ФАРЗАНДИГА ШАФҚАТ ҚИЛМАГАН... Умар ибн Хаттоб розияллоҳу анҳу | nasafziyo.uz

ФАРЗАНДИГА ШАФҚАТ ҚИЛМАГАН...

Умар ибн Хаттоб розияллоҳу анҳу болаларини ўпиб, эркалаб ўтирган эди. Шу жойда ҳозир бўлган волийларидан бири:
– Эй мўминларнинг амири, болаларингизни ўпасизми? – деб сўраб қолди.
– Ҳа, ўпаман, – жавоб берди Умар розияллоҳу анҳу.
– Менинг ўнта болам бор. Мен уларни ҳеч ўпмаганман.
Қачон уйга кирсам, уларнинг овози ҳам, саси ҳам чиқмай қолади.
– Аллоҳ таоло сенинг қалбингдан меҳр туйғусини олиб қўйибди-ю, мен сени яна волийликка тайинлабманми?! Фарзандларига меҳр-шафқати йўқ кимса улусга шафқат қилурми?! – деб Умар розияллоҳу анҳу уни вазифасидан четлаштирди.

“Расулуллоҳ соллаллоҳу алайҳи ва саллам ҳаётидан лавҳалар” китобидан.
@nasafziyo