معلمة || Muallemah

2023-03-30 18:56:47 Gulni uzishga uzib qo’yib, sohta e’tibor berib uni quritishga haqqingiz yo’q Ochish/sharhlash

2023-03-30 16:02:40 Рўзадорлар диққатига! Ифторлик пайтида газланган ичимликлар ичманг ва яқинларингизни бу ҳақда огоҳлантиринг.

Кун давомида буйраклар сувсизланади ва улар газни ўз ичига олган ичимликларни истеъмол қилганда максимал юкни олади, буйраклар ишламай қолиши мумкин. Соғлиғингизга зарар берманг, газланган ичимликлар ичишдан сақланинг. Мева шарбатлари ёки сув ичиш яхшидир!

Ochish/sharhlash

2023-03-30 11:51:34 Ислом кизларига эслатма:

"Мўмина аёлларга хам айтинг! Кўзларини (номаҳрам эркакларга тикишдан) тўссинлар ва авратларини (ҳаромдан) сақласинлар! Ҳамда кўриниб тургандан бошка зеб-зийнатларини (яъни, устиларидаги либосларидан бошқа зеб-зийнатларини номаҳрамларга) кўрсатмасинлар ва кўкракларини рўмоллари билан тўссинлар! ...". (Нур: 31)

"Қизим ҳижобга кирди", "синглим ҳижобга кирди", "ўзим ҳижобга кирдим", деган гапларни кўп эшитяпмиз. Қарасак... тор қилиб ласина, шим кийиб олган бўлади ўша "ҳижоб"даги "муслима"... Устида ичи кўринадиган юпқа матодан бир бало... Кийим устидан кўкраклари аниқ-равшан бўлиб ажралиб туради. Кўз тушганда инсон уялиб кетади, "муслима"нинг аҳволидан. Киндикдан пастини айтмай ҳам, ёзмай ҳам... Кофта билан шим... Қанақасига бу ҳижоб бўлиши мумкин? Тирноқлар қоп-қора хинага бежалган. Оятда эса: "Зийнатларингизни номаҳрамларга кўрсатманг", дейилган. Аёл кишига зеб бериб турадиган не бўлса, ана ўша зийнат ҳисобланади. Узук-тақинчоқлар, пошнаси бор оёқ кийимлар, юз бўёқлари, атир-упа, тор, калта ва юпқа кийимлар, тирноқ бўёқлари, зеб билан чизилган хина ва ҳаказо... Буларнинг ҳаммаси эрга қилиниши шарт!

Маҳрамларга ҳам ҳатто ҳаддан ошмаган ҳолатда кўрсатилиши керак! "Маҳрамга мумкин", дегани... "Ҳатто, маҳрамингни олдида ҳам, ўзингдан кетма, ўзингни тийиб ол!", дегани бўлади.

Ҳижоб билан рўмолни адаштирманг! Ҳижоб билан орсизликни, ҳаёсизликни адаштирманг! Ва бундай кийиниб юрадиганларга ҳавас ҳам қилманг, ибрат ҳам олманг! Сизнинг либосингиз оят ва ҳадисга тўғри келяптими? Ўраган рўмолингиз кўкрагингизни тўсиб турибдими? Кийган кийимингизда олд ва орқа томонларингиз дўппайиб чиқиб турмаяптими? Шуларга эътибор қаратинг!

Ҳижобга нега кирмоқчисиз, аввал шуни қалбан билиб олинг! Ҳижоб нима, нега фарз эканлигини ўқиб, ўрганинг! Қаёқдаги ашқал-дашқал кийим-кечакка ҳавас қилиб, чала-чулпа ўраниб олманг! Аллоҳдан қўрқиб ўранмасангиз, амалингиз бир тийин! Аллоҳ учун ўранмасангиз, ўранмай қўяверинг! Ихлос бўлмаган амалда, яхшилик йўқ!

Аллоҳ қандай буюрган бўлса, шундай ўралинг! Қандай амр берган бўлса, шундай бажо келтиринг!

Ҳа, айтгандай... Баъзи беъманиларнинг: "Бошланишига бўлади... Мусулмончилик аста-секинчилик... Ўралмагандан кўра ўралган-ку... Нима энди қоп кийиб олиш керакми? Инсон ўзига қараб юриши керак-да... " ва ҳаказо гапларга ўралашиб қолманг! Ҳар қанча зийнатингизни эрингизга ва яна эрингизга қилинг! Бошқа эркаклар сизни қандайлигингизни билиши, кўриши шарт эмас!

Жаҳаннамнинг аксари аёллардан иборат бўлиши ҳақидаги ҳадисни унутманг!

Muallemah | Telegram Ochish/sharhlash

2023-03-30 11:48:31 “Ликулли шиддатин мудда” – ҳар машаққат учун (якун топадиган, тугаши белгиланган) муддат бор.

Изоҳ: Ҳаёт шундай, ҳар қандай мусибат, машаққат бир куни якун топади, ҳар бир торлик бир куни кенгликка алишади. Баъзан оғрик яхшилик олиб келади, баъзан умид тинчлантиради. Ҳар бир ҳолатингда ҳам Аллоҳ сен биландир. “Албатта, қийинчилик билан осончилик бордир”, (Шарҳ сураси, 6-оят).

Muallemah | Telegram Ochish/sharhlash

2023-03-30 08:44:01 #AYOL

Haqsiz, ayol qalbi gulga oʻxshaydi, qanchalik goʻzal boʻlsa shunchalik nozik hamdir.

Ayol hamma narsaga chidashi mumkin, biroq tuhmatga emas.

Ayoldan mard kishi yoʻq, qachonki u sevib qolsa.

Ayol - gul, biroq oʻzi xohlasa tikanga ham aylana oladi.

Qismat shafqatsiz ekanini yana bir oddiy va hayotiy koʻrinishi, qalbi pok, mehribon ayol badfeʼl erkakka roʻpara boʻlishidir.

Yigʻi ayol koʻzlarini yanada goʻzallashtiradi deyishadi. Biroq men bunday goʻzallikni hech bir ayol koʻzlarida koʻrishni xohlamasdim!

Muallemah | Telegram Ochish/sharhlash

2023-03-30 03:41:04 Ассалому алайкум ва роҳматуллоҳи ва барокатуҳ.

Аллоҳим ушбу фазилатли кунларнинг шарофатидан қалбимиздаги хайрли истакларимизнинг рўёбини насиб этсин. Дуоларимизнинг қабул бўлишини тўсаётган барча гуноҳларимизни мағфират қилсин!

Muallemah | Telegram Ochish/sharhlash

2023-03-29 19:53:01 Ота-онага пулни санаб берманг, санаб берсангиз қалбларига озор етади.

Борини тутқазин керегини ўзлари олишсин.
Олишаётган вақтда тескари қараб олинг.

Ана ундан кейин кўрасиз Аллоҳни баракасини ИншаАллоҳ.

Хамма нарсани мукофот ёки жазоси охиратда, илло Ота-онага қилинганини бу дунёда ҳам ва охиратда ҳам оласиз!


Ха айтганча кўчага чиқиб қанча олдилар экан деб санаманг.
Натижада Роббимиз ҳам беҳисоб беради ИншаАллоҳ.

Muallemah | Telegram Ochish/sharhlash

2023-03-29 17:42:01 Тафаккурнинг самараси

Бир подшохнинг қўшини орасида қўй боқар оддий чўпон бор эди. Сарой қозиси уни ёқтирмас эди. У чўпонга нисбатан шундай ҳийла ишлатдики, оқибатда подшох чўпонни қатл этишга хукм қилди. Бечора чўпоннинг онаси подшохнинг олдига бориб ўғлини кечиришини сўради. Подшох кекса онахондан хижолат бўлиб, шундай деди: "Мен қозига буюраман, у икки қоғоз олиб бирига қатл этилади, иккинчисига эса қатл этилмайди деб ёзиб беради. Ўғлингизга буюраман хукмни ижро этишдан олдин шу қоғозлардан бирини танлайди. Агар ўғлингиз мазлум бўлса Аллох унга нажот беради", деди.
Она подшох хузуридан чиқар экан, уни махзунлик чулғаб олган эди. У ўғлини подшох ёқтирмаслигини, иккала қоғозга хам қатл этилади деб ёздирса керак деб кўнглида ўтказар эди.

Чўпон йигит онасига: "Онажон, хавотир олманг, ишни Аллох таолонинг Ўзига қўйиб беринг", деди.
Подшохнинг хукмини ижро этиш учун қози иккала қоғозга хам ёзди. Бироқ йигитни ёқтирмагани учун иккисига хам қатл этилади, деб ёзди.
Белгиланган кун келганда сарой аҳли чўпон йигитга қандай хукм ўқилар экан деб, кузатиш учун тўпландилар. Қасос майдонига чўпон йигитни олиб келдилар. Қози захарҳандалик билан қоғозлардан биттасини танлаб олишини айтди. Чўпон йигит табассум билан битта қоғозни танлади ва мана шуни танладим деди. Сўнг қоғозни ўқимай ютиб юборди.
Подшох хайрон бўлиб: "Ҳой чўпон, нима қилганинг бу, сен қоғозни ютиб юбординг-ку, унда нима ёзилганини билолмай қолдик-ку", деди.
Йигит: "Подшохим, мен битта қоғозни танладим, унда нима ёзилганини билмай туриб, ютиб юбордим. Агар унда нима ёзилганини билмоқчи бўлсак, мана бу қоғозга қаранг, унда тескариси ёзилган бўлади", деди.
Подшох қоғозга қаради, унда қатл этилади деб ёзилган эди. Буни кўрган сарой ахли чўпон йигит қатл этилмайди деган қоғозни танлабди дейишди...

Хулоса:
Аллохнинг фазли билан озгина тафаккур сабабли улкан ишларни амалга ошира оламиз...
Аллох таоло "Оли Имрон" сурасида: "Албатта, осмонлару ернинг яратилишида ва кеча-кундузнинг алмашинишида ақл эгалари учун белгилар бор. Улар Аллохни тик турган, ўтирган ва ёнбошлаган холларида эслайдиган, осмонлару ернинг яратилишини тафаккур қиладиганлардир", деган (190-191-оятлар).

Ушбу ояти карималардан кўриниб турибдики, Аллохнинг биру борлиги ҳамда чексиз қудрати ва бошқа комил сифатларини тўла англаб етиш учун зикр ва тафаккур лозим экан. Бири бўлиб иккинчиси бўлмаса хам, иш битмас экан...

Тафаккурнинг фойдалари
1. Тафаккур Аллохнинг розилиги ва мухаббатига олиб борувчи йўлдир.
2. Тафаккур бағрикенглик ва қалб сокинлигидир.
3. Тафаккур Аллох азза ва жалладан хавфда бўлиш ва қўрқиш малакасини хосил қилади.
4. Тафаккур хикмат малакасини хосил қилади ва қалбни тирилтиради.
5. Кўп эътибор бериш ва ваъзланиш ўтганларнинг сийратидандир.
6. Тафаккур катта ақлий қувват бўлиб, якка шахсларнинг огоҳлигига ва умматларнинг уйғонишига олиб боради...

Muallemah | Telegram Ochish/sharhlash

2023-03-29 15:46:02 Рамазон ойида Нишолданинг фойдаси

Ҳар бир одамнинг организмида ҳар ҳил овқат қолдиқлари бўлади. Сиз ҳар куни қўлингизни ювиб юрасиз, лекин ошқозонингизни юволмайсиз. Ўша бошнишолда таркибидаги модда ошқозондаги кераксиз чиқиндиларни чиқариб ташлайди.

Ошқозонингиз оғриса, турли дориларни ичасиз. Бироқ овқатдан кейин 2—3 қошиқ нишолда есангиз, кимёвий дорилардан кўра кўпроқ фойдали бўлади. Буни кўплаб шифокорлар ҳам тавсия қилган. Тажрибадан ҳам ўтган.

Унинг таркибида етмак деган илдиз бор. У ўсимлик одамнинг ошқозони, ичагини фильтрлайди. Ёш болалар еса, шамоллашининг олдини олади. Бундан ташқари нишолда рўза тутаётганларни оч қолдирмайди.

Muallemah | Telegram Ochish/sharhlash

2023-03-29 13:01:53 #Раййон_эшиги
#Рамазон
РЎЗАНИНГ ТУРЛАРИ

Рўзанинг турлари тўрттадир:

I.  Лозим рўза.
   Лозим рўза иккига: фарз ва вожибга бўлинади.
        Фарз рўза ҳам иккига: тайинли ва тайинли эмасга бўлинади.
        Тайинли фарз рўза - Рамазон рўзасини адо этишдир.
        Тайинли бўлмаган фарз рўза – Рамазоннинг қазоси ва каффорат рўзасидир.
        Вожиб рўза ҳам иккига: тайинли ва тайинли эмасга бўлинади.
        Тайинли вожиб рўза – муайян назр рўзадир.
        Тайинли бўлмаган вожиб рўза – мутлоқ назр рўза ва нафл рўзани бузган бўлса, қазони тутишдир.

II.  Ҳаром рўза.
     Бу турдаги рўзани ҳанафийлар: “макруҳи таҳримий” ҳам дейдилар. Бундай рўзалар бир неча хилдир:      
1.  Аёл кишининг эрининг изнисиз ёки розилигини билмай туриб нафл рўза тутиши.
2.  Шак куни рўза тутиш.
3.  Рўза ҳайити куни ҳамда Қурбон ҳайити ва ундан кейинги уч куннинг  рўзасини тутиш.
4.  Ҳайзли ва нифосли аёлнинг рўза тутиши.
5.  Рўза тутса ҳалок бўлишини билиб туриб рўза тутган одамнинг рўзаси.

III.  Ихтиёрий рўза.
     Ҳанафий мазҳабида ихтиёрий рўза учта: суннат, мандуб ва нафлга бўлинади.
     Суннат рўза – Расулуллоҳ соллаллоҳу алайҳи васаллам бардавом тутиб юрган ихтиёрий рўза.
     Ошуро ойининг тўққизинчи ва ўнинчи кунининг рўзаси суннат ҳисобланади.
     Мандуб ёки мустаҳаб - Расулуллоҳ соллаллоҳу алайҳи васаллам бардавом тутмаган ихтиёрий рўза.
1.  Бир кун тутиб, бир кун очиб юриш.
2.  Ҳар ойда уч кун рўза тутиш.
3.  Ҳафтанинг душанба ва пайшанба кунлари рўза тутиб юриш.
4.  Шавволдан олти кун рўза тутиш.
5.  Арафа куни рўза тутиш.
6.  Арафадан олдин саккиз кун рўза тутиш.
7.  Шаъбон ойида рўза тутиш
Нафл рўза – зикр қилиб ўтилганлардан бошқа тутишга тарғиб қилинган рўзалар.

IV.  Макруҳ рўза.
     Бу хилдаги рўзани ҳанафий мазҳабида макруҳи танзиҳий ҳам дейилади. Улар қуйидагилардир:
1.  Ошуро кунининг ёлғиз ўзининг рўзасини тутиш.
2.  Жума кунининг ёлғиз ўзининг рўзасини тутиш.
3.  Шанба кунининг ёлғиз ўзининг рўзасини тутиш.
4.  Наврўз куни рўза тутиш.
5.  Меҳрижон куни рўза тутиш.
6.  Ҳар куни рўза тутиш.
7.  Гапирмасдан рўза тутиш.
8.  Улаб рўза тутиш.
9.  Мусофирнинг қийналиб рўза тутиши.

"Кифоя" китобидан.
Дўстларингиза улашинг!
Каналга уланиш:

Muallemah | Telegram Ochish/sharhlash