Nasihat.uz

2022-09-01 08:02:27 ҲАҚИҚИЙ БАНДА КИМ?

Инсон бу дунёда бир неча кунлик меҳмондир. Бу дунёга у на ўз хоҳиши билан келади ва на ўз хоҳиши билан кетади. Мазкур вақт оралиғида ўз ҳою ҳавасларига кўра ҳаёт кечиришга банданинг ҳаққи йўқдир.

Унинг Хожаси ва Яратувчиси – Аллоҳ уни йўкдан бор қилди. Бас, инсон Унинг амри билан бу дунёга келади ва Унинг амри билан дунёни тарк этади. Одамзот Аллоҳнинг буйруқларига қулоқ солиб, амал қилиб яшаса, нажот топади.

Яшашдан мақсад – Аллоҳ таолога бандалик қилиш, ҳаётдан мақсад эса Аллоҳ таолони зикр қилишдир. Аллоҳ таолога қулликни ўз ўрнига қўйган киши ҳақиқий маънодаги бандадир. Аксинча бўлганида эса, у нопоклик, ёлғон-яшиқ ва алдов исканжасига тушиб қолган бўлади.

''ЭРКАК КИШИ КАМОЛОТИДА АЁЛНИНГ ЎРНИ''
Зулфиқор Аҳмад Нақшбандий

@nasihatuz Ochish/sharhlash

2022-09-01 06:22:02 Барака - Аллоҳнинг лашкаридир

Солиҳлардан бири: "Аллоҳим ризқимга барака бер", деб дуо қиларди. Буни бир киши эшитиб: "Нима учун Аллоҳим менга ризқ бер, демаяпсан?" деб сўради. Шунда солиҳ зот: "Аллоҳ таоло Ўзи яратган махлуқотларининг барчасининг ризқини кафолатлаган. Мен ризқимга барака беришини сўраяпман. Чунки барака бу Аллоҳнинг лашкаридир ва уни хоҳлаган кишисига беради. Агар барака молга келса, у кўпаяди. Фарзандга келса, солиҳ бўлади. Агар баданга келса, қувватли бўлади. Агар қалбга келса, саодатли бўлади", деди.

Аллоҳим бизга ато этган неъматларингнинг барчасига барака бер.

Яқинларингиз билан улашинг
https://t.me/joinchat/AAAAAEAeDNv4kOODvAkBwg Ochish/sharhlash

2022-09-01 03:19:05 Жаннатмакон юртимиз мустақиллигининг 31 йиллик байрами барчамизга муборак бўлсин!

@nasihatuz Ochish/sharhlash

2022-09-01 03:00:28 Ассалому алайкум!

Эзгу амаллар қилиш учун имкон бериб, тонгда уйғотган Аллоҳга беҳисоб шукурлар бўлсин. Бошлаган кунингиз ҳайрли, файзли ўтишини тилаб қоламиз.

@nasihatuz Ochish/sharhlash

2022-08-31 18:44:02 #Намоз_вақтлари
1 сентябр пайшанба куни тақвими
Тошкент шаҳри учун

Тонг - 04:26
Қуёш - 05:49
Пешин - 12:28
Аср - 17:02
Шом - 18:58
Хуфтон - 20:18

Тошкентдан аввал: Қўқон (-7), Наманган (-10), Фарғона (-10), Андижон (-12).

Тошкентдан кейин: Бекобод (0), Жиззах (+6), Гулистон (+2), Денов (+6), Самарқанд (+9), Шаҳрисабз (+10), Қарши (+14), Каттақўрғон (+12), Нурота (+14), Навоий (+16), Бухоро (+19), Хива (+36).

@nasihatuz Ochish/sharhlash

2022-08-31 15:45:00 ​​Болаларнинг намозга ўргангани қолади

Қадимда Кўфада Зубайд ибн Ҳорис ал Ёмий деган киши ўтган. Саҳобалардан бир-икки кишини кўриш шарафига ноил бўлган улуғ зотлардан. Бу киши ҳақида ҳадис ривояти бўйича ўз замонасининг дарғаси бўлган Шуъба ибн Ҳажжож "Зубайд ал Ёмийдек кишини кўрмаганман" дейди. Ҳолбуки, ўша даврда Шуъба кўрмаган, зиёрат этиб илм олмаган олим кам эди.

Шундай улуғ зот бўлмиш Зубайд ал Ёмий бир масжидда муаззинлик қилар эди. У ҳар доим маҳалласидаги ёш болаларни тўплар, "келиб намоз ўқинглар, сизларга ёнғоқ бераман" дерди.

Болалар намоздан сўнг гувиллашиб унинг атрофини ўраб олар, у ҳар бир болага ёнғоқ улашиб чиқар эди. "Нима қилардингиз бундай қилиб?" деганларга: "Нима бўпти, бор-йўғи беш дирҳамга ёнғоқ оламан, холос. Болалар эса, намозга ўрганишади" деб жавоб берарди. (Бу пул ўша вақтда жуда қадрли эди). 

Абу Нуайм Исфаҳоний, Ҳилятул авлиё китоби.

Аллоҳ таоло барча ўтган улуғларни ғариқи раҳмат қилсин, намозга чорловчиларни ёрлақасин, тўсувчиларни ҳидоят қилсин. Ўзи ҳар нарсага қодир. Амин.

Сайфуллоҳ Носир

Яқинларингизга улашинг
https://t.me/joinchat/AAAAAEAeDNv4kOODvAkBwg Ochish/sharhlash

2022-08-31 13:22:05 Ҳарамда энг аввал яшаган аёл - Ҳожардир.

Расулуллоҳ соллаллоҳу алайҳи васалламга энг аввал иймон келтирган аёл – Хадича розияллоҳу анҳодир.

Ислом йўлида энг аввал аёл қони оққан, у ҳам бўлса - Сумайя Умму Аммор Оли Ёсирдир.

Қуръони каримдаги энг узун уч суранинг бирининг номи – Нисо, яъни, “аёллар”дир.

Расулуллоҳ соллаллоҳу алайҳи васаллам ҳажжатул вадоъ – видолашув ҳажида уч маротаба такрорлаб: “Бас, аёллар ҳақида Аллоҳдан қўрқинглар! Чунки сиз уларни Аллоҳнинг омонати ила олгансизлар.” деганлар.

Хўш, Исломдан ўзга аёлларни бу қадар ҳурматлаган бошқа бирон дин, мафкура борми?

arabicuz

Яқинларингизга ҳам улашинг
https://t.me/joinchat/AAAAAEAeDNv4kOODvAkBwg Ochish/sharhlash

2022-08-31 10:05:53 ЕНГИЛ ВА ОҒИР ЎЛИМ

Фаридиддин Атторнинг отасидан қолган каттагина атторлик дўкони бор эди. Бир куни жулдур кийимли бир дарвеш кириб, садақа сўрайди. Муҳаммад савдо билан овора бўлиб, унга эътибор бермайди. Шунда дарвеш айтади:
- Эй хожа, қандай ўлишингни биласанми?
Муҳаммад жавоб беради:
- Сен қандай ўлсанг, мен ҳам шундай ўламан-да!
- Йўқ, сен мендай ўла олмайсан.
- Нима учун?
- Чунки менинг юким енгил - қуруқ танам ва уни беркитган хирқамдан бўлак нарсам йўқ. Шунинг учун менинг бу дунё дўконини тарк этишим осон. Аммо сенинг юкинг оғир: ҳашаматли иморатнинг, мол тўла дўконинг, зар тўла ҳамёнинг, қатор-қатор борасан. Ўз ишингнинг чорасини қил, мен эса мана бундай ўламан.
Дарвеш шундай деди-ю, белидаги қовоқ качкулини бошининг остига қўйганча жон берди.
Бу воқеа Атторга қаттиқ қаттиқ таъсир қилади. Шундан кейин у бор мол-мулкини қариндош-уруғларига бўлиб бериб, тариқат йўлига кирган экан.

"Шарқ ҳикоят ва ривоятлари" китобидан

УЛАШИНГ
https://t.me/joinchat/AAAAAEAeDNv4kOODvAkBwg Ochish/sharhlash

2022-08-31 08:04:59 Ўзингни тухмат ўринларга қўйиб, кейин одамлар сенга тухмат қилишса, уларни маломат қилма!

Али ибн Абу Толиб р.а.

@fitratuz Ochish/sharhlash

2022-08-31 02:57:02 ​Ассалому алайкум!

Хайрли дуоларингиз қабул бўлсин, кунингиз файзли ва баракотли ўтсин!

@nasihatuz Ochish/sharhlash