2022-05-30 19:32:44
Universitet- bu deyarli har bir odam uchun maktabdan keyingi makon bo'ladi. Ayrimlar bunga maktabni bitirgan zahoti erishsa, afsuski ayrimlar bunga erishish uchun bir necha yillab DTM testlarida o'zlarini sinab ko'rishadi. Natijada kimdir bilimi bilan, kimdir omadi bilan yana kimdir puli bilan bo'lsa ham o'qishga kiradi ammo ayrimlarga bu nasib qilmaydi ham shuning uchun buni "qadriga yetish" kerak. Shuning uchun maktabdan keyingi makonizni to'g'ri tanlang.
- Qanday qilib to'g'ri tanlov qilishim mumkin?
- O'qish niyatida bo'lgan barcha universitetlaringiz haqida barcha ma'lumotlarni topishga harakat qiling va ichidan o'zizga yoqadigan OTM ni tanlang. Darvoqe yaqinda ustoz Umidjon Ishmuhammedov va Xurshid Uroqov bilan birgalikda Turkiston san'at saroyida Universitet tanlash bo'yicha talaba yoshlar bilan uchrashuv bo'lib o'tadi shunga qatnashishni tavsiya qilaman.
Xo'sh universitet tanlandi bir amallab o'qishga ham kirib olding. Endi nima qilasan?
Har bir talaba universitetga kirar ekan oldiga buyuk maqsadlar qo'yishi tabiiy holdir. Lekin statistik ma'lumotlar ( Amerikada) talabalarning 70% ga yaqini o'z orzu niyatlaridan dastlabki 2 yilda voz kechisharkan bu maqsadlar shunchaki bir chekkada qolib ketarkan. O'zimizdagi statistika qanday deb o'ylaysiz kommentda qoldiring. Ishonaver rostini olib aytganda universitetga kirishni maqsad qilganda niyatimiz to'g'ri bo'lishi kerak, ya'ni 4 yilda diplomni olaman degan fikr emas kuchli bilim egasi, salohiyatli yetuk shaxs bo'laman deb maqsad qo'yish kerak. Agar bu natijaga erishmayotgan bo'lsang hamma ayb o'zingda chunki yetarlicha harakat qila olmayotgan bo'lishing mumkin. Universitet bizga juda ko'plab imkoniyatlar beradi lekin biz undan maksimal darajada foydalanyapmizmi yoki yo'qmi shu haqida ko'proq o'ylashimiz kerak faqat tizimni aybdor qilavermasdan.
Ayrim universitetlar bor hattoki ta'lim tizimi haqida maqtovli bir so'z aytolmaganimizga yarasha universitetdagi talabalar davomati ham o'ziga yarasha¹. Bir nechta universitetlardagi ta'limni o'rganib shu xulosaga keldim. Va shundan keyin o'zim o'qiydigan universitetdagi sharoitlarga shukr qilib tinimsiz izlanishni boshladim, zero manfaatli bo'ladi degan umiddaman...
O'ZBEKISTON TA'LIM TIZIMI
O'zbekiston ta'lim tizimi bu o'sha siz bilgan korrupsiyadan xoli, boshqa davlatlar havas qilsa arzigulik darajadagi "erkin" ta'lim olish tizimi, dunyodagi boshqa universitetlarga qaraganda ayni paytdagi top-3 talikga kiradigan, dunyo bo'ylab eng kuchli talabalarni o'z bag'riga olgan, hozirgi kunda universitet talabalari kapitalizatsiyasi bir necha milliard dollar bo'lgan xalqaro kompaniyalarni boshqarayotgan va universitetning fond jamg'armasida ham milliardlab dollarlar saqlanib turgan universitetlardan "biroz" farq qiladi. Ta'lim sifatining pastligi kimga bog'liq? Agar ta'lim sifatini yanada oshirmoqchi bo'lsak universitet talabalariga ortiqcha yuklama bo'lishi aniq chunki hozirgi kundagi deyarli kuchli bosimga ega bo'lmagan tizimdagi imtihonlarni zo'rg'a topshirayotgan bir paytda bunaqa tizim ishlab chiqib tatbiq qilish qanchalik o’rinli?
Yurtimizda ayrim universitetlarni hisobga olmaganda deyarli qolgan universitetlarda ta'lim sifati qoniqarli darajada lekin hozirgi kundagi jahon ta'lim standartlariga javob beradigan tizim yo'qligi bir tarafdan ko'ngilni xira qiladi. Qaytaraman siz universitet juda ko'p narsa kutmang! Chunki hozirgi axborot texnologiyalar asridagi zamonaviy kasblarni (Dasturlash,SMM, marketolog va...) o'rganish uchun universitet bilimi yetarli emas yoki bu fikrimga qarshimisizlar?
Agar universitet bilimi yetarli deb o'ylasangiz universitetdagi professorlarning dars o'tish uchun tayyorlagan planlarini oxirgi marta qachon tuzilganiga yoki o'qib turgan kitobingiz qachon nashr chiqqaniga qarashning o'zi yetarli, menimcha. Shuning uchun kelajagingiz uchun kerakli bo'ladigan yaxshi ustoz topmasangiz bo'lmaydi.
P.s. ¹O'zbekistondagi 10dan oshiq davlat va xususiy universitetlarning ta'lim berish sistemasini va ulardagi ta'lim sifatini o'rganib chiqib xulosalarimni sizga ulashdim.
@Nasriddinov_Diyorbek
175 viewsedited 16:32