Муъоз ибн Анас ал-Жуҳаний розияллоҳу анҳудан ривоят қилинади: | Namoz vaqti

Муъоз ибн Анас ал-Жуҳаний розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Ким бомдод намозини ўқиб бўлганидан кейин намоз ўқиган жойида то чошгоҳ намозини ўқигунча ўтирса, фақат яхшиликдан бошқани гапирмаган бўлса, унинг хатолари агар денгиз кўпигидан кўп бўлса ҳам мағфират қилинади», дедилар».

Абу Довуд ва Термизий ривоят қилган.

Термизийнинг лафзида:

«Ким бомдодни жамоат билан ўқиса, сўнгра қуёш чиққунча Аллоҳни зикр қилиб ўтирса, кейин икки ракъат намоз ўқиса, унинг учун ҳаж ва умранинг ажридек бўлур. Тўлиқ, тўлиқ, тўлиқ», дейилган.

Ушбу хадиси шарифга биноан,
Масжидда Бомдод намозини ўқиб, сўнг қуёш чиқгунича зикр қилиб ўтириб, қуёш чиқганидан сўнг 15-20 дақиқа ўтгандан кейин 2 ракаат намоз ўқилса Ҳаж ва Умра қилинганга бериладиган савобни тўлиқ олинади ин шаа Аллоҳ.