Шаввол ойида нафл рўза ўрнига қазо рўза тутса нафлнинг савобин | Namoz vaqti

Шаввол ойида нафл рўза ўрнига қазо рўза тутса нафлнинг савобини олади.

Демак, Шаввол ойидаги 6 кунлик рўза ичида Рамазондаги қазо рўзаларни бўлишлиги билан ҳам бир йиллик рўза тутганлик савобига эришиш мумкин.

Қазо рўза тутишлик учун Тонгдан(Субҳи содиқдан)  аввал ният қилиб олишлик шарт қилинган. Уйқуга кетишдан олдин "Эртанги кунда (қазо ёки нафл) рўзамни тутишликни ният қилдим" деб ухлашлик афзал. Шунда сахарликка туролмай қолинса Рўзадор холда уйғонилади. Сахарликка турилса хам ушбу ният зарар қилмайди. Бемалол сахарлик қилиш мумкин. Рўзани нияти тонгдан кейин кучга киради.
Ниятда фақатгина маълум бир жумлаларни айтишлик шарт қилинмаган.

Ниятда биринчи қазони ният қилиш керак ва қазога қўшиб нафлни ҳам  ният қилинади. Қандай ният қиламиз, мисол учун:

"Шу йилнинг Рамазон ойидаги қазо рўзамни биринчи кунини тутишликни ният қилдим ва Шаввол ойидаги нафл рўза учун бериладиган савобни олишликни ҳам Аллоҳим Ўзингдан умид қиламан" ва давомидан истаган хайрли ниятларингизни сўраб, оғиз ёпишингиз мумкин.

Аввал тутилмай қолган Рамазон рўзалари қазоси бўлса, ўша қазоларни ҳам нафл ўрнига тутишлик афзал. Ният:
" Энг охирги зиммамга вожиб бўлган Рамазон рўзасининг қазосини тутишни ният қилдим ва Шаввол ойидаги нафл рўза учун бериладиган савобни олишликни ҳам Аллоҳим Ўзингдан умид қиламан"

Нафлни ният қилганлар учун:
" Шаввол ойининг нафл рўзасини тутишликни ният қилдим,..."

Валлоҳу аълам!

Оғиз очиш учун, доимий ифторлик дуоимизни қилишлигимиз жоиз.
Бисмиллаҳир Роҳманир Роҳийм.
АЛЛОҲУММА  ЛАКА  СУМТУ  ВА
БИКА  ААМАНТУ ВА  АЪЛАЙКА
ТАВАККАЛТУ ВА АЪЛА  РИЗҚИКА
АФТОРТУ,  ФАҒФИРЛИЙ  ЙАА ҒОФФАРУ,  МАА  ҚОДДАМТУ
ВА  МАА  АХХОРТУ.
Бирохматикая Архамар Рохимин.

Маъноси: Эй Аллоҳ, ушбу рўзамни
Сен учун тутдим ва Сенга иймон
келтирдим ва Сенга таваккал қилдим ва берган ризқинг билан ифтор қилдим. Эй меҳрибонларнинг энг меҳрибони, менинг аввалги ва кейинги гуноҳларимни мағфират қилгин!