#РУҲИЯТ ДУО Сенинг ҳадянг эрур ҳар бир нафасим, | Go'zal qiroatlar va maruzalar

#РУҲИЯТ

ДУО

Сенинг ҳадянг эрур ҳар бир нафасим,
Юрган-турганимга шукур минг бора.
Қанча кўп бўлмасин орзу-ҳавасим,
Ўлмасдан қолмоққа йўқ асло чора.

Аммо орзуларга етиб дунёда,
Мангу Жаннатни ҳам топмоқлик учун,
Амалга дуони қилиб зиёда,
Йиғлаб ёлбораман Ўзингга тун-кун.

"Дуо қилинг менга, этгум ижобат"–
Қанчалар умидбахш эрур Каломинг,
Бошимга ёғса ҳам бало-ю офат,
Зикр этиб толмайман Муқаддас номинг.

"Дуо ибодатдир", яъни–тоатдир!
Иймоннинг изҳори–ҳамд, сано, дуо!
Банданинг бурчи, бу–итоатдир,
Бўйин товламайди оқиллар асло.

Дуо қилмаганга ғазабинг ҳақдир,
Ғазабингдан мени асрагил, ё Рабб!
Бандангман, неларни қилсанг ҳам тақдир,
Синовни осон қил, ҳолимга қараб!

Қадрим қуллигимда– англадим буни,
Дуо қилмаганнинг қадри йўқ Сенчун.
Аршинг соясидан ул Маҳшар куни
Менга ҳам жой бергил қуллигим учун.

Ўзинг қўлла мени ғамли чоғимда,
Ҳар мушкул дамимда бўл менга паноҳ!
Висолинг насиб эт Фирдавс боғида,
Ё Ғаффор, ё РОҲИЙМ, ё Ҳаққ, ё Аллоҳ !

Шаҳобиддин Одил

@laa_ilaaha_illallohu