Навоий вилояти ҳокими вазифасини бажарувчи Нормат Турсуновнинг | NAVBAHOR TUMAN HOKIMLIGI AXBOROT XIZMATI
Навоий вилояти ҳокими вазифасини бажарувчи Нормат Турсуновнинг Ўзбекистон Республикаси давлат мустақиллигининг 31 йиллиги муносабати билан вилоят аҳлига байрам ТАБРИГИ
Ассалому алайкум, қадрли юртдошлар!
Бугун навқирон юртимизнинг ҳар бир гўшасида бўлгани каби, вилоятимизда ҳам Ўзбекистон Республикаси давлат мустақиллигининг шонли 31 йиллик байрамини қалбларда юксак ғурур ва ифтихор, шодлик ва сурур билан қарши олмоқдамиз.
Ушбу қувончли лаҳзаларда энг улуғ ва энг азиз айёмни катта тараддуд ҳамда меҳнат зафарлари билан “Янги Ўзбекистонда эл азиз, инсон азиз!” эзгу ғояси остида нишонлаётган бутун вилоятимиз аҳлини қутлуғ Мустақиллик байрами билан чин қалбимдан муборакбод этаман.
Дарҳақиқат, ўтган давр жонажон Ўзбекистонимиз учун синовларга бой ва машаққатли, айни пайтда, истиқлолнинг муваффақиятли ва шарафли йўли бўлди.
