Ijtimoiy fanlar fakulteti

2022-07-02 20:06:42 Prezident Shavkat Mirziyoyev:

“Yangi Oʻzbekiston, Yangi Qoraqalpogʻistonni albatta birgalikda quramiz! Shu sohadagi barcha islohotlarimiz, muhokamalarimiz, hech shubhasiz, demokratiya va huquqiy mezonlar asosida amalga oshirilishi zarur.

Ayni vaqtda tinchlik va osoyishtalik, jamoat xavfsizligini buzishga urinayotgan har qanday shaxslarga nisbatan qonun doirasida qatʼiy choralar koʻriladi.

Oʻzbekistonda “Qonun – ustuvor, jinoyatga jazo muqarrar” degan qoidani amalda taʼminlash uchun barcha kuch va imkoniyatlar yetarli.

Hozirgi vaziyatda barcha yurtdoshlarimizni hamjihatlik va birdamlikka, oqilona ish koʻrishga, turli gʻarazli chaqiriq va harakatlarga berilmaslikka daʼvat etaman.

Men oliyjanob va bagʻrikeng qoraqalpoq xalqining aql-idroki va donishmandligiga ishonaman”, — dedi davlatimiz rahbari soʻzining yakunida.

@eduuz Ochish/sharhlash

2022-07-02 20:06:42 Prezident Shavkat Mirziyoyev:

“Shundan kelib chiqqan holda hamda Qoraqalpogʻiston Respublikasining oʻziga xos etnik, madaniy xususiyatlari, milliy urf-odat va qadriyatlari, alohida huquqiy maqomini eʼtiborga olib, loyihadagi Qoraqalpogʻiston Respublikasining huquqiy maqomiga oid normalarni oʻzgartirishsiz qoldirish zarur, deb hisoblayman. Yaʼni, Konstitutsiyaning 70-, 71-, 72-, 74-, 75-moddalari oʻzgarishsiz qoldiriladi.

Oliy Majlis Qonunchilik palatasidan ushbu masalani tez kunlarda koʻrib chiqishni soʻrayman.

Qadrli Qoraqalpogʻiston ahli!

Takror aytaman – asrlar davomida oʻzbek va qoraqalpoq xalqlari oʻrtasida shakllangan azaliy doʻstlik va qardoshlik, oʻzaro hurmat va mehr-oqibat, ogʻizbirchiligimizni asrab-avaylaylash, yurtimizda hukm surayotgan tinchlik va barqarorlik muhitini saqlash – barchamizning burchimizdir.

Konstitutsiyaviy islohotlarimizning bosh maqsadi ham aynan mana shundan iborat”.

@eduuz Ochish/sharhlash

2022-07-02 20:06:42 Prezident Shavkat Mirziyoyev:

“Bir soʻz bilan aytganda, yangilanayotgan Konstitutsiyamizni takomiliga yetkazish uchun qancha vaqt va muddat kerak boʻlsa, bu jarayon shuncha davom etadi. Bu borada faqat xalqimiz bilan bamaslahat ish olib boramiz.

Lekin, ayrim joylarda ushbu masalaning mohiyatini talqin qilishda tushunmovchilik holatlari uchramoqda.

Jumladan, loyihada koʻzda tutilgan, Qoraqalpogʻiston Respublikasiga oid ayrim normalarga bir guruh shaxslar tomonidan norozilik bildirilgan. Buning natijasida joriy yil 1-iyul kuni Nukus shahrining markaziy koʻchalarida namoyishlar uyushtirilgan.

Ular tomonidan mahalliy davlat hokimiyati organlari binolarini noqonuniy egallashga urinish harakatlari sodir etilgan.

Shu munosabat bilan quyidagi fikrlarni alohida taʼkidlashni zarur, deb hisoblayman.

Xalqimiz hukmiga havola etilgan mazkur Konstitutsiyaviy qonun loyihasi hali qabul qilinmagan, umumxalq muhokamasiga qoʻyilgan, xolos.

Yana bir bor taʼkidlayman: fuqarolarimizning xohish-irodasi, taklif va fikrlaridan kelib chiqqan holda, ushbu loyiha oʻzgaradi va takomiliga yetkaziladi”.

@eduuz Ochish/sharhlash

2022-07-02 20:06:42 Prezident Shavkat Mirziyoyev uchrashuvda Qoraqalpoq xalqiga murojaat qildi:

“Aziz vatandoshlar!

Hurmatli Qoraqalpogʻiston xalqi!

Maʼlumki, shu kunlarda mamlakatimizda muhim siyosiy jarayon – Oʻzbekiston Respublikasi Konstitutsiyasiga oʻzgartish va qoʻshimchalar kiritish boʻyicha umumxalq muhokamasi davom etmoqda.

Albatta, konstitutsiyaviy islohotlarimiz Vatanimizning bugungi va kelajak hayoti uchun gʻoyat muhim ahamiyatga ega boʻlgan masaladir.

Muhokamalarda koʻpmillatli xalqimiz oʻzining koʻplab taklif va tavsiyalarini bildirmoqda.

Shuni alohida taʼkidlash kerakki, “Oʻzbekiston Respublikasining Konstitutsiyasiga oʻzgartish va qoʻshimchalar kiritish toʻgʻrisida”gi eʼlon qilingan Konstitutsiyaviy qonun loyihasi umumxalq muhokamasidan oʻtkaziladi. Shundan soʻng fuqarolar tomonidan bildirilgan fikr va mulohazalar asosida Qonunchilik palatasi tomonidan takomiliga yetkaziladi.

Keyin esa mazkur loyiha Oʻzbekiston Respublikasi referendumiga qoʻyilib, fuqarolarimiz erkin ovoz berish orqali oʻzlarining bu masala boʻyicha xohish-irodasini ifoda etadi.

Shundan keyingina Oʻzbekiston Respublikasining Konstitutsiyasiga kiritilayotgan oʻzgartish va qoʻshimchalar qonuniy tusga kiradi”.

@eduuz Ochish/sharhlash

2022-07-02 20:06:42 Ayni paytda Oʻzbekiston Respublikasi Prezidenti Shavkat Mirziyoyev Nukus shahrida boʻlib turibti.

Davlatimiz rahbari Joʻqorgʻi Kenges deputatlari, Qoraqalpogʻiston faxriylari va faollari bilan oʻtkazilgan uchrashuvda Konstitutsiyaga oʻzgartirish va qoʻshimchalar kiritish muhokamasi hali davom etayotganini inobatga olib, Qoraqalpogʻiston aholisi bildirayotgan fikr va mulohazalarni oʻrgangan holda Oʻzbekiston Respublikasi Konstitutsiyasining 70-, 71-, 72-, 74-, 75-moddalarini amaldagi tahrirda oʻzgarishsiz qoldirish zarurligini taʼkidladi.

@eduuz Ochish/sharhlash

2022-07-02 13:39:37 #Davlat_Gerbi_30_yoshda

Bugun - 2 iyul – O'zbеkiston fuqarolari uchun qadrli va unutilmas bo'lgan - «O'zbеkiston Rеspublikasi Davlat gеrbi to'g'risida»gi Qonun qabul qilingan kundir.

Qonunga ko'ra, O'zbеkiston Rеspublikasi Davlat gеrbi O'zbеkiston Rеspublikasi davlat mustaqilligining ramzidir.

Davlat gеrbi – xalqning erki, baxti, g'ururi, o'zligi timsoli, Vatanning tarixi, buguni, kеlajagi bilan bog'liq orzu-intilishlarining ramziy ifodasidir!

Bizni telegram tarmog'ida kuzatib boring https://t.me/Namdu_IFF Ochish/sharhlash

2022-07-02 08:32:40 Rasman: 9 iyul Qurbon hayiti bayrami etib belgilandi

“Qurbon hayitini nishonlash to‘g‘risida”gi Prezident qarori qabul qilindi.

Qarorga ko‘ra, 2022 yilda Qurbon hayitining birinchi kuni 9 iyul – shanbaga to‘g‘ri kelishi munosabati bilan Qurbon hayiti bayrami sifatida nishonlanadi.

Shunday qilib, o‘zbekistonliklar ish haftasining turidan qatʼi nazar ketma-ket 4 kun dam olishadi.

Jumladan:

9 iyul – shanba, Qurbon hayiti bayrami;
10 iyul – yakshanba, dam olish kuni;
11 iyul – dushanba, Prezident Farmoniga muvofiq barcha xodimlar uchun dam olish kuni;
12 iyul – seshanba:
a) besh kunlik ish haftasida ishlaydigan xodimlar uchun 16 iyul — shanbadan ko‘chirilgan dam olish kuni;
b) olti kunlik ish haftasida ishlaydigan xodimlar uchun qo‘shimcha dam olish kuni.


Bizni telegram tarmog'ida kuzatib boring https://t.me/Namdu_IFF Ochish/sharhlash

2022-07-02 05:27:41 UNIVERSITETDA "YOSHLAR GIYOHVANDLIKKA YO‘Q DEYDI” MAVZUSIDA INSHO VA RASMLAR TANLOVINI E‘LON QILADI

“Giyohvandlikka qarshi kurash oyligi” munosabati bilan oʻtkazilayotgan "Yoshlar giyohvandlikka yo‘q deydi” mavzusida insho va rasmlar tanlovida barcha talabalar ishtirok etishi mumkin.

Tanlov yo‘nalishlari:
"Yoshlar giyohvandlikka yo‘q deydi" mavzusida RASMLAR tanlovi
"Yoshlar giyohvandlikka yo‘q deydi" mavzusida INSHOLAR tanlovi

Talabalar tanlovda shu yilning 20-iyul kuniga qadar o‘z ijodiy ishlari bilan ishtirok etishlari mumkin.

Tanlov g‘oliblari quydagicha taqdirlanadi:
- o‘rin 1 000 000 so‘m
- o‘rin 750 000 so‘m
- o‘rin 500 000 so‘m

Ijodiy ishlar Namangan davlat universiteti Yoshlar bilan ishlash, ma‘naviyat va ma‘rifat bo‘limiga taqdim etiladi.
Manzil: NamDU Yoshlar ittifoqi xonasi

Murojaat uchun: +998 99 320 94 96

@maqola_NamDU Ochish/sharhlash

2022-07-01 09:55:18 Ҳурматли, абитуриентлар! Сизлардан илтимос, қаерда ўқиш ниятингиз бўлса, ҳозирдан ўша ерга топширинг. Переводни унутинг.

Мевачилик ва узумчиликка кириб, кейин шифокор бўламан, деган хомхаёлларни миянгиздан чиқариб ташланг. Мевачилик қаердаю тиббиёт қаерда.

Шифокор бўлмоқчимисиз, марҳамат, ҳозир яхши ўқинг ва жиддий тайёрланинг, тиббиёт йўналишларидан бирига топшириб, юқори балл билан талаба бўлинг.

Лекин “кейин перевод қиволаман” деган кўзбўямачиликка борманг, Худо хайрингизни берсин, илтимос.

Яна бир илтимос, қайси ҳудудда ўқиш сизга қулай бўлса, ўша ҳудудга топширинг.

Балл пастроқ бўларкан, деб узоқ ҳудудга ҳужжат топшириб, ўқишга киргач, 1 йилдан кейин “вой-дод, бу ерда қийналиб кетдимку, бизни дардимизни ҳам эшитадиган одам борми, мени яшаш жойимга, ота-онамнинг олдига перевод қилинглар” деб нолиб юрманг. Сизни ҳеч ким бошқа ҳудудга топширсин, деб мажбурлаётгани йўқ, қарорни ўзингиз мустақил қабул қиляпсиз, демак, ўзингиз жавоб беринг энди шунга.

Шароитингиз бўлса, бошқа ҳудудга топширинг, шароитингиз бўлмаса, топширманг. Переводдан умид қилманг. 99% ҳолатда перевод қилолмайсиз.

Келажагингиз учун масъулиятли бўлинг, қарор қабул қилишда жиддийроқ ёндошинг.


@xushnudbek Ochish/sharhlash

2022-07-01 09:51:48 #qadribalandonatilim

“QADRING BALAND BO‘LSIN, ONA TILIM!” respublika tanlovi eʼlon qilindi

Tanlov 4 ta yo‘nalishda o‘tkaziladi:

“Davlat tili ustuvorligi taʼminlangan eng namunali hudud” yo‘nalishida mahalliy ijro etuvchi tuman/shahar hokimliklari ishtirok etadi;

“Davlat tilida ish yuritish yo‘lga qo‘yilgan eng yaxshi tizim” vazirlik, idora, xo‘jalik birlashmalari o‘rtasida aniqlanadi;

“O‘zbek tilini rivojlantirishga qaratilgan eng yaxshi ilmiy-amaliy loyiha va dasturiy mahsulotlar” yo‘nalishida ilmiy tashkilotlar, oliy va o‘rta-maxsus taʼlim muassasalari qatnashadi;

“O‘zbek tilining qudrati va go‘zalligini tarannum etgan eng yaxshi badiiy asar” yo‘nalishida yozuvchi, shoirlar ishtirok etadi.

Tanlov joriy yilning 1-iyulidan 1-sentabriga qadar o‘tkaziladi va g‘oliblar 21-oktabr – O‘zbek tili bayrami kuni arafasida eʼlon qilinadi.

Batafsil maʼlumot:
www.til.gov.uz
(71) 215-53-98, (71) 239-86-99

Tanlovni #qadribalandonatilim heshtegi bilan ommalashtirishda faol bo‘ling! Ochish/sharhlash