“КЕКСАЛАР ҲАФТАЛИГИ” ҚИЗҒИН ДАВОМ ЭТМОҚДА
Учқудуқ туманида “Кексалар ҳафталиги” доирасида турли маънавий-маърифий тадбирлар ўтказилмоқда. Уларда кекса авлод вакилларига алоҳида эъзоз ва эътибор кўрсатилаётир.
– Нуронийлар таянч тоғларимиз, устунларимиздир, – дейди
Учқудуқ тумани Дўстлик маҳалла фуқаролар йиғини ёшлар етакчиси Малика Худойбердиева. – Улар маслаҳат берса, узоқни кўзлайди, дуоси орқали эл-юрт тинчлиги, меҳр-муҳаббати, дастурхон қут-баракаси, ёшлар камолотини ният қилади. Қаерда кексалар бўлса, уларга эътибор бўлса, шу жойда файз бор, барака бор. Маҳалламиз ёшлари билан нуроний онахон Тамара Гулиеванинг туғилган куни муносабати билан у кишини ҳолидан хабар олиб, таваллуд куни билан табрикладик. Сундетбай бобони ҳам йўқлаб борганимиз у кишини жуда қувонтирди.
Ёшлар томонидан ижро этилган куй-қўшиқлар нуронийларга бир олам завқ бағишлади. Бу каби учрашув ва тадбирлар Учқудуқнинг барча маҳаллаларда ташкил этилмоқда.
Каналимизни кузатиб боринг.
