КЕТДИК ЖУМАГА. Барча мў'мин масжидда бугун, Ҳар | Namoz Vaqtlari ️️| Расмий канал
КЕТДИК ЖУМАГА.
Барча мў'мин масжидда бугун,
Ҳар юракда ўзгача тугун.
Ул тугунни ечмоқлик учун,
Эй биродар кетдик жумага.
| |
Ой юзимиз бўлади нурли,
Сўзимиз ҳам бўлар таъсирли.
Қилманг энди баҳона турли,
Эй биродар кетдик жумага.
| |
Аййомларнинг саййиди бу кун,
Мискинларнинг хажидир бу кун.
Эхром кийган хожидай бугун,
Эй биродар кетдик жумага.
| |
Қилинади Қур'он тиловат,
Қалбингиз ҳам топар ҳаловат.
Иймонингиз бўлар бақувват,
Эй биродар кетдик жумага.
| |
Мағрур бўлманг дунё ишига,
Чалғиб унинг ғам-ташвишига.
Айланиб чин мў'мин кишига,
Эй биродар кетдик жумага.
| |
Оҳ бу дунё кимдан қолмаган,
Бир кам дунё сира тўлмаган.
Худо деган ҳеч хор бўлмаган,
Эй биродар кетдик жумага.
| |
Жума соқит-ожиз басирдан,
Мусофиру ҳамда асирдан.
Шукур айтиб шошинг хозирдан,
Эй биродар кетдик жумага.
| |
Шукур қилсак арзийди ҳар он,
Чунки соғмиз ва ҳамда омон.
Кейин бўлиб қолмасин армон,
Эй биродар кетдик жумага.
| |
Ўтолмади чоғи юзимдан,
Дўстим таъсир олди сўзимдан.
Қўлим ушлаб ва деди зимдан,
Шоир Салом кетдик жумага.
АБДУССАЛОМ АНДИЖОНИЙ.
•┈•┈•┈•┈•❁✿❁•┈•┈•┈•┈•
Албатта яқинларингизга ҳам юборинг
➥Линкни босиб "НАМОЗ ВАҚТЛАРИ" каналига обуна бўлинг!
https://t.me/joinchat/9M77tm9gvy8wMDEy
https://t.me/joinchat/9M77tm9gvy8wMDEy
