Muzokara sanʼati | Blog

2023-01-11 04:40:04 Ona

Kichkina eding. Hatto oʻzing chaynab ovqat yeya olmasding. Xaloskoring onang.

Hatto eslayotganing, xotirang ham yoʻq edi. Avaylab 9 oy koʻtargan, dard ustiga dardga chidab, seni dunyoga keltirgan - onang.

Har bir savolingga erinmay javob bergan, xullas, sen uchun barcha narsaga tayyor onang.

Senchi!? Telefonni tushunmasa ensasi qotadigan - sensan.

Seni sogʻinib telefon qilganida, oʻqish, ish, balo-battarlarni bahona qilib javob bermaydigan - sensan.

Kuyinib nasihat qilsa, mijg'ov boʻlib boryapsiz deya jerkiydigan - sensan.

Birodar, oʻzingga bir qara. Oʻzingni toʻgʻirlab ol vaqt borida. Keyin kech boʻlmasin.

Shunday kun keladi...

Har kuni seni uygʻotadigan yoqimli ovoz boshqa yangramaydi.

Onam deb yozilgan kontaktdan boshqa qoʻngʻiroq kelmaydi.

Boshingni silab, haqqingga duo qiladigan qoʻllarni ortiq koʻrmaysan...

Borida qadrla birodar, borida...

@muzokara_sanati Ochish/sharhlash

2023-01-10 22:26:12 Ota

Joiz boʻlgan barcha buyruqlari sen uchun qonun.

Sening boyliklaring seniki, sen esa otangnikisan.

Bor kuching bilan harakat qilib haqqini ado qilaman deganingda ham, buning iloji yoʻq.

Chunki sen yoʻq eding, borligingga sababchi - ota.

Ojiz eding, seni kuchli, baquvvat boʻlishingga sababchi - ota.

Endi esa, otam menga nima qilib berdi emas, men otam uchun nima qilyapman deya savol berishing kerak.

@muzokara_sanati Ochish/sharhlash

2023-01-07 18:38:25 #nazm
Keksa, yosh — hayotga har kimki yetar
Hammasi izma-iz birma-bir o‘tar.
Bu dunyo hech kimga qolmas abadiy,
Keldilar, ketamiz, kelishar, ketar.
Umar Hayyom

@muzokara_sanati Ochish/sharhlash

2023-01-07 13:40:01 Farzand tarbiyasi (4)

Farzandingni ovutish uchun hech qachon telefondan foydalanma.

Uning qoʻliga berib qoʻyma. Iloji boʻlsa uning oldida foydalanma.

Telefon mikroblar uyasi... Ekrandan chiquvchi zararli nur... Qaramlik ehtimoli...

@muzokara_sanati Ochish/sharhlash

2023-01-06 21:53:01 Ishtiyoqsizlik

Biror ishga ishtiyoqing yoʻqmi?

Kasal yoki qattiq charchagan emasmisan? Demak u tanballik.

Davosi: shunchaki "Bismillah" deya ishga kirishish. Kutma. Jarayon sendan tanballikni ketkazadi. Jarayon miyangni ishlata boshlaydi.

Harakat harakatsizlikni yengadi.

@muzokara_sanati Ochish/sharhlash

2023-01-06 20:15:03 10299. Ҳеч кимга насиб этиб турган ризқинг ҳақида ҳикоя қилма.
Ҳеч кимга бахтиёрлигинг, саодатингни кўз-кўз қилиб ҳикоя қилма.
Ҳеч кимга ютуқларинг, фойдаларинг ҳақида ҳикоя қилиб сўзлама.
Ҳеч кимга оила аъзоларинг, уй аҳлинг ҳақида ҳикоя қилма, мақтанма.
Ҳеч кимга хилофларинг, ёқтирмаган, рози бўлмаган нарсаларинг ҳақида сўзлама.
Ҳеч кимга фарзандларингни мақтаб, улар ҳақида ҳикоя қилма.
Ҳеч кимга қилаётган ишларинг, тижоратларинг ҳақида ҳикоя қилма.
Ҳеч кимга саломатлигинг яхшилиги, қувватинг ҳақида сўзлама.
Ҳеч кимга ейдиган овқатларингни мақтаб, ҳикоя қилма.
Ҳеч кимга сарфлаганларинг ва инфоқларинг ҳақида ҳикоя қилма.
Ҳеч кимга эришган ютуғинг ва муваффақиятинг ҳақида сўзлама.
Ҳеч кимга ҳаётингдаги барча гўзал нарсалар ҳақида ҳикоя қилма, ҳеч кимга эр-хотинлик сирларингни ҳикоя қилма, ҳикоя қилма, ҳикоя қилма...
Менга ишон, бир кун келади, ҳеч кимга бу санаб ўтганларим ҳақида сўзлама, буни фақатгина ўз тажрибасидан ўтказгангина ва қалбини очгани сабаб унинг бадали, қийматини тўлаган инсонгина тушунади, англайди.

@arabicuz

iOS | Android

Instagram | Facebook | Twitter | Tiktok | Youtube Ochish/sharhlash

2023-01-05 14:42:43 Siqilma

Qoʻlingdan ketgan narsaga siqilma.

Yechilmagan muammolarga siqilma.

Kelajakni oʻylab siqilma.

Shukr va sabr qilsang ne'matlar ziyoda boʻladi. Muammolar sen oʻylagandan koʻra oson hal boʻladi. Kelajak senga sen kutmagan shaklda keladi.

Muhimi hammasi yaxshilikka boʻladi. Gʻam yema. Yaratilganni Yaratmishning oʻziga qoʻyib qoʻy.

@muzokara_sanati Ochish/sharhlash

2023-01-03 09:03:28 So'ralmag'an soʻzni aytmag'il va behuda soʻzdan parhez qilg'il, har bir soʻzni soʻrasalar, rost aytg'il.

Sendan talab qilmasa, kishiga nasihat qilmag'il. Seni tinglamag'on kishiga hech soʻz dema, chunki bunday kishilar pandni eshitmag'aylar.
Qobusnoma

#iqtibos

@muzokara_sanati Ochish/sharhlash

2023-01-03 08:55:35 * Roʻziy nasiba uchun oʻzingni koʻp ranj-mashaqqatga qoʻymag'il, roʻziy ranj va azob-uqubat bila ziyoda bo'lmag'usidir.

* Al adab - suratil aql.

"Qobusnoma"dan

@muzokara_sanati Ochish/sharhlash

2023-01-01 21:46:01 Til oʻrganish

Chet tillarini oʻrganishda hech qachon hozirgichalik imkoniyatlar boʻlmagan.

Texnika asrida ustoz yoʻq deb til o'rganmaslik - bu shunchaki bahona. Ko'rnamaklik desak ham xato boʻlmas.

Biror tilni oʻrganish uchun internet, ruchka, daftar va ozgina boʻsh vaqt boʻlsa kifoya.

@muzokara_sanati Ochish/sharhlash