Namangan Iqtisodiyot va moliya bosh boshqarmasi

2021-02-01 19:23:05 Намангандаги барча туманларда мономарказлар ташкил этилди

Бугун Наманган вилоятидаги деярли барча туманларда бир вақтнинг ўзида мономарказлар очилди.

Мономарказларнинг ташкил этилишидан асосий мақсад ишсиз ва эҳтиёжманд фуқароларни замонавий касб-ҳунар ва тадбиркорлик кўникмаларига ўқитиш, уларни доимий даромад келтирадиган меҳнат ва тадбиркорлик фаолиятига жалб қилиш орқали бандлигини таъминлашдан иборат. Бунда асосий эътибор меҳнат бозорида талаб юқори бўлган касблар, тадбиркорлик асослари ва хорижий тилларга ўқитишга қаратилади.

Жумладан, Уйчи туманидаги 1-сонли касб-ҳунар мактабида ташкил этилган мономарказда иссиқхона ишчиси, ошпаз, қандолатчи, пайвандловчи, аёллар сартароши, тикувчилик, ҳайдовчилик, электромонтёр, хорижий тиллар, шина монтаж, бухгалтерия, компьютер графикаси, автомобилларни таъмирлаш каби йўналиш ва мутахассисликлар бўйича кадрлар тайёрланиши режалаштирилган.

Мономарказда дастлабки босқичда тўртта йўналиш бўйича иш билан банд бўлмаган 110 нафар фуқаро бепул ўқитилади. Улар уч ой давомида стипендия билан ҳам таъминланади, битирганларидан сўнг сертификат берилади.

Норин туманидаги 1-сонли касб-ҳунар мактабида ташкил этилган мономарказда вақтинчалик меҳнат фаолиятини амалга ошириш учун хорижий мамлакатларга кетаётган фуқаролар ҳамда ишсиз хотин-қизларни касб-ҳунарга тайёрлаш, қайта тайёрлаш ва малакасини ошириш, хорижий тиллар ва тадбиркорлик кўникмаларини шакллантириш каби методик ва ташкилий ишлар амалга оширилади.

Учқўрғон туманида ҳам ишсиз фуқароларни бандлигини таъминлаш ва касб-ҳунарга қайта ўқитиш мақсадида тумандаги 1-сонли касб-ҳунар мактабида мономарказ ташкил этилди. Бу ерда тикувчилик, қандолатчилик, новвойлик, асаларичилик, чилангарлик, инглиз ҳамда рус тили йўналишлари ташкил этилган бўлиб, бугунги кунда 134 нафар аёллар ва ёшлар таҳсил олмоқда.

Шунингдек, тумандаги Шаҳрихончек маҳалласида Учқўрғон касб-ҳунарга ўқитиш маркази ташкил этилган бўлиб, 11 та йўналиш бўйича 3 ойлик қисқа муддатли ўқув курслари фаолияти йўлга қўйилган. Куни кеча ўқув марказининг 100 нафар битирувчисига дастлабки сертификатлар топширилди.

Мономарказларнинг очилиш маросимида вилоят ҳокимининг биринчи ўринбосари Толибжон Юсупов, вилоят Бандлик бош бошқармаси бошлиғи Раҳмонжон Расулов, вилоят Касбий таълимни ривожлантириш ва мувофиқлаштириш бошқармаси бошлиғи Баҳодир Тожиматов иштирок этди.

Маълумот учун, Наманган шаҳри ва Давлатобод туманида ҳам яқин орада мономарказлар ташкил этилиши режалаштирилган. Ochish/sharhlash

2021-02-01 19:23:05 Ochish/sharhlash

2021-02-01 15:55:38 Наманган вилоятининг 2020 йил якуни билан асосий макроиқтисодий кўрсаткичлари бўйича маълумот Ochish/sharhlash

2021-02-01 15:43:25 Уйчи туманида «Ишга марҳамат» мономаркази очилди Ochish/sharhlash

2021-02-01 14:31:35 Наманган вилояти ва Свердловск вилояти ўзаро ҳамкорлик алоқаларини янада мустаҳкамланмоқда

Наманган вилояти ҳамда Россиянинг Свердловск вилояти ҳукумати ва мутасаддилари, Ташқи меҳнат миграцияси агентлиги, республикамизнинг бошқа вилоятлари иштирокида видеоконференция орқали меҳнат миграцияси масалаларидаги ҳамкорлик бўйича учрашув ўтказилди.

Учрашувда Наманган вилоятидан вилояти ҳокимининг биринчи ўринбосари Т.Юсупов ва Ташқи меҳнат миграцияси масалалари агентлиги вилоят филиали раҳбари Ё.Камалов иштирок этишди. Россия томондан Свердловск вилояти губернаторининг ўринбосари Чемезов Олег Леонидович иштирок этди.

Учрашув давомида томонлар ташқи меҳнат миграцияси ва бандлик масалаларида бир қатор фикр ва мулоҳазалар билан алмашишди ҳамда келгуси даврларда Наманганлик фуқароларни тартибли равишда Свердловск вилоятига меҳнат мигранти сифатида тартибли равишда жўнатиш йўналишида амалга оширилиши зарур бўлган вазифалар юзасидан келишиб олинди. Ochish/sharhlash

2021-02-01 14:30:42 Тўрақўрғон туманида кам таъминланган оилаларга саховат ва кўмак ёрдамлари етказилди Ochish/sharhlash

2021-02-01 11:45:18 ЁШЛАР ВА XОТИН ҚИЗЛАРГА МИКРОКРЕДИТЛАР ҚАНДАЙ АЖРАТИЛАДИ? Ochish/sharhlash