2022-08-30 16:00:06
Муқобил малака ошириш шакллари рўйхати тасдиқланди! Халқ таълими соҳасида самарали фаолият юритаётган, ўқувчилари юқори натижаларни кўрсатган, ўз устида доимий ишлайдиган ўқитувчи педагогларни қўллаб-қувватлаш таълим тизими самараси ва келажаги учун ниҳоятда муҳимдир.
Шу мақсадда, Халқ таълими вазирлиги томонидан Узлуксиз касбий ривожлантириш тизимида муқобил малака ошириш шакллари рўйхати ва уларга бериладиган кредит баллари тасдиқланди.
Қуйида кўрсатилган малака оширишнинг муқобил шаклларига платформа томонидан тегишли эквивалентдаги кредит баллари тақдим этилади:
1.Мутахассислик фани бўйича дарслик муаллифи - 54 кредит
2.Халқаро олимпиадалар ғолибларини тайёрлаш - 54 кредит
3.Илмий даража олиш учун докторлик диссертациясини ҳимоя қилиш - 54 кредит
4.«Устоз-шогирд» тизимида камида бир нафар илмий даражали ўқитувчини тайёрлаш - 36 кредит
5.“Халқ таълими аълочиси” ёки “Халқ таълими фидойиси” мукофотига сазовор бўлиш - 36 кредит
6.Фахрий унвон ёки давлат мукофотига сазовор бўлиш - 36 кредит
7.«Устоз» танлови Республика босқичи ғолиби бўлиш - 36 кредит
8.Республика олимпиадалари ғолибларини тайёрлаш - 36 кредит
9.“Ўзбекистон баркамоллик учун таълим” дастури лойиҳаси доирасида ташкил этилган тренингларда иштирок этган ўқитувчиларнинг малака оширганлик тўғрисидаги сертификати - 18 кредит
10.American Council courses / Халқаро таълим бўйича Америка Кенгашлари курсларида ўқиш
(ESN лойиҳаси доирасида) - 9 кредит
11.British Council courses/ Британия Кенгаши курсларида ўқиш (Future English in Uzbekistan loyihasi doirasida) - 9 кредит
12.Миллий ва халқаро таълим курсларида (Coursera, Udemy, Udacity, Edx ва бошқалар) муваффақиятли ўқиш - 9 кредит
13.Хорижий тиллар бўйича камида С1 даражадаги миллий ёки унга мос даражадаги халқаро сертификат (IELTS, TOEFL, DAF, TCF ва бошқалар)га эга бўлиш - 9 кредит
14.Халқаро индексацияланган базаларда (Scopus, Web of Science) эътироф этилган журналларда мақола нашр этиш - 9 кредит
15.Халқаро илмий анжуман (семинар, конференция, симпозиум ва бошқа)ларда маъруза билан иштирок этиш - 4 кредит
16.Республика таълим маркази ҳузуридаги фан бўйича илмий-методик кенгаш аъзоси сифатида фаолият кўрсатиш - 4 кредит
17.Республика миқёсидаги илмий анжуман (семинар, конференция, симпозиум ва бошқа)ларда маъруза билан иштирок этиш - 2 кредит.
@nambiolog kanaliga a'zo bo`ling :
https://t.me/joinchat/AAAAAENOp8mJirabTXVsew
1.2K viewsedited 13:00
N
