Эр-хотин муносабатлари бузилишининг сабаблари:
Жанжал орқали заифлашган муносабатларни янада кучайтириб юборасиз. Бора-бора урушдан чарчаган эркак учун сиз доимий гапирадиган радиога айланиб қоласиз. Эркаклар хеч қачон тортишувларни ёқтирмайдилар.
Узи билан ýзи овора бýлиб юриш- аëлларнинг энг катта камчиликларидан бири. Баъзи бир аëллар айниқса уй бекалари эрим ишдан чарчаб келди деб овқатлангандан сýнг уй ичида жимгина юриб, дам олсин деб эрини ëнига яқинлашмай болалари билан овора бýлиб юрадилар. Агар бу ходиса қайта-қайта такрорланса, эркак аёлни шахсий фикри бор аёл эмас, балки буюм сифатида қабул қила бошлайди.
Айрим тортишувларда "мен хақман" тамойилини унутинг. Эркаклар табиий равишда етакчи бýлишни яхши кýрадилар. Уша пайтда ютқизиб беринг, вақт ýтиши билан сизники тýғри эканини айтиб, охири сизга бош эгади.
Овқатланиш вақтида муаммоларни айтманг. Баъзи бир аёллар эри овқатланишга ýтиргандан то туриб кетгунича муаммоларни айтишади. Бу тýғри эмас. Муаммоларингиз хақида гапириш учун у яхши кайфиятда бýлган вақтни кутганингиз мақул.
"Мендан бошқага кетмайди" деган тушунчадан олис бýлинг. Баъзи аëллар "мен бунга фарзанд туғиб бердим, энди қаерга хам борарди" деб ýзига эътибор бермай, ошиқча вазн йиғиб нозиклигини йýқотадилар. Уртадаги муносабатларни сақламоқчи бýлсангиз бешта бола туғсангиз хам, ýзингизга эътибор беринг.
Кетирган хатоларини кечиришни ýрганинг. Эрингиз сиз билан кетаëтиб бошқа қизга қараб қýйса, 2-3 кун аразлаб, уни кечиргингиз келмайди. Аммо бу туйғуни узоқ вақт ушлаб турмай, тез унитишни ýрганинг. Акс холда, у қараб қýйган қизни излаб кетишига йýл очган бýласиз.
Турмуш ýртоғингизнинг хар бир ишида айблаб, танқид қилишдан сақланинг. Танқидни эшитган сари сиз билан гаплашишни истамай, хатто келажакдаги ишларини сиз билан бахам кýришни хохламайди.
Баъзилари турмуш ýртоғининг ёқмайдиган фэъл-атворини ýзгартириш учун уни қайта-қайта айтаверишади. Аммо айтиш билан хеч қандай ýзгариш сезилмаса, уни такрорлашнинг хожати йýқ. Уни қандай бýлса шундай қабул қилинг.
