorazmiy nomidagi Toshkent axborot texnologiyalari universiteti;
Toshkent shahridagi INHA universiteti;
Toshkent shahridagi Amiti universiteti;
Toshkent xalqaro taʼlim universiteti;
“IT Park University” universiteti

Taqdimotlar orqali mazkur universitetlardagi mavjud shart-sharoitlar, imkoniyatlar va kelgusida zamonaviy kasblarni egallash uchun yo‘nalishlar bo‘yicha o‘quvchilar o'zlarini qiziqtirgan savollarga javob olishlari mumkin bo‘ladi.

Onlayn muloqotga quyidagi havola orqali kirish mumkin:
https://youtube.com/live/EwgnsbBo_4M?feature=share


Vazirlikning rasmiy sahifalariga ulanish
Telegram | Youtube | Facebook | Instagram Ochish/sharhlash

2023-04-12 10:55:27 #Yurist_maslahati

Bog’chaga qabul qilishda pedagoglarning bolalari uchun ustunlik mavjudmi?

Mazkur savolga Maktabgacha va maktab ta’limi vazirligi Yuridik bo‘limi xodimlari javob berdi:

O‘zbekiston Respublikasi Vazirlar Mahkamasining 2018-yil 28-martdagi 244-son Qarori bilan tasdiqlangan Bolalarni davlat maktabgacha ta’lim tashkilotlariga qabul qilish bo‘yicha davlat xizmatlari ko‘rsatishning ma’muriy reglamentiga muvofiq pedagoglarning bolalari davlat maktabgacha ta’lim tashkilotlariga imtiyozli navbatga qo'yish huquqiga ega.

Buning uchun pedagog ota-onalar o‘z bolalarini davlat maktabgacha ta’lim tashkilotlariga joylashtirishda yo‘llanmalar olish uchun ustunlik huquqini tasdiqlovchi hujjatning asl nusxasini ko‘rsatgan holda davlat xizmatlari markazlariga o‘zlari kelib murojaat qiladilar.

Vazirlikning rasmiy sahifalariga ulanish
Telegram | Youtube | Facebook | Instagram Ochish/sharhlash

2023-04-12 07:29:02 Fasilitator oʻqituvchi. U qanday boʻlishi kerak?

Sinfdagi taʼlimni real dunyo bilan bogʻlash oʻquvchilarga oʻrganayotgan narsalarining ahamiyatini koʻrishga yordam beradi. Xuddi shunday, dunyoni sinflarimizga olib kirish bola uchun qiziq va qaysidir maʼnoda motivatsion kuch.

Masalan, ixtiyoriy mavzuni sinfdan tashqaridagi biror predmet yoki hodisaga qanday aloqasi borligini sharhlab, qisqacha talqin orqali aniq tushunchalar berish oʻquvchilarning tasavvurlarini boyitishga xizmat qiladi.

Batafsil

Kanalga obuna bo'lish:
Telegram | Facebook | Instagram | You Tube | Twittter Ochish/sharhlash

2023-04-12 07:29:01 Boshlangʻich sinflarda bir kunda 3 yoki 4 tagacha nazorat ishlarini oʻtkazish mumkinmi?

Maʼlumki, boshlangʻich sinflar alohida fiziologik xususiyatga ega boʻlib, ularni o'qitishda sanitariya qoidalari va normalarida belgilangan meyorlarga rioya etish talab etiladi. Sogʻliqni saqlash vazirligining  “Oʻrta taʼlim maktablarda taʼlim shartlari va tashkil etilishiga qoʻyilgan sanitar-epidemiologik talablar” toʻgʻrisidagi  hujjatida boshlangʻich sinflarda yozma ishlar olish tartibi belgilab qoʻyilgan.

Unga ko'ra, oʻquv kuni davomida bittadan ortiq nazorat ishini oʻtkazmaslik hamda nazorat ishlarini 2-4- darslarda oʻtkazish tavsiya etiladi.

Boshlangʻich sinflarda qoʻshaloq darslar oʻtkazilmaydi. Shuningdek, 1-sinflarda bir kunda 4 soatdan ortiq dars oʻtish mumkin emas, 2-4-sinflarda esa bu eng koʻpi bilan 5 soat etib belgilangan.

1-sinfda oʻqiyotganlar uchun eng qiyin fanlar 2-darsda,
2-4-sinfda oʻqiyotganlar uchun – 2-3-darslarda, 
5-9-sinfda oʻqiyotganlar uchun – 2-4-darslarda oʻtkazilishi kerak.

Boshlangʻich sinf oʻqituvchilaridan ushbu, chorak oxirlagan ayni kunlarda mazkur talabga rioya qilishlarini soʻrab qolamiz.

Kanalga obuna bo'lish:
Telegram | Facebook | Instagram | You Tube Ochish/sharhlash

2023-04-12 06:26:31 Nurota tumani hokimi A.Fayziyev “Tashabbusli byudjet” jarayonlarida gʻolib deb topilgan loyihalar bilan yaqindan tanishdi.

Jumladan, Qadoq MFY “Nogʻora” qishlogʻida joylashgan 47-umumtaʼlim maktabida qoʻshimcha 60 oʻrinli maktab binosida olib borilayotgan qurilish ishlari koʻzdan kechirildi.

Shuningdek, qurilish va taʼmirlash ishlarini koʻzdan kechirdi hamda mazkur muassasada olib borilayotgan qurilish, obodonlashtirish ishlarini sifatli va kamchiliksiz bajarish hamda muddatida topshirish kerakligi yuzasidan quruvchi tashkilot mutasaddilariga koʻrsatmalar berdi.

Nurota tumani hokimligi
axborot xizmati

Web| Telegram| Facebook| Instagram| Youtube | Twitter Ochish/sharhlash