Хушхабар 'Навбаҳор' келаси мавсум ОЧЛда ўйнайди 'Навбаҳо | Namangan viloyati hokimligi
Хушхабар
"Навбаҳор" келаси мавсум ОЧЛда ўйнайди
"Навбаҳор" келаси мавсум ОЧЛда ўйнайди
Наманганнинг "Навбаҳор" клуби келаси мавсум Осиё Чемпионлар лигасида ўйнайдиган бўлди. Ўзбекистон чемпионати якунланишига бир нечта тур қолганида наманганликлар ОЧЛ йўлланмасини қўлга киритишди. "Қизилқум" бугун дуранг ўйнаганлиги боис, "Навбаҳор" 4-ўриндан пастга тушиб кетмаслиги аниқ бўлди. Ҳозирча турнирни гуруҳ босқичи ёки плей-офф ўйинларидан бошлаши аниқ эмас. Айни дамда фақат "Насаф" гуруҳ босқичига йўлланмани қўлга киритган. Иккинчи тўғридан-тўғри йўлланма мамлакат лигаси ғолиби ёки "Насаф" чемпион бўлган тақдирда кумуш медаллари соҳибига насиб этади.
Маълумот учун келаси мавсум учун Ўзбекистонга 2+2 квота ажратилган.
