2023-03-08 09:50:23
Ёшлар терма жамоамиз чорак финалда!U-20 Осиё кубоги. “А” гуруҳи. 3-турЎзбекистон-U-20 – Индонезия – U-20 - 0:0Фарғона. “Истиқлол” стадиони.Ҳакамлар: Мажид Муҳаммад Алшамрони (Саудия Арабистони), Муҳаммад Али (Покистон), Жанг Жонгпил (Жанубий Корея).
Назоратчи: Норбору Ишияма (Япония).
Комиссар: Шон Вун Ёнг (Жанубий Корея).
Ўзбекистон-U-20: 21.Отабек Боймуродов, 2.Иззатулло Пўлатов (13.Зафармурод Абдираҳматов, 65), 3.Абдуқодир Ҳусанов, 4.Абубакр Ашуров, 5.Жавоҳир Ўтамуродов, 7.Пўлатхўжа Холдорхонов (11.Шаҳриёр Жабборов, 82), 10.Умарали Раҳмоналиев, 14.Аббосбек Файзуллаев ( 9.Шаҳзоджон Неъматжонов, 90+2), 15.Диёрбек Ортиқбоев (23.Асадбек Жўрабоев,65) 18.Саидафзалхон Аҳроров (20.Маҳмуджон Маҳамаджанов, 82), 22.Шерзод Эсанов.
Индонезия-U-20: 22.Даффа Фасё Сумавижая, 4.Ферарри, 5.Каканг Рудианто, 8. Архан Фикри, 9. Ҳокки Карака Бриллиант, 10.Роналдо Жойбера, 12.Аҳмад Маулана Сяриф, 14.Роби Дарвис, 16.Дони Памунгкас, 21.Самир ( 17.Френгки, 70).
Хабарингиз бор, юртимизда U-20 Осиё чемпионати бўлиб ўтмоқда. Мазкур мусобақа мезбони бўлган, “А” гуруҳидан жой олган, Равшан Ҳайдаров мураббийлик қилаётган Ўзбекистон – U-20 ёшлар терма жамоаси 3-тур баҳсини Индонезия-U-20 термасига қарши ўтказди.
Гарчи ушбу ўйинда ташаббус кўпроқ ҳамюртларимиз тарафида бўлсада, кўплаб вазиятларда индонезияликлар дарвозабони Даффа Фасё Сумавижая ўз маҳоратини намойиш этган бўлса, айрим ҳолатларда вакилларимизнинг зарбаларига аниқлик етишмади. Шунингдек, учрашувнинг 84-дақиқасида Шаҳриёр Жабборовнинг зарбасидан сўнг, тўп дарвоза тўсинига тегиб қайтганлигни ҳам таъкидлаш жоиз.
Натижада мазкур беллашувда нурсиз дуранг – 0:0 ҳисоби қайд этилди.
Ушбу ўйинда “Навбаҳор” ҳужумчиси Асадбек Жўрабоев 65-дақиқада Диёрбек Ортиқбоевнинг ўрнига захирадан майдонга тушди.
Мазкур гуруҳнинг иккинчи жуфтлигида ироқликлар суриялик тенгдошлари билан 1:1 ҳисобидаги дуранга имзо чекишди.
Натижада 3 та ўйинда 7 очко тўплаган Равшан Ҳайдаров шогирдлари гуруҳ пешқадами сифатида чорак финалга йўл олишди. Ироқликлар эса 4 очко тўплаб, 2-ўринни эгаллаган ҳолда, ¼ финал иштирокчисига айланишди.
Чорак финалда ёшлар терма жамоамиз вакиллари Австралия, Ироқ–U-20 термаси аъзолари эса эронлик тенгдошларига қарши майдонга тушишади.
Мазкур учрашувлар 11 март куни ўтказилади.
Бўлажак баҳсда U-20 терма жамоамизга омад ёр бўлишини тилаймиз.
“Навбаҳор” ПФК матбуот хизмати."НАВБАҲОР-ЛОЧИНЛАР"ни
ижтимоий тармоқдаги
саҳифаларини кузатиб
боринг.
Telegram | Instagram
24 views06:50