Ijtimoiy-iqtisodiy fanlar va tillarni o'qitish metodikasi kafedrasi, Namangan viloyat PYMO'MM 📚

2022-07-18 15:32:33 #Хушхабар

Хитойда ўтказилган Халқаро кимё олимпиадасида ўзбекистонлик ўқувчилар 4 та кумуш медални қўлга киритди

Хитой давлатида масофавий тарзда ўтказилган 54-Халқаро кимё олимпиадаси ўз ниҳоясига етди. Дунёнинг 80 та давлатидан 320 нафар ўқувчи иштирок этган мазкур нуфузли олимпиадада ўзбекистонлик ўқувчилар 4 та кумуш медални қўлга киритди.

Халқаро олимпиаданинг ёпилиш маросими масофавий тарзда Youtube платформасида бўлиб ўтди.

Ғолиблар билан танишинг:

Мафтуна Бадалова - Абу Али ибн Сино номидаги ёш биологлар ва кимёгарлар ихтисослаштирилган мактаб-интернатининг 11-синф ўқувчиси;

Азимжон Жамолов - Абу Али ибн Сино номидаги ёш биологлар ва кимёгарлар ихтисослаштирилган мактаб-интернатининг 11-синф ўқувчиси;

Икромиддин Боймаҳаммадов - Абу Али ибн Сино номидаги ёш биологлар ва кимёгарлар ихтисослаштирилган мактаб-интернатининг 11-синф ўқувчиси;

Шерзод Шайматов - Навоий вилояти, Навоий шаҳридаги 11-АФЧЎИМнинг 11-синф ўқувчиси.

Кумуш медални қўлга киритган ғолиб ўқувчиларга 90 млн. сўм, ўқитувчиларига – 75 млн. сўмдан пул мукофотлари топширилади.

Медаль соҳиблари олий таълим муассасасига тест синовларисиз, давлат гранти асосида қабул қилинади.

Халқ таълими вазирлиги мазкур ғалаба билан ўқувчиларимиз, уларнинг устозлари ҳамда ота-оналарини самимий муборакбод этади. Ochish/sharhlash

2022-07-18 14:33:38 ДИҚҚАТ, ШОШИЛИНГ! СИЗ УЧУН АЖОЙИБ ИМКОНИЯТ!
ЭНДИ СИЗ ҲАМ МАКТАБДА ФАОЛИЯТ ЮРИТИШИНГИЗ МУМКИН.
Наманган вилояти ХТХҚТМОҲМда барча тоифадаги олий маълумотли мутахассислар учун қайта тайёрлаш курслари ташкил этилмоқда. Битирувчиларга мактабда фаолият олиб бориш учун давлат намунасидаги диплом берилади.
ОЛИЙ МАЪЛУМОТЛИ ПЕДАГОГЛАР УЧУН ҚАЙТА ТАЙЁРЛАШ КУРСЛАРИ
Бошланғич синф ўқитувчиси
Ўзбек тили ва адабиёти ўқитувчиси
Рус тили ва адабиёти ўқитувчиси
умумтаълим мактаблари психологи
Инглиз тили ўқитувчиси
Математика ўқитувчиси
Физика ўқитувчиси
Информатика ўқитувчиси
Иқтисодий билим асослари ўқитувчиси
Биология ўқитувчиси
Кимё ўқитувчиси
Тарих фани ўқитувчиси
Тарбия фани ўқитувчиси
География фани ўқитувчиси
Технология фани ўқитувчиси
Давлат ва ҳуқуқ асослари ўқитувчиси
Тасвирий санъат ва чизмачилик ўқитувчиси
Мусиқа ўқитувчиси
Мурожаат учун телефонлар:
69 234 11 45, 94 590 40 11
https://t.me/+0GwTaCny8xZmZWIy Ochish/sharhlash

2022-07-17 18:38:02 Бугун ўқиган энг кучли жумлам шу бўлди:

“Сиз устида талашиб, қирпичоқ бўлаётган дунёга саййидимиз Одам алайҳиссалом (аслида) жазо ўлароқ туширилганлар”.
@ilmahlari Ochish/sharhlash

2022-07-16 15:37:00 Сардор Уктамович Умурзаков Ўзбекистон Республикаси Президенти Администрацияси раҳбари лавозимига тайинланди.

Шу муносабат билан у Бош вазирнинг инвестициялар ва ташқи иқтисодий масалалар бўйича ўринбосари - инвестициялар ва ташқи савдо вазири лавозимидан озод этилди. Ochish/sharhlash

2022-07-16 07:41:18 ​​#Биласизми

ЯГОНА МАКТАБ ФОРМАСИГА ҚАНДАЙ ТАЛАБЛАР ҚЎЙИЛГАН?

2022-2023 ўқув йилидан бошлаб давлат мактабларида ўқувчилар учун мактаб формаси тўлиқ жорий этилади. Давлат умумий ўрта таълим муассасалари ўқувчилари учун замонавий ягона мактаб формасининг шакллари Вазирлар Маҳкамаси томонидан белгилаб берилган тартибда бўлиши мақсадга мувофиқдир.

Ягона мактаб формаларининг шакллари қуйидагича бўлиши лозим:

1-6 СИНФЛАР УЧУН:

Кўйлак оқ, 100% пахтадан оддий классик бичимда, енги калта вариантда ҳам тикилади.

Нимча кўк, кўк катак 65% пахта, 35% полиэстердан тикилади. Ўғил болалар нимчасининг олд тарафида кўк катак матодан фойдаланилади. Қиз болалар нимчасининг ёнида ёлғон чўнтак тикилади.

Шим кўк, 65% пахта, 35% полиэстердан тикилади. Шимнинг олд қисмида стрелка ва икки ёнида чўнтаклари бор. Шим кийиб юрилганида оёқнинг тўпиғи ёпиқ ҳолатда бўлиши таъминланиши шарт.

Юбка кўк катак 65% пахта, 35% полиэстердан трапеция шаклида тикилади ва ён қисмида тўртта йиғма бўлади. Юбка кийиб юрилганида тиззадан тепасини тўлиқ ёпиши ва тиззадан пастга кўпи билан 8 сантиметргача узайтирилиши мумкин.

Енгил куртка кўк, 65% пахта, 35% полиэстердан эркин бичимда тикилиб, ёқа ва манжет қисмида резина материал ва икки ёнида чўнтаклари бўлиши лозим.

7-11 СИНФЛАР УЧУН

Кўйлак оқ, 70% пахта, 30% полиэстердан классик услубда тикилиб, енги узун ва калта вариантларда ҳам тикилади.

Нимча тўқ кўк, 45% пахта, 55% полиэстердан тикилади. Ўғил болаларнинг нимчасида икки қатор тугма ва қизларникида бир қатор тугма мавжуд бўлиши керак.

Шим тўқ кўк, 45% пахта, 55% полиэстердан тикилади. Шимнинг олд қисмида стрелка ва икки ёнида чўнтаклари бўлиши лозим. Шим кийиб юрилганда оёқнинг тўпиғи ёпиқ ҳолатда бўлиши таъминланиши шарт.

Юбка тўқ кўк, 45% пахта, 55% полиэстердан, тиззадан юқори бўлмаган, классик услубда тикилади. Юбка кийиб юрилганида тиззадан тепасини тўлиқ ёпиши ва тиззадан пастга кўпи билан 12 сантиметргача узайтирилиши мумкин.

Пиджак тўқ кўк, 45% пахта, 55% полиэстердан, классик услубда тикилиб, рельеф виточкалари ва чўнтаклари бўлиши лозим. Ochish/sharhlash

2022-07-15 04:59:40 Bugun 15-iyul 2022-yil, juma.

Jahon yoshlari mahorati kuni.
Harbiy ekologlar kuni.
Ijtimoiy tarmoqlarda xayrya kuni.

BAYRAMLAR:

Ozarbayjon -- Sabanto‘y.
Botsvana — Prezident kuni.
 Bruney — Sulton kuni.
Litva, Polsha -- Grunvald jangi kuni.
Turkiya -- Demokratiya va milliy birdamlik kuni (Demokrasi Ve Milliy Birlik Guni) .

VOQEALAR:

70 - Tit va uning qo'shini Quddus devorlarini buzib kirishdi.
1099 -- Quddusning salibchilar tomonidan bosib olinishi.
1205 -- Papa Innokentin III, yahudiylar Iso Masihning xochga mixlanishi tufayli abadiy qullikka va bo'ysunishga mahkum etilganligini e'lon qildi.
1240 — Neva jangi.
1410 — Grunvald jangi.
1783 -- Frantsiyada, Lion yaqinidagi Sone daryosida, muhandis Klod de Jefroy d'Abban birinchi bo'lib bug ' mashinasini sinovdan o'tkazdi.
1795 -- "Marselza" rasmiy ravishda Fransiyaning madhiyasiga aylandi.
1799 -- Napoleonning Misrdagi yurishi paytida frantsuz kapitani Per-Fransua Bushard Rosett bitiktoshini topdi.
1815 — Napoleon I  «Bellerophon» kemasi kapitaniga taslim bo’ldi.
1841 -- Londonda Yevropa davlatlarining kemalari Turkiyaning roziligisiz Bosfor va Dardanel orqali o'tishni taqiqlovchi kovensiya imzolandi.
1870 — Jorjiya AQSH tarkibiga qaytdi.
1916 -- Boing kompaniyasiga asos solindi.
1923 -- SSSRda "Aeroflot" davlat aviakompaniyasi tuzildi.
1923 -- Italiya parlamenti yangi konstitutsiya qabul qildi.
1933 -- Italiya, Germaniya, Angliya va Fransiya umumiy xalqaro masalalarga oid To'rtlar paktni imzoladilar.
1996 – O‘zbekistonda Fan va madaniyat xalqaro jamg‘armasi tashkil etilgan kun.
2006 -- Twitter mikrobloginglar xizmati yaratildi.

TAVALLUDLAR:

1606 - Rembrandt Xarmens Van Reyn (1669 y) - taniqli golland rassomi.
1638 - Jovanni Viviani (1692 y.) - Italiyalik bastakor.
1817 - Jon Fouller (1898 y.) - Ingliz temir yo'l muhandisi, bir nechta ko'prik va lokomotivlar muallifi.
1848 - Vilfredo Pareto (1923 y.) - Italiyalik iqtisodchi, sotsiolog, siyosiy iqtisodda matematik maktab asoschi.
1901 - Nikola Abbagnano (1990 y.) - Italiyalik idealist faylasuf, ekzistensializm vakili.
1912 - Maguba Sirtlanova (1971 y.) - Gvardiya katta leytenanti, 46-Taman gvardiyachi ayollar aviatsiyasi polki eskadrilya komandiri o'rinbosari, Sovet Ittifoqi Qahramoni.
1918 - Bertram Brokxaus (2003 y.) - Kanadalik fizik, Nobel mukofoti sohibii (1994).
1919 - Iris Murdok (1999 y.) - Ingliz yozuvchisi, Bukker mukofotining ko'p karra sohibasi.
1921 - Robert Bryus Merrifild (2006 y.) - Amerikalik biokimyogar, Nobel mukofoti sohibi (1984).
1922 - Leon Maks Lederman (2018 y.) - Amerikalik fizik, Nobel mukofoti sohibi (1988).
1939 - Oyatulloh Ali Humayniy - Eron siyosatchisi va diniy rahbari, Eron prezidenti (1981-1989), davlat rahbari.
1961 yil - Forest Uitker - amerikalik aktyor, rejissyor, prodyuser, "Oskar", "Oltin globus" va boshqa mukofotlar sohibi.
1976 - Diane Krueger - nemis aktrisasi va fotomodeli. Ochish/sharhlash

2022-07-14 11:51:54 “Инсонга бирор нима ўргатишнинг энг мақбул усули - унга шахсан ўрнак кўрсатишдир”.

Алберт Энштейн Ochish/sharhlash

2022-07-12 21:14:24 КЕЧИРГИН БОЛАМ

Бир кун келиб кексайиб қолсам,
Гапиришдан, юришдан толсам,
Сени қийнаб, ташвишга солсам,
Инжиқлигим кечиргин болам.

Ташвиш бўлсам йил ўтган сари,
Эзмалансам бола сингари,
Юзингни ҳеч бурмагин нари,
Инжиқлигим кечиргин болам.

Овқатимни чайнолмай қолсам,
Бир корингга яролмай қолсам,
Оёқ тортиб, юролмай қолсам,
Инжиқлигим кечиргин болам.

Кўп гапирсам тутмагин бошинг,
Эзмалансам уймагин қошинг,
Тўкиб қўйсам устимга ошинг,
Инжиқлигим кечиргин болам


https://telegram.me/erkin_bozorovv Ochish/sharhlash

2022-07-12 20:32:07 "ОТАМ"

Ўсмирлик йилларим эди. Нима бўлди-ю, бир куни ногахон ножўя сўз туфайли отамнинг дилини ранжитиб қўйдим. Бир оздан сўнг уйимга келдим, қилган айбимни ўйлаб, кўзларимга ёруғ дунё тор бўлиб кетди. Энди қандай қилиб отамдан кечирим сўраш йўлини излай бошладим. Отам уйимиз олдидаги йўл бўйига мевали дарахт ўткизаётган эди. Мен ўзимни гўё отамга қарашаётган тутиб, ёнида куймалана бошладим. Аммо отам менинг келганимни сезмагандай ўз иши билан овора эди. Отам менинг келганимга парво қилмагани сайин эзилиб борардим. Ниҳоят, сукунатни бузиш мақсадида сўз бошладим:
- Ота, нега ҳамма жойга мевали дарахт экаверасиз? Шунда отам:
- Болам, ноқобил фарзанддан кўра шу мевали дарахт хам яхшида, - деб жавоб берди.
Отамнинг бу жавоби юрагимга ўқдек қадалганди. Нахотки, шу мевали дарахтча бўлолмаган бўлсам?... Тўғри, отам мени кечирди. Кейинчалик отамнинг имкон қадар дилини оғритмасликка ҳаракат килдим. Мана, орадан анча йиллар ўтиб кетди. Отам бу фоний дунёни тарк этиб, боқий дунёга рихлат қилди. Отам эккан ўша олма дарахтлари бугун ғарқ пишиб хосилга кирди. Гохида уйда туриб кўчадан ўтган одамларнинг "шу дарахтни экканга рахмат", деган сўзлари қулоғимга чалиниб қолади. Шунда мен ўйга толаман: Охирги марта қачон "Отангга рахмат", деган сўзни эшитдим. Баъзан кечалари уйқум қочади, кўчага чиқиб ўша дарахтни отамни қучгандай қучаман ва:
"Отам авлиё экан", дейман шивирлаб...

Telegram | YouTube | RuTube | instagram | facebook | TikTok Ochish/sharhlash

2022-07-12 15:14:29 Иккинчи мутахассисликка ҳужжатлар қабули бошланди

Ўзбекистонда олий таълим муассасаларидаги иккинчи мутахассисликка ҳужжатлар қабули бошланди.

https://kun.uz/37575907

Kun.uz расмий канали Ochish/sharhlash