Бир кишининг тўққизта қизи бор эди. Хотини ўнинчисига ҳомиладо | ꧁♥️SEVGIM NAFASIM♥️꧂

Бир кишининг тўққизта қизи бор эди. Хотини ўнинчисига ҳомиладор бўлганида уни туғруқхонага олиб борди.

Йўлда эр хотинига: «Агар бу сафар ҳам қиз бўлса, сен билан орамиз очиқ, яъни ажрашамиз», деди.

Эртасига туғруқхонадан телефон қилиб, хотинингиз ўғил туғди деб хабар беришди. Эр туғруқхонага яшин тезлигида етиб бориб, ўғлини олиб чиқишни илтимос қилди. Аммо афсуски, уни кўргач, юзи қорайиб, ғазабини зўрға ичига ютди, чунки бола ногирон, юзи таниб бўлмас дарадажада буришиб кетган эди. Доктор табриклаш учун келган эди, ота: «Мен ўғил кутган эдим, лекин бундай ногирон бўлишини хоҳламаган эдим», деди. Шунда доктор: «Агар шу чақалоқ соғлом қиз бўлганида нима дер эдинг? Рози бўлармидинг?» деди. Ота: «Ҳа», деди. Шунда доктор ичкаридан соғлом қиз чақалоқни олиб чиқиб, унга топширди ва «Бу ногирон бола бошқа аёлники.

Хотининг қиз туғди. Муборак бўлсин!» деб, қуйидаги оятни ўқиди:

«Осмонлару ерлар Аллоҳнинг мулкидир. У Ўзи хоҳлаган нарсани яратур. У хоҳлаганига қиз, хоҳлаганига ўғил ҳадя этур ёки уларни ўғил-қиз аралаш (эгизак) қилади, хоҳлаганини эса бепушт қилиб қўяди. Албатта У (барча нарсани) Билгувчидир, (Хоҳлаган нарсасини яратишга) Қодирдир» (Шўро сураси, 49 50 оятлар).

#Gulicha
@Nafasimim