Normetov

2021-02-11 09:17:01 Бир киши ҳаммаси учун...

Жисмоний тарбия ва спорт вазирлиги Туризмни ривожлантириш давлат қўмитаси билан бирлаштирилиб, унга Азиз Абдуҳакимов раҳбар бўлар экан.

Бу спорт дегани Ўзбекистонда хор бўлди. Олдин Маданият ва спорт вазирлиги эди, ундаям мантиқ йўқ эди, кейин алоҳида бўлди, вазири ишдан олинди, энди туризмга қўшиларкан. Тўғриси, мантиқ кўрмаябман, қанақа қилиб спортни туризм қўмитасига қўшиш мумкин? Умуман бошқа-бошқа соҳалар-ку.

Вазирликни тугатмасдан яхши бир кадр топиб вазир қилиб қўйиш ҳар қанақасига маъқул вариант эмасмиди?
Кейин бечора А. Абдуҳакимов универсал кадрми, нимага кўп нарса у кишига бириктирилади, бошқа кадр йўқми? Бир одам шунча аравани эплаб торта олиши жуда қийин иш ва самарасиз бўлмайдими?

Изоҳ: А. Абдуҳакимов-Бош вазир ўринбосари, Туризм қўмитаси раиси, Бўстонлиқ туманига масъул, Бадминтон ва шаҳмат федерацияси раиси, энди спорт ва ҳ.з...

https://kun.uz/news/2021/02/10/sport-vazirligi-va-turizm-qomitasi-birlashtiriladi-unga-abduhakimov-rahbarlik-qiladi Ochish/sharhlash

2021-02-05 14:11:20 MAKE M..... GREAT AGAIN....

Президент айни кунларда Фарғонада. Кеча журналистлар билан учрашилган видео чиқди. Видеода президент журналистларга "Қўрқманглар, орқаларингда мен турибман, ҳақиқатни ёзинглар" деди.

Яна охирги пайт ОАВ ларига эркинлик берилгани ҳақида кўп гапиришди. Лекин ман шу пайтгача президентга танқидий савол тугул, умуман савол берилганини кўрмадим масалан. Фақат бир томонлама учрашув. Президент гапиради, журналистлар микрофон тутади, бўлди. Ҳаммаси олдиндан режалаштирилган сценарий остида ўтади.

Мисол учун, ҳеч қайси журналист президентга " Муҳтарам президент, нимага ўзиз танқид қилган, аравани тортолмаган ҳокимларни яна бошқа лавозимга тайинлайсиз, бошқа муносиб кадрлар йўқми", "палон йили мажлисда ҳамма жойга ёш кадрларни қўяман дегандиз", "Сардоба сув омбори асл айбдорлари нимага яширилмоқда","Монополияга қачон барҳам берилади" каби саволларни бера олишларига ман ишонмайман шахсан.

@nationalperson Ochish/sharhlash

2021-02-03 18:15:33 Тошкент шаҳар ҳокимлиги Мустақиллигимизнинг 30 йиллигига бағишлаб барпо этиладиган «Истиқлол» мажмуаси лойиҳаси бўйича танлов эълон қилибди. Ушбу мажмуани барпо этиш жойи сифатида Шароф Рашидов, Ислом Каримов ва Афросиёб кўчалари оралиғида, Марказий универмаг (ЦУМ) қаршисидаги «сайилгоҳ», «Мовий гумбазлар» ошхонаси жойлашган ҳудуд танланибди.

Тошкент марказидаги камсонли дарахтлар сақлаб қолинган сайилгоҳ ўрнида қанақадир қуруқ бино қуриш энг катта хато бўларди. Бунга қарши жамоатчилик қаттиқ курашишимиз керак.

Бунақа биноларни қуриш учун шаҳар марказида жой йўқ, пойтахтни четроғига ҳам қурса бўлади. Шундоқ ҳам шаҳарда дарахтлар кесилиши кўпайиб кетди. Кўпчиликни эсидадир, "Сквер"даги Амир Темур ҳайкали олдин қанақа салқин, дарахтлар кўп, файзли жой эди. Барча дарахтлар кесилиб, ўрнига бошқа манзарали дарахтларни экишди, лекин орадан қанча вақт ўтсаям у жой аввалгидек салқин, файзли жойга айланмади.

@nationalperson

https://xabar.uz/xk98 Ochish/sharhlash

2021-02-02 19:41:17 Ўзбекистонда Президент танқид қилиб, ишдан олинган амалдорлар албатта маълум вақтдан кейин яна бошқа (пастроқ) лавозимга тайинланишига кўникдик.

Мисол учун, ўтган ҳафтада 2 та амалдор ишдан олинди. Жисмоний тарбия ва спорт вазирлигининг собиқ раҳбари Дилмурод Набиев Қарши давлат университети ректори этиб тайинланибди. Тошкент вилояти ҳокимлиги вазифасидан бўшатилган Рустам Холматов Агросаноат мажмуи ходимлари касаба уюшмаси Республика кенгаши раиси лавозимига сайланибди.

Демак, ҳар қанақа айб иш қил, Бош вазир томонидан хайфсан ол, селекторда президент танқид қилсин, фарқи йўқ, президентни кругидан бўлсанг бўлди, бошқа лавозимга тайинланаверарасан, шунақами?.

Маълумот учун: бундан аввалроқ ишдан олинган собиқ олий таълим вазири Иномжон Мажидов Ўзбекистон Миллий университетига ректор бўлган эди. Уй-жой коммунал хўжалик вазирлигининг собиқ раҳбари Музаффар Солиев эса Нурафшон шаҳри ҳокимлигига тайинланганди. 2020 йил кузида Соғлиқни сақлаш вазирлигини тарк этган Алишер Шодмонов ҳам Тошкент тиббиёт академияси ректори лавозимини эгаллаган.

Бунақа сиёсатни нима дейиш мумкин билмадим-ку, лекин ёшроқ кадрларни тайинлаш деярли йўқолиб қолди. Ҳозирча, эскиларни бошқа лавозимга тайинлаш, олдинга бир чўлоқ қадам, орқага югуришдан бошқа нарса эмас, ман учун.

https://t.me/nationalperson Ochish/sharhlash

2021-02-02 18:52:53 Фақат Ўзбекистонда ўқитувчиларни ойлиги қоғозда ошса керак. Аслида энг биринчилардан ўқитувчилар ва тиббиёт ходимларини иш ҳақи оширилиши тўғри бўларди. Бизда эса, ўқитувчилар ўқувчилари билан энди энди пахта даласидан қайтишди.

@nationalperson

https://kun.uz/news/2021/02/01/maktab-oqituvchilarining-oyligini-2024-yilgacha-ming-dollarga-yetkazishni-moljallaganmiz-vazir-orinbosari Ochish/sharhlash

2021-02-01 17:52:47 Туркманистон-умумий уйимиз! Ochish/sharhlash

2021-01-31 10:08:29 kun.uzни "Қишлоқда бир кун" лойиҳаси - яхши лойиҳа. Вилоятлардаги ҳақиқий аҳволни кўрсатишади.

Деярли 30 йил юртни бошқарган, кеча ҳайкалига гул қўйилган раҳбар ҳам қора халқни ўйламади, фақат ўйлагандек қилиб ўзини кўрсатди. Коррупция авжига чиқди, яқинларини ўзи талади халқни, биттаси АҚШга кўчиб кетди, Калифорниядаги дайди итларга пул ажратди, яна биттаси деярли ҳар бир давлатдан вилла олди, пентхаус олди.

Ҳозирги замон феълидаям шу аҳвол, фақат қуруқ гап. Луғатдан топиб олинган қанақадир шиорсанслар, fivetashabbus ва ҳ.з.

Гапираман деса аччиқ гаплар кўп, лекин...

Ўзбек халқини ҳеч ким ўйлама(й)ди, хор қилиш(моқда)ди.


https://kun.uz/news/2021/01/31/tong-sahardan-otin-tergani-zovur-boyiga-qoshtepaning-langarida-otgan-bir-kun Ochish/sharhlash

2021-01-30 16:23:54 30-январь - туғилган кун.

У халқнинг фаровонлиги учун, мамлакатни иқтисодий кризисдан олиб чиқиш учун қўлидан келган барча ишни қилди.

У нафақат катта иқтисодий деприссиядан олиб чиқди, балки ижтимоий ҳаётда ҳам фуқароларнинг ҳаётини енгиллаштириш учун катта ишлар қилди.

Президентлигининг энг дастлабки йиллариданоқ банк ва молия тизимини барқарор ривожланиши учун жуда кескин ва тўғри ўйланган реформалар қилди. Шунингдек унинг даврида ижтимоий кам таъминланган оилалар, муҳтожлар ва уйсиз фуқароларга ҳар ой компенсация бериш тартиби жорий этилди.

Бундан ташқари унинг даврида фермер хўжаликларини қайта молиялаш тўғрисида қонун қабул қилинди, бу қонун фермерларга мисли кўрилмаган эркинликлар берди, натижада фермерлар бойиб кетди, қишлоқ жойларида турмуш тарзи яхшиланди.

Бу инсон ҳақида шундай гаплар юради:

Шак-шубҳа йўқки, замонавий капиталистик дунёнинг энг кучли фигураси бу Франклик Делано Рузвельтдир. (Сталин)

Бугун ўз халқи учун энг яхши президентлардан бири бўлган, доно ва ақлли сиёсатчи Франклин Делано Рузвельтнинг туғилган куни.

@nationalperson Ochish/sharhlash

2021-01-29 13:31:13 "Маҳаллабай"...

Энди профилактика инспекторлари (участкавой) маҳалладаги аҳолининг саломатлик кўрсаткичларига қараб рағбатлантириб бориларкан.

Қизиқ, участкавой қанақа қилиб маҳалла аҳолисини саломатлик кўрсаткичларига таъсир қилиши мумкин?
Нима, одамларни мажбурий бадантарбия қилдирадими ёки ёшларни югуртирадими, нима қилади?
Милиция ходимини вазифасими бу? Бу кетишда яқинда тиббиёт ходимларини жиноятларни очишда ёрдамчи қилибам қўйишади.

Ман деярли аниқ жавобни биламан. Маҳалла нозири маҳалладаги айрим фуқароларни спорт билан мажбуран шуғуллантиради, ёши катталарни пиёда кетаётганини расмга олиб юқорига чиройли қилиб ҳисобот топширади, бўлди, масала ҳал.

Янги Ўзбекистон шунақа ёлғон ҳисоботларга, кўзбўямачиликка ва мантиқсиз қарорларга асосланиб қолди ўзи.

@nationalperson

https://kun.uz/03030351?fbclid=IwAR0GFNppApxadaimxAqfV5WHwsHKokOQZSD8koB6yfhknuuIaT3-SNimvFs Ochish/sharhlash

2021-01-29 07:46:41 "Олмани тагига олма тушади". Ўзбек халқ мақоли. Ochish/sharhlash